“কিয়োঁকি সাস ভী কভী বহু থী ২” ধাৰাবাহিকৰ এটা খণ্ডৰ বাবে কিমান টকা লয় স্মৃতি ইৰাণীয়ে?

স্মৃতি জুবিন ইৰাণী, সৰু পৰ্দাৰ অতি জনপ্ৰিয় হিন্দী ধাৰাবাহিক ‘কিয়োঁকি সাস ভী কভী বহু থী”ৰ জৰিয়তে অতি জনপ্ৰিয় আছিল তেওঁ। শেহতীয়াকৈ ৰাজনীতিৰ পৰা কিছু আঁতৰি তেওঁ পুনৰ অভিনয়ত মনোনিৱেশ কৰিছে। ‘কিয়োঁকি সাস ভী কভী বহু থী২”ত অভিনয় কৰিছে স্মৃতিয়ে।

এই ধাৰাবাহিকখনে সম্প্ৰচাৰৰ পাছতেই ব্যাপক সমাদৰ লাভ কৰিছে দৰ্শকৰ। ধাৰাবাহিকখনত স্মৃতি ইৰাণীক দেখা পায় উল্লাসিত হৈ পৰিছে তেওঁৰ অনুৰাগীসকল। প্ৰথম সপ্তাহত এই ধাৰাবাহিকখনে টিআৰপিৰ ক্ষেত্ৰত অনুপমা আৰু তাৰক মেহতা কা উল্টা চশমাৰ দৰে দুখন বহুসমাদৃত ধাৰাবাহিককো চেৰ পেলাই আগুৱাই গৈছে। ইয়াৰ লগে লগে স্মৃতি ইৰাণী হৈ পৰিছে টেলিভিচনৰ আটাইতকৈ দামী অভিনেত্ৰী।

তথ্য অনুসৰি স্মৃতি ইৰাণীয়ে প্ৰতিটো খণ্ডৰ বাবে ১৪ লাখ টকাৰ মাননি লয়। এই উচ্চ মূল্যৰ মাননিৰ দ্বাৰা টিভি জগতৰ সৰ্বাধিক উপাৰ্জনকাৰী অভিনেত্ৰী হিচাপে পৰিগণিত হৈছে। এই খবৰ সন্দৰ্ভত প্ৰতিক্ৰিয়া প্ৰকাশ কৰি স্মৃতি ইৰাণীয়ে নিজেই উপাৰ্জনৰ কথা উল্লেখ কৰিছে। অলপতে চিএনএন নিউজ১৮ ৰ সৈতে হোৱা এক সাক্ষাৎকাৰত স্মৃতি ইৰাণীয়ে স্বীকাৰ কৰে যে তেওঁ অভিলেখ সংখ্যক মাননি লাভ কৰিছে। লগতে তেওঁ কয় যে অশেষ কষ্ট আৰু টিআৰপিৰ প্ৰদৰ্শনৰ বাবে তেওঁ এই ধন লাভ কৰিছে।

সৰ্বাধিক মাননি লোৱা টিভি অভিনেত্ৰী

স্মৃতি ইৰাণীয়ে কয়, “আপুনি এজন পেছাদাৰী হিচাপে এটা মাপকাঠীও নিৰ্ধাৰণ কৰে যে যদি সংখ্যা আৰু ৰাজহৰ ক্ষেত্ৰত ইতিহাস সৃষ্টি কৰিব পাৰি, তেন্তে কিয় নকৰিব? কাৰণ আমাক দেখা সকলোৱে নাজানে যে আমি কৰ্মচাৰী হিচাপে নিজৰ চুক্তিৰ সম্পৰ্কে আলোচনা কৰাৰ সুযোগ পাওঁ।”

স্মৃতি ইৰাণীয়ে গৌৰৱেৰে কয় যে কেৱল দৰমহাৰ সমতা নহয়, ল’ৰা-ছোৱালীকো এৰি থৈ গৈছে। তেওঁ আৰু কয়, “মই এটা ইউনিয়নৰ অংশ, গতিকে প্ৰথমে মই ইউনিয়ন নম্বৰ পঞ্জীয়ন কৰোঁ। আমি সকলোৱে এটা বৃহত্তৰ সংস্থা আৰু কৰ্মপ্ৰবাহৰ অংশ। এজন ব্যক্তিয়ে থিয় হৈ এই কথা ক’বলৈ বহুত কষ্টৰ প্ৰয়োজন হয়, “শুনা, কেৱল দৰমহাৰ সমতা নহয়, মই ল’ৰা-ছোৱালীকো এৰি থৈ আহিছো আৰু মই কিমান উপাৰ্জন কৰো, এয়া বহু কষ্টৰ কাম।”

স্মৃতি ইৰাণীয়ে সলনি কৰিলে তেওঁৰ সহ অভিনেতাসকলৰ ভাগ্য

তুলসী বিৰাণীৰ মুখ্য চৰিত্ৰত অভিনয় কৰা স্মৃতি ইৰাণীয়ে আৰু কয় যে তেওঁৰ লগত কাম কৰা লোকসকলৰ পৰা তাৰকা সৃষ্টি কৰাৰ ক্ষমতা আছে।

তেওঁ কয়, “আপুনি সঁচাকৈয়ে তাৰকা নে, বা আপোনাৰ চৌপাশৰ মানুহবোৰৰ পৰা তাৰকা সৃষ্টি কৰিব পৰা পেছাদাৰী ক্ষমতা আছেনে? মই ভাবো মোৰ ওচৰত আছে। মই ধন্যবাদৰ পাত্ৰ যে মোৰ চৌপাশৰ মানুহবোৰৰ পৰা তাৰকা সৃষ্টি কৰা ক্ষমতা আছে। যদি তুলসীৰ দৰে কিবা এটা আছে, তেন্তে অমৰ উপাধ্যায়ে নিজৰ বাবে এক বেলেগ বজাৰ সৃষ্টি কৰে। গতিকে আপুনি সেই পিভট, সেই চাউণ্ডিং ব’ৰ্ড হ’ব পাৰেনে, যাৰ জৰিয়তে আন অভিনেতাসকলে নিজৰ আৰ্থিক মূল্য বৃদ্ধি কৰিব পাৰে? গতিকে আজি মোৰ সহ অভিনেতাসকলে ক’ব পাৰে, ‘অ’, আমিও ইয়াৰ এটা অংশ।’”

স্মৃতি ইৰাণীৰ ৰাজনৈতিক কেৰিয়াৰ

২০২২ চনত গুজৰাটৰ পৰা ৰাজ্যসভালৈ নিৰ্বাচিত হৈছিল স্মৃতি জুবিন ইৰাণী। ২০১৪ চনত কেন্দ্ৰত বিজেপি নেতৃত্বাধীন এনডিএই চৰকাৰ গঠন কৰে। মোদী কেবিনেটত মানৱ সম্পদ বিকাশ দপ্তৰৰ মন্ত্ৰী হিচাপে দায়িত্ব লাভ কৰে স্মৃতি ইৰাণীয়ে। ২০১৬ চনলৈকে তেওঁ এই দপ্তৰত কাৰ্যনিবাহ কৰে।

২০১৭ চনত তেওঁ পুনৰ ৰাজ্যসভালৈ নিৰ্বাচিত হয়। এইবাৰ তেওঁ লাভ কৰিলে তথ্য আৰু সম্প্ৰচাৰ বিভাগ। সদনত অথি সৰৱ ৰূপত দেখা গৈছিল স্মৃতি ইৰাণীক। ২০১৮ চনৰ মে’ মাহলৈকে তেওঁ এই দপ্তৰৰ দায়িত্ব চম্ভালে।

২০১৯ চনৰ লোকসভা নিৰ্বাচনত বিজেপিয়ে আমেথি আসনৰ প্ৰাৰ্থী হিচাপে প্ৰক্ষেপ কৰে স্মৃতি ইৰাণীক। দলীয় নেতৃত্বৰ বিশ্বাসক বাস্তৱ ৰূপ দি নিৰ্বাচনত জয়ী হৈ আহে স্মৃতি। এইবাৰ তেওঁক হস্ততাঁত দপ্তৰৰ দায়িত্ব দিয়া হয়। কিন্তু ২০২৪ চনৰ লোকসভা নিৰ্বাচনত তেওঁ পৰাজয় বৰণ কৰে। তাৰ পাছত এতিয়া তেওঁ পুনৰ অভিনয় জগতত মনোনিৱেশ কৰা দেখা গৈছে।