৬০ কোটি টকাৰ প্ৰবঞ্চনা! ৪.৩০ ঘণ্টা ধৰি জেৰা শিল্পা শ্বেট্টীক, কি কি তথ্য দিলে?

বলীউডৰ অভিনেত্ৰী শিল্পা শ্বেট্টীৰ সমস্যা এতিয়াও শেষ হোৱা নাই। শিল্পা আৰু তেওঁৰ স্বামী ৰাজ কুন্দ্ৰাই বিভিন্ন কাৰণত বাতৰিৰ শিৰোনাম দখল কৰি আহিছে। দীৰ্ঘদিন ধৰি ৬০ কোটি টকাৰ জালিয়াতিৰ গোচৰত তেওঁলোক আৰক্ষীৰ জেৰা সন্মুখীন হৈছে দুয়ো। ইয়াৰ মাতে শিল্পা শ্বেট্টীৰ ঘৰত উপস্থিত হৈ মুম্বাই আৰক্ষীৰ ইকনমিক অফেন্সেছ উইং (EOW)-এ তেওঁৰ বক্তব্য ৰেকৰ্ড কৰা বুলি জানিব পৰা গৈছে। এই জেৰা প্ৰায় চাৰে চাৰি ঘণ্টা ধৰি চলিছিল। শিল্পা শ্বেট্টীয়ে মুম্বাই আৰক্ষীক সম্পূৰ্ণৰূপে সহযোগ কৰি নিজৰ পক্ষ উপস্থাপন কৰাৰ লগতে কিছু নথি-পত্ৰ প্ৰদান কৰে।

৬০ কোটি টকাৰ জালিয়াতিৰ গোচৰৰ তদন্ত অব্যাহত ৰাখিছে আৰক্ষীয়ে। এই গোচৰত নাম উল্লেখ কৰাসকলক এজন এজনকৈ সোধা-পোছা কৰা হৈছে। এই সন্দৰ্ভত শিল্পা শ্বেট্টীৰ বক্তব্য ই অ’ ডব্লিউৱে তেওঁৰ ঘৰত ৰেকৰ্ড কৰিছিল। চাৰে চাৰি ঘণ্টীয়া জেৰাৰ সময়ত অভিনেত্ৰীগৰাকীয়ে তেওঁৰ বিজ্ঞাপন কোম্পানীটোৰ বেংক একাউণ্টত হোৱা লেনদেনৰ তথ্যও আৰক্ষীক প্ৰদান কৰে। কিন্তু তেওঁ যিটো গোচৰত জড়িত হৈ আছে, তাৰ সম্পূৰ্ণ পৰিসৰ কিমান?

শিল্পা শ্বেট্টীয়ে আৰক্ষীক কি ক’লে?

খবৰ অনুসৰি শিল্পা শ্বেট্টীয়ে আৰক্ষীৰ জেৰাত পূৰ্ণ সহযোগিতা কৰি তেওঁৰ বিজ্ঞাপন কোম্পানীটোৰ লেনদেনৰ সৈতে জড়িত কেইবাখনো নথি-পত্ৰ প্ৰদান কৰে। বৰ্তমান শিল্পা শ্বেট্টী, তেওঁৰ স্বামী ৰাজ কুন্দ্ৰা, আৰু আন চাৰিজন ব্যক্তিৰ বক্তব্য ৰেকৰ্ড কৰা হৈছে। শিল্পই আৰক্ষীক প্ৰদান কৰা নথি-পত্ৰৰ তদন্ত অব্যাহত আছে। অভিযোগকাৰী দীপক কোথাৰীয়ে এন বি এফ চিৰ পৰা ৬০ কোটি টকাৰ ঋণ লোৱাকে ধৰি ৰাজ কুন্দ্ৰাই আৰক্ষীক যথেষ্ট পৰিমাণৰ তথ্য প্ৰদান কৰিছিল যদিও পিছত তেওঁৰ কোম্পানীত ইকুইটি হিচাপে ইয়াক সালসলনি কৰা হৈছিল বুলিও খবৰ ওলাইছে। লগতে প্ৰচাৰৰ ফটো আৰক্ষীক দেখুৱায়।

কিয় তদন্তৰ আওতালৈ আহিল শিল্পা?

দৰাচলতে দীপক কোথাৰীয়ে শিল্পা শ্বেট্টীৰ বিৰুদ্ধে ৬০ কোটি টকাৰ জালিয়াতিৰ গোচৰ ৰুজু কৰিছিল। তদন্ত চলি থকা কোম্পানীটোৰ এগৰাকী ডাঙৰ শ্বেয়াৰহোল্ডাৰ শিল্পা, যাৰ বাবেই তেওঁক সোধা-পোছা কৰা হৈছে। শ্বেয়াৰহোল্ডাৰ হোৱাৰ পিছতো চেলিব্ৰিটি অভিনেত্ৰীগৰাকীয়ে নিজৰ শ্বেয়াৰ দাবী কৰিছে।

এইবাৰ মুম্বাই আৰক্ষীৰ অৰ্থনৈতিক অপৰাধ শাখাই শিল্পা শ্বেট্টী আৰু ৰাজ কুন্দ্ৰাৰ বিৰুদ্ধে গোচৰ ৰুজু কৰে। ৬০ কোটি টকাৰ জালিয়াতিৰ গোচৰৰ সন্দৰ্ভত ছেপ্টেম্বৰ মাহত এখন লুকাউট নোটিচ জাৰি কৰা হৈছিল। অৱশ্যে জালিয়াতিৰ গোচৰত নাম উল্লেখ কৰা কোম্পানী বেষ্ট ডিল টিভি প্ৰাইভেট লিমিটেড এতিয়া বন্ধ কৰি দিয়া হৈছে। দীপক কোথাৰীৰ অভিযোগৰ ভিত্তিত দম্পতীৰ বিৰুদ্ধে গোচৰ ৰুজু কৰা হৈছিল। তেওঁ অভিযোগ কৰে যে ২০১৫ চনৰ পৰা ২০২৩ চনৰ ভিতৰত শিল্পই তেওঁক এই ব্যৱসায়ত বিনিয়োগ কৰিবলৈ কৈছিল।পৰৱৰ্তী সময়ত লোকচানৰ সন্মুখীন হ’বলগীয়া হয়।