এক্সন, চাচপেন্সৰ পৰা ৰাজনৈতিক থ্ৰিলাৰলৈ… মনোৰঞ্জনৰ বাবে ছেপ্টেম্বৰ হ’ব বিশেষ!

মনোৰঞ্জনৰ ক্ষেত্ৰত ছেপ্টেম্বৰ মাহটো অতি বিশেষ হ’ব। এই মাহত অ’টিটি আৰু ছবিগৃহত বহুতো হিট ছবিয়ে মুক্তি লাভ কৰিব। এই মাহটো চলচ্চিত্ৰ প্ৰেমীসকলে লাভ কৰিব কেতবোৰ আকৰ্ষণীয় পেকেজ। এই মাহটোৰ প্ৰথম সপ্তাহৰ পৰা ছবিগৃহত মানুহৰ সমাৱেশ হ’ব বুলি আশা কৰা হৈছে । আহিবলগীয়া ছবিসমূহৰ বেছিভাগেই এক্সন আৰু থ্ৰিলাৰ । দৰ্শকৰ মনোৰঞ্জনৰ বাবে এই মাহত কোনবোৰ ছবি আৰু ৱেব ছিৰিজে মুক্তি পাব জানো আহক।

GOAT

দক্ষিণৰ চুপাৰষ্টাৰ থালাপতি বিজয়ৰ ‘GOAT’ মাহটোৰ আৰম্ভণিতে প্ৰথমতে ছবিগৃহত প্ৰৱেশ কৰিব। চলচ্চিত্ৰখন ভেংকট প্ৰভুৰ দ্বাৰা পৰিচালিত আৰু প্ৰযোজনা কৰিছে এজিএছ এণ্টাৰটেইনমেণ্টৰ কল্পনা এছ আঘোৰাম, কল্পনা এছ গণেশ আৰু কল্পনা এছ সুৰেশে।
থালাপতি বিজয়ক এই ছবিখনত দ্বৈত চৰিত্ৰত অভিনয় কৰা দেখা যাব। ‘GOAT’ত থালাপতি বিজয়ে ফিল্ড এজেণ্ট আৰু গুপ্তচৰৰ চৰিত্ৰত অভিনয় কৰিছে। ছবিখন ৫ ছেপ্টেম্বৰত মুক্তি দিয়াৰ কথা আছে।

Call Me Bae

অনন্যা পাণ্ডে অভিনীত ৱেব ছিৰিজ ‘কল মি বে’ ৬ ছেপ্টেম্বৰত প্ৰাইম ভিডিঅ’ত মুক্তি পাব। এই ছিৰিজখনত অনন্যাক বীৰ দাস, বিহান সমত, গুৰফতেহ পীৰজাদা, মিনি মাথুৰ আৰু বৰুণ সুদৰ দৰে অভিনেতাৰ সৈতে দেখা যাব। ‘কল মি বে’ কলিন ডি কুনহাই পৰিচালনা কৰিছে আৰু প্ৰযোজনা কৰণ জোহৰৰ । ট্ৰেইলাৰ চাই এই ছিৰিজখন অতি আমোদজনক হ’ব যেন লাগিছে। এতিয়া ইয়াৰ প্ৰকৃত সমীক্ষা অহা সপ্তাহত জনা যাব।

Emergency

কংগনা ৰাণাৱটৰ ছবি ‘ইমাৰজেন্সি’য়েও ৬ ছেপ্টেম্বৰত মুক্তি পাব। অৱশ্যে ছবিখনৰ মুক্তিক লৈ কিছু বিতৰ্ক চলি আছে। যাৰ বাবে মুক্তিৰ তাৰিখ সলনি কৰাৰ সম্ভাৱনা আছে। ছবিখনত কংগনা ৰাণাৱটে প্ৰাক্তন প্ৰধানমন্ত্ৰী ইন্দিৰা গান্ধীৰ চৰিত্ৰত অভিনয় কৰিছে। কংগনাই মুখ্য চৰিত্ৰত অভিনয় কৰাৰ লগতে ছবিখন পৰিচালনা কৰিছে।

Tanaav

আৰবাজ খান, মানৱ ভিজ, গৌৰৱ অৰোৰা আৰু ৰজত কাপুৰ অভিনীত ‘Tanaav’ৰ প্ৰথম অংশটোৱে দৰ্শকে যথেষ্ট ভাল সঁহাৰি লাভ কৰিছিল। এতিয়া নিৰ্মাতাসকলে ইয়াৰ দ্বিতীয় ছিজন মুকলি কৰিব। ছিৰিজখন সুধীৰ মিশ্ৰ আৰু ই নিৱাসৰ দ্বাৰা পৰিচালিত হৈছে। এই ৱেব ছিৰিজখন এক্সন থ্ৰিলাৰ হ’ব। এই ছিজনত প্ৰথম ছিজনতকৈ অধিক এক্সন থাকিব। এই ৱেব ছিৰিজখনে ৬ ছেপ্টেম্বৰত চনী লিভত মুক্তি পাব।

Beetlejuice Beetlejuice

টিম বাৰ্টনৰ দ্বাৰা পৰিচালিত ভৌতিক-কৌতুক আধাৰিত ছবি Beetlejuice Beetlejuiceয়ে ৬ ছেপ্টেম্বৰত বিশ্বজুৰি মুক্তি লাভ কৰিব। ছবিখনত মাইকেল কিটন, ৱিনোনা ৰাইডাৰ, কেথৰিন অ’হাৰা, জাষ্টিন থেৰৌক্স, মনিকা বেলুচ্চি, জেনা অৰ্টেগা আৰু ৱিলেম ডেফ’ই অভিনয় কৰিছে।

The Buckingham Murders

মাৰ্চত মুক্তি লাভ কৰা ‘ক্ৰু’ৰ পাছত কৰীণা কাপুৰ খানে এতিয়া এটা হত্যাৰ ৰহস্য লৈ আহিছে। এই ছবিখনত তেওঁক ডিটেকটিভ চাৰ্জেণ্ট জছমিত ভামৰাৰ চৰিত্ৰত অভিনয় কৰা দেখা যাব। ছবিখন অসীম অৰোৰা, কাশ্যপ কাপুৰ আৰু ৰাঘৱ ৰাজ কক্কৰে লিখিছে। “দ্য বাকিংহাম মাৰ্ডাৰ্ছ”য়ে ১৩ ছেপ্টেম্বৰত মুক্তি পাব। ইয়াত এছ টণ্ডন, ৰণবীৰ ব্ৰাৰ আৰু কিথ এলেনেও অভিনয় কৰিছে।

Sector 36

বিক্ৰান্ত মেছী আৰু দীপক ডব্ৰিয়ালৰ আহিবলগীয়া ক্ৰাইম থ্ৰিলাৰ ‘চেক্টৰ ৩৬’ এই মাহত আহি আছে। এইখে ১৩ ছেপ্টেম্বৰত নেটফ্লিক্সত মুক্তি পোৱাৰ কথা আছে। ‘চেক্টৰ 36′ এটা বাস্তৱ কাহিনীৰ ওপৰত আধাৰিত। যিয়ে সৰু বসতি এলেকাৰ পৰা শিশু নিৰুদ্দেশ হোৱাৰ কাহিনী দেখুৱায়। দিনেশ বিজনৰ দ্বাৰা পৰিচালিত থ্ৰিলাৰখন মেডক ফিল্মছ আৰু জিঅ’ ষ্টুডিঅ’ৰ বেনাৰত নিৰ্মাণ কৰা হৈছে।

Berlin

অপাৰশক্তি খুৰানা আৰু ইশ্বক সিং অভিনীত স্পাই থ্ৰিলাৰ ‘বাৰ্লিন’নে ১৩ ছেপ্টেম্বৰত জি ৫’ত মুক্তি পাব। ইয়াৰ কাহিনী ১৯৯০ ৰ দশকত দিল্লীৰ ৰাজনৈতিক পৰিৱেশত নিৰ্মাণ কৰা হৈছিল। ইয়াৰ অংশ হ’ব ৰাহুল বসু, অনুপ্ৰিয়া গোয়েঙ্কা আৰু কবীৰ বেদী।

Yudhra

সিদ্ধান্ত চতুৰ্বেদী, মালবিকা মোহনন আৰু ৰাঘৱ জুয়ালৰ এক্সন ছবি ‘যুধ্ৰা’ ২০ ছেপ্টেম্বৰত ছবিগৃহত মুক্তি লাভ কৰিব। এই ছবিখন ৰবি উদিয়াৱাৰে পৰিচালনা কৰিছে। ইয়াৰ কাহিনী শ্ৰীধৰ ৰাঘৱনৰ। এই ছবিখনৰ সৈতে হিন্দী ছবিত আত্মপ্ৰকাশ কৰিছে মালবিকা মোহননে। যুধ্ৰাত গজৰাজ ৰাও, ৰাম কাপুৰ, ৰাজ অৰ্জুন আৰু শিল্পা শুক্লাৰ দৰে অভিনেতাকো দেখা যাব।

Devara

জুনিয়ৰ এনটিআৰ, চেইফ আলী খান আৰু জাহ্নৱী কাপুৰ অভিনীত ‘দেৱৰা’ ২৭ ছেপ্টেম্বৰত মুক্তি পাব। চেইফ আলী খানক এই ছবিখনত খলনায়কৰ চৰিত্ৰত দেখা যাব। শেহতীয়াকৈ মুকলি কৰা পোষ্টাৰৰ পৰা অনুমান কৰা হৈছে যে জুনিয়ৰ এনটিআৰৰ দ্বৈত ভূমিকা দেখা যাব পাৰে।