প্ৰেমত পৰিছে নেকি কৃতি চানন? প্ৰেমৰ সম্পৰ্কক লৈ কি ক’লে অভিনেত্ৰীগৰাকীয়ে?

দীৰ্ঘদিন ধৰি প্ৰেমৰ সম্পৰ্কক লৈ চৰ্চাত আছে কৃতি চানন । এইটো কোৱা হৈছে যে অভিনেত্ৰীগৰাকীয়ে গোপনে ইউকেৰ কোটিপতি কবীৰ বাহিয়াৰ সৈতে ডেটিং কৰি আছে। সামাজিক মাধ্যমত দুয়োৰে সম্পৰ্কৰ বিষয়ে বহুত আলোচনা হৈছে। অৱশ্যে তেওঁ এই বিষয়ে কোনো নিশ্চিতি দিয়া নাই। কিন্তু কৃতিয়ে হোলীৰ সময়ত ছ’চিয়েল মিডিয়া একাউণ্টত এখন ফটো পোষ্ট কৰিছিল, য’ত কবীৰক দেখা গৈছিল। অভিনেত্ৰীগৰাকীৰ পোষ্টৰ পাছত, তেওঁৰ সৈতে কবীৰৰ নাম চৰ্চিত হ’বলৈ আৰম্ভ কৰে। এতিয়া শেহতীয়াকৈ কৃতিয়ে প্ৰেমৰ সম্পৰ্কক লৈ কিছু কথা কৈছে।

নিখিল কামাথৰ সৈতে পডকাষ্টত  কৃতি চাননে প্ৰথমবাৰৰ বাবে সম্পৰ্কৰ বিষয়ে মুকলিকৈ কৈছিল। অভিনেত্ৰীগৰাকীয়ে সম্পৰ্কত হোৱা কাজিয়া আৰু সেই সময়ত তেওঁৰ প্ৰতিক্ৰিয়াৰ বিষয়ে কৈছিল। তেওঁলোকৰ কাজিয়াত কোনে প্ৰথমে ক্ষমা বিচাৰে বুলি সোধাত কৃতিয়ে কয়, “এইটো পৰিস্থিতিৰ ওপৰত নিৰ্ভৰ কৰে, যেতিয়া মই অনুভৱ কৰোঁ যে মই ভুল কৰিছোঁ, মই ক্ষমা বিচৰো। কিন্তু য’ত মোৰ ভুল নাই, তাত ক্ষমা নিবিচৰো।” অভিনেত্ৰীগৰাকীয়ে আকৌ কয়, কাজিয়াবোৰ মই সমাধান কৰোঁ আৰু সমস্যাটোৰ বিষয়ে ভালদৰে কথা পাতো।

কৃতি চাননক তেওঁৰ কন্দা অভ্যাসৰ বিষয়ে আৰু সোধা হৈছিল যে তেওঁ সৰু সৰু কথাত কান্দে নেকি? এই প্ৰশ্নৰ উত্তৰত কৃতিয়ে কয়, “সাধাৰণতে মই নাকান্দো, কিন্তু যদি কিবা এটাত বিতৰ্ক বৃদ্ধি পায়, তেন্তে তাত কন্দাৰ সম্ভাৱনা অধিক থাকে । মই নাকান্দো বুলি নকও, কিন্তু মই এনেই কান্দি নাথাকো।” কৃতিক যেতিয়া শেহতীয়াকৈ কন্দাৰ বিষয়ে সোধাত কৈছিল, “যোৱা কেইবছৰমানত আৱেগিকভাৱে ভাঙি পৰিছোঁ, এনেকুৱা বেছিভাগ সেই সময়ত হৈছিল যেতিয়া মোৰ হাতত কৰিবলৈ একো নাছিল। দীঘলীয়া বন্ধৰ সময়ত এনে হয়। মই বহুত বেয়া সময় দেখিছোঁ।”

কৃতিয়ে তেওঁৰ কেৰিয়াৰৰ বিষয়ে কৈছিল যে অভিনেত্ৰীগৰাকীৰ কাম কৰাৰ অনুপ্ৰেৰণা হ’ল তেওঁৰ পচন্দ। তেওঁ ছেটত থাকিবলৈ, কাম কৰিবলৈ ভাল পায়, যি তেওঁৰ বাবে অনুপ্ৰেৰণা। কিছু সময় আগতে কৃতিয়ে পিংকভিলাৰ সৈতে কাম কৰাৰ সময়ত তেওঁৰ হতাশাৰ কথাও কৈছিল। সাক্ষাৎকাৰটোত, কৃতিয়ে কৈছিল যে তেওঁ কেতিয়াবা খুব বিচলিত হয় কিয়নো তেওঁ এটা ভাল সুযোগ বিচাৰি আছে। তেওঁ বিশ্বাস কৰে যে পৰ্দাত দেখুওৱা অভিনয়তকৈ তেওঁৰ অধিক ক্ষমতা আছে, যিটো তেওঁ দেখুৱাব পৰা নাই।

কৃতি চাননে ২০১৪ চনত টাইগাৰ শ্ৰফৰ ‘হিৰোপান্তি’ৰ সৈতে কেৰিয়াৰ আৰম্ভ কৰিছিল। ‘হিৰোপান্তি’ৰ পাছত, কৃতিয়ে তেওঁৰ পিছলৈ ঘূৰি চোৱা নাছিল। অভিনেত্ৰীগৰাকীয়ে বহুতো ভাল ছবিত তেওঁৰ অভিনয় দক্ষতা দেখুৱাইছিল। কৃতিয়ে তেওঁৰ ছবি মিমিৰ বাবে ৰাষ্ট্ৰীয় বঁটাও লাভ কৰিছে। তেওঁৰ সেই ছবিখন যথেষ্ট পছন্দ কৰা হৈছিল। তেওঁৰ এখন ছবি এই বছৰ মুক্তি পাইছে। অভিনেত্ৰীগৰাকীয়ে কৰীণা কাপুৰ আৰু টাবুৰ সৈতে ‘ক্ৰু’ত কাম কৰিছে। ইয়াৰ আগতে তেওঁক শ্বাহিদ কাপুৰৰ বিপৰীতে ‘Teri Baaton Mein Aisa Uljha Jiya’ত দেখা গৈছিল। বৰ্তমান কৃতিয়ে তেওঁৰ আহিবলগীয়া ছবি ‘Do Patti’ৰ বাবে প্ৰস্তুতি চলাই আছে। কাজলক এই ছবিখনত দেখা যাব। ইয়াৰ পূৰ্বে দুয়োগৰাকী অভিনেত্ৰীয়ে ‘দিলৱালে’ত একেলগে কাম কৰিছিল।