বলীউডৰ বাদশ্বাহ শ্বাহৰুখ খানে কি ম’বাইল ব্যৱহাৰ কৰে আৰু ইয়াৰ দাম কিমান?

বলীউডৰ বাদশ্বাহ শ্বাহৰুখ খানক ছবিত যিমান চৌখিন দেখা যায়, বাস্তৱ জীৱনতো তেওঁৰ পছন্দ উচ্চমানৰ। অনুৰাগীসকলে সদায় জানিব বিচাৰে যে শ্বাহৰুখ খানে কোনটো ফোন ব্যৱহাৰ কৰে আৰু ইয়াৰ দাম সাধাৰণ মানুহৰ বাজেটৰ ভিতৰত আছে নে নাই। শ্বাহৰুখ খানৰ প্ৰিয় স্মাৰ্টফোনটো কি আৰু ইয়াৰ বিশেষ বৈশিষ্ট্য কি কি জানো আহক-

কোনটো মোবাইল ফোন ব্যৱহাৰ কৰে শ্বাহৰুখ খানে?

কিছু পুৰণি মিডিয়া ৰিপৰ্ট আৰু ছ’চিয়েল মিডিয়া পোষ্ট অনুসৰি শ্বাহৰুখ খানে এপল আইফোন ১৪ প্ৰ’ মেক্স ব্যৱহাৰ কৰে। বহুবাৰ ৰাজহুৱা অনুষ্ঠান বা ফটোত এই ফোনটোৰ সৈতে তেওঁক দেখা গৈছে। কিং খানে হয়তো এতিয়া শেহতীয়া এপল আইফোন ব্যৱহাৰ কৰিছে।

এই আইফোনটোৰ দাম কিমান?

আইফোন ১৪ প্ৰ’ মেক্স (১টিবি ভেৰিয়েণ্ট)ৰ মূল্য ভাৰতত ১ লাখৰো অধিক। কিন্তু ইয়াৰ ষ্ট’ৰেজ আৰু ৰঙৰ ভিন্নতাৰ ওপৰত নিৰ্ভৰ কৰি দাম অলপ কম বা বেছি হ’ব পাৰে।

চেলিব্ৰিটিসকলে আইফোন কিয় ভাল পায়?

ব্ৰেণ্ড মূল্য আৰু গোপনীয়তা: আইফোনৰ সুৰক্ষা আৰু গোপনীয়তাৰ বৈশিষ্ট্যসমূহ অতি শক্তিশালী বুলি গণ্য কৰা হয়, যিবোৰ চেলিব্ৰিটিৰ বাবে অতি গুৰুত্বপূৰ্ণ।

কেমেৰাৰ মানদণ্ড: আইফোনক পেছাদাৰী কেমেৰাৰ দৰে ফটো আৰু ভিডিঅ’ৰ মানদণ্ডৰ বাবে ব্যৱহাৰ আৰু পছন্দ কৰা হয়। অৱশ্যে এতিয়া চেমচাং-গুগল আৰু ৱানপ্লাছৰ দৰে ব্ৰেণ্ডৰ স্মাৰ্টফোনো বজাৰত ট্ৰেণ্ডিং হৈ পৰিছে।

ষ্টাইল ষ্টেটমেন্ট: আইফোন আজি কেৱল এটা ফোন নহয়, ই এটা ষ্টেটাছ চিম্বল হৈ পৰিছে। বহুতো সাধাৰণ মানুহ আৰু চেলিব্ৰিটিয়ে ক্লাছ আৰু ষ্টাইলৰ বাবে আইফোন ব্যৱহাৰ কৰে।

কেৱল শ্বাহৰুখেই নহয়, এই তাৰকাসকলো আইফোনৰ প্ৰতি আকৰ্ষিত

ৰণবীৰ কাপুৰক বহুবাৰ হাতত আইফোন ১৪ প্ৰ’ লোৱা দেখা গৈছে। দীপিকা পাডুকন, কৰণ জোহৰক আইফোন ১৪ প্ৰ’ মেক্স (গোল্ড ভেৰিয়েণ্ট)ৰ সৈতে দেখা গৈছে। আনকি প্ৰিয়ংকা চোপ্ৰাকো আইফোনৰ সৈতে দেখা গৈছে।

আইফোন ১৪ প্ৰ’ মেক্সৰ বৈশিষ্ট্য

আইফোন ১৪ প্ৰ’ মেক্স হৈছে ৬.৭ ইঞ্চিৰ ছুপাৰ ৰেটিনা এক্সডিআৰ অ’এলইডি ডিছপ্লেৰ সৈতে এটা প্ৰিমিয়াম আৰু শক্তিশালী স্মাৰ্টফোন। এই ফোনত আছে A16 Bionic Chip। ইয়াক এপলৰ বৰ্তমানলৈকে দ্ৰুততম প্ৰচেছৰ বুলি গণ্য কৰা হয় আৰু ই মাল্টিটাস্কিং আৰু হেভী গেমিঙত কোনো সমস্যাৰ সৃষ্টি নকৰে।

কেমেৰাৰ কথা ক’বলৈ গ’লে ইয়াত ট্ৰিপল ৰিয়াৰ কেমেৰা ছেটআপ আছে য’ত আছে ৪৮ মেগাপিক্সেলৰ প্ৰাইমেৰী কেমেৰা আৰু ১২এমপি + ১২এমপিৰ দুটা লেন্স থাকে। চেলফি আৰু ভিডিঅ’ কলৰ বাবে ইয়াত 12MP TrueDepth ফ্ৰন্ট কেমেৰা আছে, যিয়ে প’ৰ্ট্ৰেইট আৰু কম পোহৰত উত্তম ফলাফল দিয়ে।