হঠাৎ কিয় প্ৰধানমন্ত্ৰী নৰেন্দ্ৰ মোদীক সাক্ষাৎ কৰিবলৈ গৈছে কাপুৰ পৰিয়াল? সাক্ষাতৰ পূৰ্বে সামাজিক মাধ্যমত ভাইৰেল কৰিণাৰ এই ভিডিঅ’
কৰিনা কাপুৰৰ লগতে তেওঁৰ স্বামী ছেইফ আলী খান, ভাতৃ ৰণবীৰ কাপুৰ, আলিয়া ভাট, নীতু কাপুৰ আৰু কৰিশ্মা কাপুৰে দিল্লীত উপস্থিত হৈ প্ৰধানমন্ত্ৰী মোদীক সাক্ষাৎ কৰিবলৈ গৈছে।
২০২৪ চনৰ ১৪ ডিচেম্বৰত উদ্যোগটোৰ প্ৰসিদ্ধ অভিনেতা ৰাজ কাপুৰৰ জন্ম শতবাৰ্ষিকী। এই বিশেষ অনুষ্ঠানত সমগ্ৰ কাপুৰ পৰিয়ালে আয়োজন কৰিছে এক বৃহৎ অনুষ্ঠানৰ। কাপুৰ পৰিয়ালৰ লগতে চলচ্চিত্ৰ জগতৰ বহু প্ৰবীণ ব্যক্তি আৰু ভাৰতৰ বহু ৰাজনীতিবিদেও এই অনুষ্ঠানত অংশগ্ৰহণ কৰিব পাৰে। কাপুৰ পৰিয়ালে বিচাৰে যে দেশৰ প্ৰধানমন্ত্ৰী নৰেন্দ্ৰ মোদীও এই অনুষ্ঠানত অংশগ্ৰহণ কৰাটো। সেয়েহে আজি প্ৰধানমন্ত্ৰীক নিমন্ত্ৰণ কৰিবলৈ সমগ্ৰ পৰিয়ালটোৱে ব্যক্তিগত বিমানেৰে দিল্লী পালেহি।
এফালে দেশৰ প্ৰধানমন্ত্ৰীক লগ পোৱাৰ আগ্ৰহ কাপুৰ পৰিয়ালৰ মুখত দেখা গ’ল। ইফালে, কৰিনা কাপুৰৰ এটা ভিডিঅ’ ছ’চিয়েল মিডিয়াত ভাইৰেল হৈ পৰিছে। এই ভিডিঅ’টোত কৰিনাই ৰঙা চুৰিদাৰ পিন্ধিছে আৰু প্ৰশ্ন কৰিছে, প্ৰধানমন্ত্ৰীৰ ঘৰত উপস্থিত হ’বলৈ কিমান সময় লাগিব? কৰিনাৰ এই ভিডিঅ’টো মানুহে সামাজিক মাধ্যমত শ্বেয়াৰ কৰিছে। কৰিনাৰ লগতে তেওঁৰ স্বামী তথা অভিনেতা ছেইফ আলী খানেও প্ৰধানমন্ত্ৰীক সাক্ষাৎ কৰিবলৈ দিল্লীত উপস্থিত হৈছে।
View this post on Instagram
কোনে কোনে দিল্লীলৈ গৈছে?
কাপুৰ পৰিয়ালৰ প্ৰায় সকলোবোৰ গৈছে প্ৰধানমন্ত্ৰীক লগ কৰিবলৈ। ৰণবীৰ কাপুৰ, তেওঁৰ পত্নী আলিয়া ভাট, মাতৃ নীতু কাপুৰ, কৰিনা কাপুৰ, তেওঁৰ ভগ্নী কৰিশ্মা কাপুৰ আৰু স্বামী ছেইফ আলী খান, ৰণবীৰৰ খুলশালীয়েক আদৰ জৈন, তেওঁৰ ভনীয়েক অনিছা মালহোত্ৰা আৰু পিতৃ মনোজ জৈনে দিল্লীত প্ৰধানমন্ত্ৰীক সাক্ষাৎ কৰিবলৈ আহিছে।
View this post on Instagram
ৰাজ কাপুৰৰ ১০০ বছৰীয়া জন্ম জয়ন্তীৰ বিশেষ পৰিকল্পনা
কেৱল কাপুৰ পৰিয়ালেই নহয় সমগ্ৰ উদ্যোগটোৱে ৰাজ কাপুৰৰ ১০০ বছৰীয়া জন্ম জয়ন্তীৰ বাবে আগ্ৰহী। এই বিশেষ উপলক্ষে ১৩ৰ পৰা ১৫ ডিচেম্বৰৰ ভিতৰত ভাৰতৰ ৪০খন চহৰ আৰু মুঠ ১৩৫খন চিনেমাগৃহত ৰাজ কাপুৰৰ কিছু বিখ্যাত ছবিৰ প্ৰদৰ্শনৰ আয়োজন কৰা হৈছে। তিনিদিনৰ বাবে ছবিগৃহত পুনৰ মুক্তি লাভ কৰা ছবিসমূহৰ ভিতৰত আছে শ্ৰী ৪২০, মেৰা নাম জোকৰ, বৰসাত, আগ, আৱৰা আদি বহু ছবি অন্তৰ্ভুক্ত।
