Tom Cruise Oscar Award: ৪৫ বছৰৰ ভিতৰত প্ৰথমবাৰৰ বাবে টম ক্ৰুজে লাভ কৰিলে সৰ্বোচ্চ বঁটা, আনন্দিত বন্ধু অনিল কাপুৰ

Tom Cruise: টম ক্ৰুজ হলিউডৰ জগতৰ অন্যতম নাম। বিশ্বজুৰি অনুৰাগীৰ হৃদয় জয় কৰি আহিছে তেওঁ। বিশেষকৈ নিজৰ আচৰিত কাৰ্যৰ বাবে পৰিচিত টম ক্ৰুজে এতিয়া জীৱনৰ এটা ডাঙৰ মুহূৰ্তত উপনীত হৈছে। ৪৫ বছৰীয়া চলচ্চিত্ৰ জীৱনত প্ৰথমবাৰৰ বাবে অস্কাৰ বঁটাৰে সন্মানিত হৈছে কিংবদন্তি অভিনেতাগৰাকী।

২০২৫ চনৰ ১৬ নৱেম্বৰত গভৰ্ণৰছ এৱাৰ্ডত সন্মানীয় অস্কাৰেৰে সন্মানিত কৰা হৈছিল টম ক্ৰুজে। এই মুহূৰ্তটো তেওঁৰ বাবে আৱেগিক আছিল। তেওঁৰ এই কৃতিত্বৰ বাবে বিশ্বৰ বিভিন্ন প্ৰান্তৰ পৰা অভিনন্দন আৰু শুভেচ্ছা আগবঢ়াইছে। বলীউডৰ ছুপাৰষ্টাৰ অনিল কাপুৰেও নিজৰ বন্ধুক শুভেচ্ছা জ্ঞাপন কৰি সুখ প্ৰকাশ কৰে।

প্ৰথমবাৰৰ বাবে অস্কাৰ বঁটা লাভ কৰিছে টম ক্ৰুজে

টম ক্ৰুজে তিনিবাৰকৈ অস্কাৰৰ মনোনয়ন লাভ কৰিছে যদিও প্ৰতিবাৰেই তেওঁ খালী হাতেৰে উভতি আহিছিল। অৱশেষত নিজৰ অস্কাৰ লাভ কৰিলে কিংবদন্তি অভিনেতাগৰাকীয়ে। দেওবাৰে হলিউডৰ ডলবি বলৰুমত অভিনেতাগৰাকীক এই সন্মান প্ৰদান কৰা হয়, যাৰ ফলত বজ্ৰপাতৰ দৰে হাতচাপৰি আৰু প্ৰশংসা কৰা হয়। ১৬ সংখ্যক বাৰ্ষিক গৱৰ্ণৰ বঁটা প্ৰদান অনুষ্ঠানত তেওঁক সন্মানীয় একাডেমী বঁটা প্ৰদান কৰে।

সন্মানীয় অস্কাৰ বঁটা লাভ কৰাৰ পিছত টমে কি কয়?

টমে কয় যে, “চিনেমাই মোক বিশ্বজুৰি চিনাকি কৰাই দিছে। মোক মানৱতাও দেখুৱাইছে। আমি যি ঠাইৰ পৰাই নহওঁক কিয়, সেই থিয়েটাৰত আমি একেলগে হাঁহো, একেলগে অনুভৱ কৰো, একেলগে আশা কৰো। সেইটোৱেই এই কলাৰ শক্তি। সেইবাবেই ই মোৰ বাবে যথেষ্ঠ গুৰুত্বপূৰ্ণ।”

অনিল কাপুৰেও সুখ প্ৰকাশ কৰে

বলীউডৰ ছুপাৰষ্টাৰ অনিল কাপুৰে তেওঁৰ ইনষ্টাগ্ৰাম ষ্টোৰীত টমৰ এখন ফটো শ্বেয়াৰ কৰি লিখিছে, “মোৰ প্ৰিয় বন্ধু। এই আচৰিত বঁটাৰ বাবে বহুত অভিনন্দন। তোমাৰ আবেগ, কঠোৰ পৰিশ্ৰম, আৰু সু-হৃদয়ৰ কোনো তুলনা নাই। বিশ্বই আপোনাক সদায় প্ৰশংসা কৰি আহিছে, আৰু কৰি যাব, এয়াই তোমাৰ প্ৰাপ্য স্বীকৃতি। তোমাৰ বন্ধুত্ব আৰু প্ৰতিভাৰ বাবে ধন্যবাদ।”