অভিনয় এৰিব নেকি কংগনা ৰাণাৱটে? ৰাজনীতিৰ বাবে অভিনয়জগতত কি প্ৰভাৱ পৰিছে ক’লে কংগনাই…

ভাৰতীয় চলচ্চিত্ৰ জগতৰ আটাইতকৈ জনপ্ৰিয় অভিনেত্ৰীসকলৰ ভিতৰত অন্যতম কংগনা ৰাণাৱট। ২০০৬ চনত গেংষ্টাৰ ছবিখনৰ অভিনয়ৰ জড়িয়তে ছবি জগতৰত ভৰি দিছিল। ছবি জগতত ভৰি দিয়ে নিজৰ বহুমুখী অভিনয়েৰে দৰ্শকৰ মন জিনিবলৈ সক্ষম হৈছিল। নিজৰ অভিনয়ৰে লাখ লাখ অনুৰাগীৰ হৃদয় জয় কৰিছিল। হিমাচল প্ৰদেশৰ এখন সৰু চহৰ ভাম্বলাত জন্মগ্ৰহণ কৰা ৰাণাৱটে প্ৰথমতে মাক-দেউতাকৰ জোৰত চিকিৎসক হোৱাৰ আকাংক্ষা কৰিছিল। নিজৰ কেৰিয়াৰ গঢ়িবলৈ দৃঢ় সংকল্প লৈ, ষোল্ল বছৰ বয়সত দিল্লীলৈ স্থানান্তৰিত হয় আৰু কিছু সময়ৰ বাবে মডেলিঙক কেৰিয়াৰ হিচাপে গ্ৰহণ কৰে।

বলীউডৰ অভিনেত্ৰী কংগনা ৰানাৱটে ৰাজনীতিৰ জগতখনৰ লগতে চলচ্চিত্ৰতো সফলতা অৰ্জন কৰিছে। অভিনেত্ৰীগৰাকীয়ে হিমাচল প্ৰদেশৰ মাণ্ডী আসনৰ পৰা নিৰ্বাচনত জয়লাভ কৰে। এবাৰ তেওঁক সোধা হৈছিল যে ৰাজনীতিত যোগদান কৰি চিনেমা কৰা সম্পূৰ্ণ বন্ধ কৰি দিব নেকি? এই সন্দৰ্ভত অভিনেত্ৰীগৰাকীয়ে কৈছিল যে তেওঁৰ অগ্ৰাধিকাৰ এতিয়া ৰাজনীতি হ’ব আৰু তেওঁ ছবিও কৰি যাব। এতিয়া এইটো যেন হৈ আছে। শেহতীয়াকৈ দিয়া এক সাক্ষাৎকাৰত কংগনাই স্বীকাৰ কৰিছে যে ৰাজনীতিত যোগদান কৰাৰ পিছত তেওঁৰ বলীউড কেৰিয়াৰ প্ৰভাৱ পৰিছে।

সাক্ষাৎকাৰত কংগনাই কয়- লোকসভাৰ সাংসদ হোৱাৰ বাবে মোৰ কামৰ বোজা বাঢ়িছে।। আমাৰ অঞ্চলত বানপানীৰ সৃষ্টি হৈছে, গতিকে সকলোতে যাব লাগিব। তাত থকা মানুহবোৰক লগ কৰিব লাগিব। তাত কামবোৰ সঠিকভাৱে চলি আছে নে নাই চাব লাগিব। কিন্তু মোৰ চলচ্চিত্ৰত কাম বাকী আছে, শ্বুটিং আৰম্ভ কৰিব পৰা নাই। সংসদীয় অধিৱেশনৰ বাবে ছবিৰ শ্বুটিঙৰ সময় নিৰ্ধাৰণ কৰা হোৱা নাই।

অভিনয় এৰিবনে?

এই সন্দৰ্ভত পুনৰ অভিনেত্ৰীগৰাকীক সোধাত তেওঁ কয় যে এতিয়াৰ বাবে দুয়োটা পেছা ভালদৰে পৰিচালনা কৰিব। তেওঁ কেৱল সেই পথটোহে বাছি ল’ব যিটো তেওঁলোকে অধিক উপযুক্ত বুলি বিবেচনা কৰে। ভৱিষ্যতে মই কেৱল সেই কামবোৰহে আগবঢ়াই নিম যিবোৰ কাম মই অধিক আকৰ্ষণীয় বুলি বিবেচনা কৰোঁ। কিন্তু মোৰ জীৱনত বৰ্তমান বহু কথাই চলি আছে।

ইন্দিৰা গান্ধীৰ বায়’পিক লৈ আহিছোঁ

এক প্ৰকাৰে কংগনা ৰানাৱটে স্পষ্টকৈ কৈছে যে বৰ্তমান সময়ত দুয়োটা কাম কৰিবলৈ সক্ষম হ’লেও ভৱিষ্যতে দুয়োটা কামৰ ভিতৰত এটাহে বাছি ল’ব। কংগনাই নিজৰ কেৰিয়াৰত কুইন, ফেশ্বন, তনু ৱেডছ মনু, ৰিভলভাৰ ৰাণী আদি ছবিত কাম কৰি আহিছে। ইয়াৰ লগতে অভিনেত্ৰীগৰাকী প্ৰযোজক আৰু পৰিচালক হিচাপেও পৰিগণিত হৈছে। শীঘ্ৰে ছবিগৃহত মুক্তি পাব তেওঁৰ ছবি ইমাৰ্জেন্সি। এইখন দেশৰ প্ৰথমগৰাকী মহিলা প্ৰধানমন্ত্ৰী ইন্দিৰা গান্ধীৰ বায়’পিক।