মেছিৰ সৈতে ফটো তোলাৰ সময়ত অঘটন! শিল্পা শ্বেট্টীৰ বিৰুদ্ধে FIR

পুনৰ বিপদত পৰিছে বলীউডৰ অভিনেত্ৰী শিল্পা শ্বেট্টী। সুখৰ দিনটোত হঠাৎ বিপদৰ খবৰ আহিব তেওঁ ভাবিব পৰা নাছিল। অভিনেত্ৰীগৰাকীয়ে ভাবিছিল ফুটবল তাৰকা লিয়নেল মেছিৰ সৈতে পুত্ৰৰ ফটো তুলি ছ’চিয়েল মিডিয়া দিলে সেয়া ভাইৰেল হৈ পৰিব। ফটোখন তুলিছিল ঠিকেই, কিন্তু ধুমুহা সৃষ্টি হোৱাৰ পূৰ্বেই তেওঁ বিপদত পৰে। আচলতে এই ঘটনাৰ লগত মেছিৰ কোনো সম্পৰ্ক নাই। শিল্পা বিপদত পৰিছে বেংগালুৰুৰ এখন ৰেষ্টুৰেণ্টত।

শিল্পা আৰু তেওঁৰ ব্যৱসায়ী স্বামী ৰাজ কুন্দ্ৰাৰ বিৰুদ্ধে ৬০ কোটি টকা প্ৰতাৰণা কৰাৰ অভিযোগ আছে। দৰাচলতে দুয়োৰে বিৰুদ্ধে লুকাউট চাৰ্কুলাৰ জাৰি কৰা হৈছিল। শিল্পাই আইনী সমস্যাত পৰা আজি বহু বছৰ হ’ল। এতিয়া বেংগালুৰুৰ বেষ্টিয়ন ৰেষ্টুৰেণ্টৰ বিৰুদ্ধে এফআইআৰ দাখিল কৰা হৈছে।

কৰ্ণাটক চৰকাৰে ৰেষ্টুৰেণ্ট আৰু পাব খোলা আৰু বন্ধ কৰাৰ সময়সীমা নিৰ্ধাৰণ কৰিছে। কিন্তু ১১ ডিচেম্বৰত এই ৰেষ্টুৰেণ্টখনত মাজ নিশালৈ পাৰ্টি চলি থকাৰ বাবে হোটেল কৰ্তৃপক্ষই বিপদত পৰিছে। নিয়ম উলংঘা কৰাৰ বাবে কৰ্ণাটক আৰক্ষীয়ে স্বতঃপ্ৰণোদিত ঘটনাৰ গোচৰ ৰুজু কৰিছে বেংগালুৰুত। বেংগালুৰুৰ কিউবান পাৰ্ক থানাত শিল্পা শ্বেট্টীৰ ৰেষ্টুৰেণ্টৰ বিৰুদ্ধে এজাহাৰ দাখিল কৰা হৈছে। আনকি মেনেজাৰকো ইতিমধ্যে গ্ৰেপ্তাৰ কৰা হৈছে।