অনুষ্কাৰ কোলাত অকায়, কাষত ভামিকা, পৰিয়ালৰ সৈতে ক’লৈ গৈছে বিৰাট কোহলী?
বিৰাট কোহলী আৰু অনুষ্কা শৰ্মাৰ এটা ভিডিঅ’ ক্ৰমান্বয়ে ছ’চিয়েল মিডিয়াত ভাইৰেল হৈ পৰিছে। য'ত দুজনৰ লগতে অকায় আৰু ভামিকাও তাত উপস্থিত হৈছে। দীৰ্ঘদিন ধৰি চিনেমাৰ পৰা আঁতৰি আছিল অনুষ্কা শৰ্মা। শেহতীয়াকৈ টেষ্ট ক্ৰিকেটৰ পৰা অৱসৰ গ্ৰহণ কৰিছে বিৰাট কোহলীয়ে।
শেহতীয়াকৈ বলীউডৰ সুপৰিচিত অভিনেত্ৰী অনুষ্কা শৰ্মাই স্বামী তথা কিংবদন্তি ক্ৰিকেটাৰ বিৰাট কোহলীৰ সৈতে বৃন্দাবনৰ বিখ্যাত সন্ত প্ৰেমানন্দ জী মহাৰাজৰ আশ্ৰমলৈ গৈছিল। আনহাতে এতিয়া আকৌ এবাৰ অনুষ্কা শৰ্মা আৰু বিৰাট কোহলীক একেলগে দেখা গৈছে। দুয়োজনেই অনুষ্কাৰ মাতৃৰ ঘৰলৈ যোৱা বুলি খবৰ প্ৰকাশ পাইছে। কেৱল এয়াই নহয়, দম্পতীৰ সৈতে তেওঁলোকৰ দুয়োটা সন্তানো উপস্থিত আছিল। মাকৰ কোলাত ডাৰ্লিং অকায়ক দেখা পোৱাৰ সময়তে ওচৰতে ভামিকা থিয় হৈ আছিল।
বিৰাট কোহলী আৰু অনুষ্কা শৰ্মাৰ এটা ভিডিঅ’ ক্ৰমান্বয়ে ছ’চিয়েল মিডিয়াত ভাইৰেল হৈ পৰিছে। এই দুজনৰ লগতে অকায় আৰু ভামিকাও তাত উপস্থিত হৈছে। জানিব পৰা মতে স্বামী আৰু সন্তানৰ সৈতে মাতৃৰ ঘৰলৈ গৈছে অনুষ্কা । ভিডিঅ’টোত অনুষ্কাৰ মাতৃয়ে নাতি অকায়ক দেখাৰ লগে লগে কোলাত লোৱা দেখা গৈছে। ছচিয়েল মিডিয়াত এই ভিডিঅ’টোত যথেষ্ট মৰম দিছে অনুৰাগীসকলে।
View this post on Instagram
অনুষ্কা আৰু বিৰাট অনুষ্কাৰ মাতৃৰ ঘৰত উপস্থিত হোৱাৰ লগতে সিহঁতৰ লগত দুই সন্তানো আছিল। কিন্তু শেহতীয়াকৈ দুয়ো যেতিয়া সন্ত প্ৰেমানন্দ মহাৰাজক লগ কৰিবলৈ গৈছিল, তেতিয়া অকায় আৰু ভামিকা তেওঁলোকৰ লগত নাছিল। অৱশ্যে চলিত বৰ্ষৰ জানুৱাৰী মাহৰ আৰম্ভণিতে যেতিয়া দুয়োজনে সন্ত প্ৰেমানন্দ মহাৰাজক লগ পাইছিল, তেতিয়া তেওঁলোকে অকায় আৰু ভামিকাকো লগত লৈ গৈছিল।
দীৰ্ঘদিন ধৰি চিনেমাৰ পৰা আঁতৰি আছিল অনুষ্কা শৰ্মা। বৰ্তমান তেওঁ পৰিয়ালৰ সৈতে সকলো সময় কটোৱা দেখা গৈছে। অৱশ্যে তেওঁৰ ছবি ‘চকদা এক্সপ্ৰেছ’ৰ বাবে অনুৰাগীসকলে বহুদিনৰ পৰা অপেক্ষা কৰি আছিল। ইয়াত অভিনেত্ৰীগৰাকীক ভাৰতীয় প্ৰাক্তন ক্ৰিকেটাৰ ঝুলন গোস্বামীৰ চৰিত্ৰত দেখা যাব। কোৱা হৈছে যে অভিনেত্ৰীগৰাকীয়ে শ্বুটিং সম্পূৰ্ণ কৰিছে। ইয়াৰ পূৰ্বে ছবিখনৰ মুক্তি পিছুৱাই দিয়া হৈছিল। এতিয়া আমি চাব লাগিব এই ছবিখন কেতিয়া মুক্তি লাভ কৰিব।
বিৰাটৰ টেষ্টৰ অৱসৰক লৈ আৱেগিক হৈ পৰে অনুষ্কা
শেহতীয়াকৈ টেষ্ট ক্ৰিকেটৰ পৰা অৱসৰ গ্ৰহণ কৰিছে বিৰাট কোহলীয়ে। ইয়াৰ পিছত অনুৰাগীৰ লগতে অনুষ্কাও আৱেগিক হৈ পৰে। তেওঁৰ স্বামীৰ বাবে তেওঁৰ ইনষ্টাগ্ৰাম ষ্ট’ৰীত লিখিছে, “সেইবাবেই টেষ্ট ক্ৰিকেটত সেইসকল লোকেহে সফল হৈছে যিসকলৰ ক’বলগীয়া যিকোনো কাহিনী আছিল।এটা দীঘলীয়া কাহিনী যিটো তিতা, শুকান, ভাৰতীয় হওক বা বিদেশী হওক, প্ৰতিখন পিটচৰ বিষয়ে লিখাৰ পিছতো শেষ নহয়।”
