সঁচাকৈ সম্পৰ্কত ফাঁট মেলিছে নেকি? শহুৰেকৰ জন্মদিনত কি কৰিলে ঐশ্বৰ্য ৰায় বচ্চনে…

বলীউডৰ বিগ বি অমিতাভ বচ্চনৰ ৮৩ সংখ্যক জন্মদিনত শুভেচ্ছা জনালে সমগ্ৰ বিশ্বই। সাধাৰণ অনুৰাগীৰ পৰা বিশিষ্ট ব্যক্তিলৈ সকলোৱে তেওঁক অভিনন্দন জ্ঞাপন কৰে। কিন্তু সেইদিনা মেগাষ্টাৰজনৰ ৰাজপ্ৰসাদৰ ভিতৰৰ পৰিস্থিতি কেনেকুৱা আছিল?

পুত্ৰ-বোৱাৰীৰ সম্পৰ্ক সন্দৰ্ভত এতিয়াও জল্পনা-কল্পনাৰ অন্ত পৰা নাই , কিন্তু সঁচাকৈয়ে বোৱাৰী ঐশ্বৰ্যই শহুৰেকৰ জন্মদিনটো এৰাই চলিছিল নেকি? কোনোপধ্যে নহয়। ঐশ্বৰ্য ৰায় বচ্চনক আদৰ্শ বোৱাৰী বুলি দাবী কৰি আহিছে অমিতাভে, এইবাৰো একেখন ছবিয়েই দেখা গৈছে। ছ’চিয়েল মিডিয়াত তেওঁৰ উপস্থিতি অনিয়মীয়া যদিও ঐশ্বৰ্য কোনোপধ্যেই এই দিনটোত আঁতৰি থকা নাই।

শহুৰেকক ওপজা দিনত আন্তৰিক শুভেচ্ছা জ্ঞাপন কৰিলে ঐশ্বৰ্যয়ো। শনিবাৰে ঐশ্বৰ্যই ইনষ্টাগ্ৰামত এটা পুৰণি পাৰিবাৰিক মুহূৰ্তৰ ছবি শ্বেয়াৰ কৰি লিখিছে, “হেপী বাৰ্থডে পাপা-দাদাজী” (ছবিখনত কন্যা আৰাধ্যাও আছিল)! ভগৱানে আপোনাক সদায় আশীৰ্বাদ কৰক।” ছবিখনত দেখা গৈছে, অমিতাভ বচ্চনে চেলফি তুলিছে, আৰু কণমানি আৰাধ্যাই কান্ধত মূৰটো থৈ হাঁহিছে।

যোৱা কেইবছৰমানৰ পৰা বচ্চন পৰিয়ালৰ ৰাজপ্ৰসাদৰ ভিতৰক লৈ বিভিন্ন জল্পনা-কল্পনা চলি আছিল। বিশেষকৈ অভিষেক আৰু ঐশ্বৰ্যৰ সম্পৰ্কক লৈ চলিছিল এই আলোচনা। যোৱা বছৰ ঐশ্বৰ্যই অমিতাভৰ জন্মদিনত কোনো শুভেচ্ছা দিয়া নাছিল, আনকি ঐশ্বৰ্যৰ জন্মদিনতো দিয়া নাছিল বিগ বিয়ে। ছ’চিয়েল মিডিয়াত নিমাত হৈ পৰিল সমগ্ৰ বচ্চন পৰিয়াল। ফলত এই পোষ্টটোক লৈ নেটিজেনসকলৰ মাজত এক নতুন ধাৰা আৰম্ভ হৈছে। কোনোৱে ইয়াক ‘সম্পৰ্ক স্বাভাৱিক কৰাৰ চিন’ বুলি কয়, আন কোনোৱে ইয়াক ‘সামাজিক দায়বদ্ধতাৰ যত্ন লোৱা’ বুলি কয়।

প্ৰতিবাৰৰ দৰেই শনিবাৰেও অমিতাভ বচ্চনৰ জন্মদিনত তেওঁৰ ঘৰৰ বাহিৰত বহু অনুৰাগী সমবেত হয়। অনুৰাগীৰ বাবে উজ্জ্বল হালধীয়া-কমলা ৰঙী জেকেটৰ সৈতে বগা কুৰ্তা-পাইজামা পিন্ধিছিল মেগাষ্টাৰগৰাকীয়ে। এই দিনটোত তেওঁ হাত জোকাৰি সকলোৰে শুভেচ্ছা গ্ৰহণ কৰে। শত্ৰুঘ্ন সিনহা, কৃতি শেনন, মনোজ বাজপেয়ী, কাজল আৰু ফাৰহান আখতাৰৰ দৰে চেলিব্ৰিটিয়ে সামাজিক মাধ্যমৰ জৰিয়তে অমিতাভক অভিনন্দন জনোৱা দেখা যায়।

অন্য খবৰ পঢ়কঃ দ্বিতীয় পত্নীৰ অত্যাচাৰ! টকা নিদিয়া বাবে স্বামীৰ সৈতে ভয়ংকৰ কাণ্ড মহিলাৰ…