মহম্মদ ইউনুছৰ বাৰ্তাঃ নিজকে হিন্দু বুলি পৰিচয় নিদিব…

বাংলাদেশত দিনৰ পাছত দিন ধৰি হিন্দু নিৰ্যাতিত হৈ আহিছে। কিন্তু এই কথা যেন মানি ল’ব বিচৰা নাই মহম্মদ ইউনুছে। শেহতীয়াকৈ ইউনুছৰ এটা ভিডিঅ’ ভাইৰেল হৈছে, য’ত তেওঁ হিন্দুৰ ওপৰত কৰা বিশেষ মন্তব্য ভাইৰেল হৈ পৰিছে। তেওঁ কয় যে, সুৰক্ষিত কৰি ৰাখিবলৈ নিজকে হিন্দু বুলি পৰিচয় নিদিব।

উল্লেখ্য যে, এক সাক্ষাৎকাৰৰ সময়ত ইউনুছে হিন্দুৰ সুৰক্ষাৰ ওপৰত গুৰুত্বপূৰ্ণ মন্তব্য কৰে। তেওঁ কয় যে, ভাৰতে ভুৱা বাতৰি প্ৰচাৰ কৰে। ভুৱা বাতৰি প্ৰচাৰ কৰা ভাৰতৰ বৈশিষ্ট্য। সংখ্যালঘু হিন্দুৰ ওপৰত হৈ থকা অত্যাচাৰৰ সুৰক্ষাৰ ওপৰত মন্তব্য প্ৰদান কৰি তেওঁ কয় যে, হিন্দুসকলে নিজকে হিন্দু বুলি পৰিচয় নিদিব।

শ্বেখ হাছিনা চৰকাৰ ভংগ হোৱাৰ পাছতে দেশখনত হিন্দুৰ ওপৰত নিৰ্যাতন চলি আছে। দেশখনৰ সৈতে ভাৰতৰ সম্পৰ্কৰো অৱনতি ঘটিছে।