13 OCT 2025
TV9 ASSAM
সকলোৱে বিচাৰে এখন ধুনীয়া আৰু সুন্দৰ ছাল। যাৰ বাবে মানুহে বিভিন্ন ধৰণৰ প্ৰডাক্ট ব্যৱহাৰ কৰে। কেতিয়াবা কিছুমান প্ৰডাক্টৰ বাবে ছালত বেয়া প্ৰভাৱ পৰাও দেখা যায়।
কিন্তু কিছুমান ঘৰুৱা উপায় আছে যাৰ দ্বাৰা আপুনি ছালখন সুস্থ কৰি ৰাখিব পাৰে। বিশেষ পানীয়ই আপোনাৰ ছালখন উজ্বল আৰু সুন্দৰ কৰি তুলিব পাৰে।
গাজৰ আৰু বীট শৰীৰৰ বাবে ভাল। ইয়াৰ বাবে আপুনি গাজৰ আৰু বীট কাটি লওক। পাছত তাত অলপ আদা মিহলাই পেষ্ট বনাই লওক। পাছত তাৰ পৰা ৰস উলিয়াই তাত নেমু মিহলি কৰি খাব।
আপুনি ২ চামুচ এলোভেৰা জেল উলিয়াই লওক। পাছত ১ গিলাচ পানীত মৌৰ সৈতে মিহলাই খাওক। পুৱা খালী পেটত খাব পাৰে। ইয়াত ভিটামিন চি আৰু মিনাৰেলছ থাকে। যিয়ে ছালক উজ্বল কৰি তোলে।
নাৰিকল পানীয়ে ছালক উজ্বল আৰু সুস্থ কৰি ৰখাত সহায় কৰে। ই ছালক হাইড্ৰেট কৰিও ৰাখে। গতিকে আপুনি পুৱা খালী পেটত নাৰিকল পানী খাব পাৰে।
তিঁয়হ ছালৰ বাবে ভাল। ই ছালক হাইড্ৰেট আৰু উজ্বল কৰে। গতিকে আপুনি তিঁয়হৰ ৰস উলিয়াই তাত পদিনা আৰু নেমু ৰস মিহলাই সেয়া খাব পাৰে। ইয়াৰ ফলত শৰীৰৰ বেয়া পদাৰ্থ বাহিৰ হয় আৰু ছাল উজ্বল হয়।
ডালিমত এন্টি এজিং গুণ থাকে। আপুনি ডালিম উলিয়াই ৰস উলিয়াই সেয়া খাব পাৰে। ই ছালক উজ্বল কৰি ৰাখে। লগতে ছালত বয়সৰ প্ৰভাৱ পৰিব নিদিয়ে।
পঢ়িবলৈ ক্লিক কৰক