ঐশ্বৰ্যক লৈ সুখী নাছিল নেকি অভিষেক? জানক কিয় এইদৰে ক’লে ঐশ্বৰ্যৰ বিষয়ে

সুযোগ পালেই অভিষেক বচ্চন-ঐশ্বৰ্য ৰায় বচ্চনৰ বৈবাহিক বিবাদক লৈ বিভিন্ন ধৰণৰ কথা বলীউডত হুলস্থুল লগায়। কেতিয়াবা সত্য, কেতিয়াবা অসত্য। কিন্তু এই চৰ্চাৰ আঁৰত সদায় অন্য লোকেই নাথাকে। বৰঞ্চ ঐশ্বৰ্য আৰু অভিষেক নিজেই এই চৰ্চাত ইন্ধন যোগায়। এতিয়া সেই জুই বনজুইৰ ৰূপ লৈছে।

শেহতীয়াকৈ অভিষেকে বলীউডত ২৫ বছৰ সম্পূৰ্ণ কৰিলে। কিন্তু এই ২৫ বছৰত তেওঁৰ হিট ছবি প্ৰায় নাই বুলিব পাৰি। যেতিয়াই তেওঁ পৰ্দালৈ আহে তেতিয়াই তেওঁক পিতৃ অমিতাভ বচ্চনৰ লগত তুলনা কৰা হয়। বহুতে ঐশ্বৰ্যৰ লগতো তুলনা কৰে। এতিয়া তেওঁৰ দাম্পত্য জীৱনৰ কথাবোৰ বজাৰত বিভিন্ন ধৰণেৰে বিক্ৰী কৰা হৈছে।

শেহতীয়াকৈ অভিষেকে এটা সাক্ষাৎকাৰত এইবোৰৰ বিষয়ে মুকলিকৈ কয়। তেওঁ কয়, যেতিয়াই মোক দেউতাৰ লগত তুলনা কৰা হয় বা ঐশ্বৰ্যৰ লগত তুলনা কৰে, এইবোৰ যেন গুৰুত্বহীন কথা। সহজ ভাষাত ক’বলৈ গ’লে এইবোৰ কথাত মই অভ্যস্ত হৈ পৰিছো। গতিকে সকলো যেন অৰ্থহীন।

অভিষেক আৰু কয়, “মোৰ মা-দেউতা মোৰ অভিভাৱক। মই তেওঁলোকৰ বাবে গৌৰৱ কৰো। মই তেওঁলোকৰ লগত থাকিব বিচাৰো। মই মাত্ৰ সকলোকে কাষত লৈ ভাল সময় কটাব বিচাৰো।”

কিন্তু ইমানখিনি কোৱাৰ পিছতো অভিষেকে ঐশ্বৰ্যৰ সৈতে নিজৰ বিবাহিত জীৱনৰ বিষয়ে বিশেষ কথা ক’ব বিচৰা নাছিল। তেওঁ বৰঞ্চ বিবাহ বিচ্ছেদৰ খবৰটো এৰাই চলিছে।