Harinath Mishra : SPG ৰ নতুন প্ৰশাসনিক মুৰব্বী IPS হৰিনাথ মিশ্ৰ কোন জানেনে ? প্ৰধানমন্ত্ৰীৰ নিৰাপত্তাৰ সকলো দায়িত্ব এতিয়া তেওঁৰ হাতত…

সকলো দেশৰ ৰাষ্ট্ৰপতি আৰু প্ৰধানমন্ত্ৰীৰ নিৰাপত্তা দিশটোক অধিক গুৰুত্ব প্ৰদান কৰা হয় । ভাৰতত প্ৰধানমন্ত্ৰীৰ নিৰাপত্তাৰ দায়িত্ব বিশেষ সুৰক্ষা গোট (এছ পি জি)ৰ ওপৰত থাকে । এই এছ পি জিৰ এজন প্ৰশাসনিক মুৰব্বী আছে । তেওঁ মূল দায়িত্ব হৈছে প্ৰধানমন্ত্ৰীৰ নিৰাপত্তাৰ ব্যৱস্থা কৰা। নতুনকৈ আই পি এছৰ জ্যেষ্ঠ বিষয়া হৰিনাথ মিশ্ৰক এই বিশেষ সুৰক্ষা গোটৰ প্ৰশাসনিক মুৰব্বী হিচাপে নিযুক্তি দিয়া হৈছে । অৰ্থাৎ এতিয়া তেওঁ প্ৰধানমন্ত্ৰী নৰেন্দ্ৰ মোদীৰ নিৰাপত্তাৰ ব্যৱস্থা চম্ভালিব। লগতে প্ৰধানমন্ত্ৰী মোদীৰ পৰিয়ালৰ নিৰাপত্তাৰ দায়িত্বও তেওঁৰ ওপৰত থাকিব। তেওঁ কোন জানেনে ?

প্ৰকৃতে কেন্দ্ৰীয় চৰকাৰে হৰিনাথ মিশ্ৰক কেবিনেট সচিবালয়ত সচিব (নিৰাপত্তা) পদত নিযুক্তি দিছে। এই সচিব গৰাকী হৈছে এছ পি জিৰ প্ৰশাসনিক মুৰব্বী। যোৱা শুকুৰবাৰে আই পি এছ হৰিনাথ মিশ্ৰক নিযুক্তি সন্দৰ্ভত এক নিৰ্দেশ জাৰি কৰিছিল পাৰ্ছনেল মন্ত্ৰালয়ে। তেওঁৰ নিযুক্তিৰ বাবে কেবিনেট কমিটীয়েও অনুমোদন জনাইছে। বৰ্তমান তেওঁ চোৰাংচোৱা ব্যুৰো অৰ্থাৎ আই বিত বিশেষ সঞ্চালক প্ৰধান হিচাপে কেন্দ্ৰীয় প্ৰতিনিধিৰ কাম কৰি আছে। তেওঁ ১৯৯০ চনত কেৰালা কেডাৰৰ আই পি এছ বিষয়া।

খবৰ অনুসৰি, বিহাৰৰ আই পি এছ হৰিনাথ মিশ্ৰৰ জন্ম হৈছিল ১৯৬৫ চনৰ ২ জুলাইত। তেওঁ এম.এছ.চি. ১৯৮৯ চনত তেওঁ কেন্দ্ৰীয় লোকসেৱা আয়োগ অৰ্থাৎ ইউ পি এছ চি পৰীক্ষাত উত্তীৰ্ণ হয় । তাৰ পিছত তেওঁ আই পি এছ হিচাপে নিৰ্বাচিত হয়। প্ৰশিক্ষণৰ অন্তত কেৰেলা কেডাৰত নিযুক্তি লাভ কৰে। অৱসৰ গ্ৰহণ কৰা আই পি এছ স্বাগত দাসৰ ঠাইত আই পি এছ হৰিনাথ মিশ্ৰই যোগদান কৰিব । স্বাগত দাস ছত্তীশগড় কেডাৰৰ ১৯৮৭ বেচৰ আই পি এছ বিষয়া।

বিশেষ সুৰক্ষা গোট বা এছ পি জিৰ মূল দায়িত্ব কেৱল প্ৰধানমন্ত্ৰীক নিৰাপত্তা প্ৰদান কৰাই নহয়, প্ৰাক্তন প্ৰধানমন্ত্ৰী আৰু তেওঁলোকৰ পৰিয়ালক নিৰাপত্তা প্ৰদান কৰাটোও তেওঁলোকৰ দায়িত্ব। এছ পি জি কমাণ্ডোসকলে প্ৰধানমন্ত্ৰীৰ বাসগৃহ, তেওঁৰ বিমান আৰু তেওঁৰ বাহনসমূহ নিৰীক্ষণ কৰে আৰু নজৰত ৰাখে । তেওঁলোকক এনে প্ৰশিক্ষণ দিয়া হয় যে, যিকোনো ধৰণৰ বিপদৰ সৈতে মোকাবিলা কৰিবলৈ সকলো সময়তে তেওঁলোক সাজু থাকে।