Teacher’s Day 2025: ৫ ছেপ্টেম্বৰত কিয় পালন কৰা হয় শিক্ষক দিৱস? ইতিহাস, তাৎপৰ্য্য,মহত্ব সকলো জানক…
Sarvepalli Radhakrishnan: ১৮৮৮ চনৰ ৫ ছেপ্টেম্বৰত জন্মগ্ৰহণ কৰা ড° সৰ্বপল্লী ৰাধাকৃষ্ণণৰ জন্মদিনটো বিশেষভাৱে পালন কৰাৰ ছাত্ৰ-ছাত্ৰী আৰু সহকৰ্মীসকলে প্ৰস্তাৱ আগবঢ়ায়। কিন্তু তেওঁ কয় যে তেওঁৰ জন্মদিনটো পৃথকে পৃথকে পালন কৰাৰ পৰিৱৰ্তে শিক্ষকসকলৰ অৱদানৰ সন্মানত পালন কৰিব লাগে।
ভাৰতৰ শিক্ষকসকলৰ সন্মানত এটা বিশেষ দিন উচৰ্গা কৰা হৈছে। এই দিনটো প্ৰতি বছৰে ছেপ্টেম্বৰ মাহত শিক্ষক দিৱস হিচাপে পালন কৰা হয়। এই দিনটো কেৱল আনুষ্ঠানিকতা নহয়, শিক্ষকৰ প্ৰতি কৃতজ্ঞতা আৰু সন্মানৰ প্ৰতীক। এই পৰম্পৰাৰ আৰম্ভণি হৈছিল ড° সৰ্বেপল্লী ৰাধাকৃষ্ণণৰ বাবে, যিয়ে এই দিনটো শিক্ষকসকলৰ বাবে উদযাপন কৰিবলৈ আহ্বান জনাইছিল। তেওঁৰ আহ্বানৰ পিছতে শিক্ষকৰ সন্মানত ৫ ছেপ্টেম্বৰৰ তাৰিখটো নিৰ্ধাৰণ কৰা হৈছিল। ইয়াৰো বিশেষ কাৰণ আছে। ভাৰতত শিক্ষক দিৱস কেৱল উদযাপন নহয়, ই আমাৰ গুৰু-শিষ্য পৰম্পৰা আৰু শিক্ষকৰ প্ৰতি গভীৰ বিশ্বাসৰ প্ৰতীক। ড° ৰাধাকৃষ্ণণৰ বিনম্ৰতাই এই দিনটো সকলো শিক্ষক-শিক্ষয়িত্ৰীলৈ উৎসৰ্গা কৰিলে আৰু ই আমাক প্ৰতি বছৰে সোঁৱৰাই দিয়ে যে সমাজৰ ভেটি সুদৃঢ় কৰাৰ ক্ষেত্ৰত শিক্ষকসকলে আটাইতকৈ গুৰুত্বপূৰ্ণ ভূমিকা পালন কৰে।
৫ ছেপ্টেম্বৰত কিয় পালন কৰা হয় শিক্ষক দিৱস?
১৮৮৮ চনৰ ৫ ছেপ্টেম্বৰত জন্মগ্ৰহণ কৰা ড° সৰ্বপল্লী ৰাধাকৃষ্ণণৰ জন্মদিনটো বিশেষভাৱে পালন কৰাৰ ছাত্ৰ-ছাত্ৰী আৰু সহকৰ্মীসকলে প্ৰস্তাৱ আগবঢ়ায়। কিন্তু তেওঁ কয় যে তেওঁৰ জন্মদিনটো পৃথকে পৃথকে পালন কৰাৰ পৰিৱৰ্তে শিক্ষকসকলৰ অৱদানৰ সন্মানত পালন কৰিব লাগে। তেতিয়াৰ পৰাই ৫ ছেপ্টেম্বৰ তাৰিখ ভাৰতত শিক্ষক দিৱস হিচাপে পালন কৰিবলৈ আৰম্ভ কৰে।
ড° সৰ্বপল্লী ৰাধাকৃষ্ণণ কোন?
ড° সৰ্বেপল্লী ৰাধাকৃষ্ণন এগৰাকী ভাৰতীয় শিক্ষাবিদ, দাৰ্শনিক আৰু ৰাজনীতিবিদ আছিল। তেওঁ ভাৰতৰ প্ৰথম উপ-ৰাষ্ট্ৰপতি আৰু দ্বিতীয় ভাৰতীয় ৰাষ্ট্ৰপতি হিচাপে কাৰ্যনিৰ্বাহ কৰিছিল।
এই দিৱস কেনেকৈ পালন কৰা হয়?
প্ৰতি বছৰে এই দিনটোতে ভাৰতৰ ৰাষ্ট্ৰপতিয়ে ৰাষ্ট্ৰীয় শিক্ষক বঁটা প্ৰদান কৰে। শিক্ষাৰ ক্ষেত্ৰত অসাধাৰণ কাম কৰা শিক্ষকসকলক দিয়া হয়। এই পৰম্পৰাই এই দিনটোৰ গুৰুত্ব আৰু অধিক বৃদ্ধি কৰে।
শিক্ষক দিৱসৰ গুৰুত্ব
ভাৰতীয় সংস্কৃতিত গুৰুৰ স্থান সৰ্বোচ্চ। শিক্ষকসকলে কেৱল কিতাপৰ জ্ঞান দিয়াই নহয়, জীৱন-যাপনৰ কলা, নৈতিকতা আৰু অনুশাসনৰ পথো দেখুৱাইছে। শিক্ষক দিৱসে আমাক সোঁৱৰাই দিয়ে যে সমাজত শিক্ষকৰ ভূমিকা এটা ভেটিৰ দৰে।
বিদ্যালয় আৰু মহাবিদ্যালয়ৰ অনুষ্ঠান
বিদ্যালয়-মহাবিদ্যালয়ত শিক্ষক দিৱস বিশেষভাৱে পালন কৰা হয়। কাৰ্ড, উপহাৰ আৰু কাৰ্যসূচীৰ জৰিয়তে ছাত্ৰ-ছাত্ৰীসকলে নিজৰ শিক্ষকক সন্মান জনায়। বহু ঠাইত ছাত্ৰ-ছাত্ৰীয়ে শিক্ষকৰ ভূমিকা পালন কৰে আৰু পাঠদানৰ অভিজ্ঞতা লাভ কৰে।
বিশ্ব শিক্ষক দিৱস কেতিয়া?
ভাৰতে ৫ ছেপ্টেম্বৰত শিক্ষক দিৱস পালন কৰাৰ বিপৰীতে ইউনেস্ক’ৰ নিৰ্দেশ অনুসৰি প্ৰতি বছৰে ৫ অক্টোবৰত বিশ্ব শিক্ষক দিৱস পালন কৰা হয়। এই দিৱসটোৱে সমগ্ৰ বিশ্বৰ শিক্ষকসকলৰ অৱদান আৰু গুৰুত্বৰ পৰিচয় দিয়ে।
লগতে পঢ়ক: ‘শিক্ষক দিৱস’ৰ ভাষণ, সকলোৱে কৰিব প্ৰশংসা…
