National Youth Day 2026: ১২ জানুৱাৰীত কিয় উদযাপন কৰা হয় ৰাষ্ট্ৰীয় যুৱ দিৱস? জানক এই দিনটোৰ ইতিহাস, তাৎপৰ্য আদি সকলো..
আমাৰ এই দেশ যুৱক-যুৱতীৰ। দেশৰ আধাতকৈ অধিক জনসংখ্যা যুৱ প্ৰজন্ম। ক্ৰীড়াৰ পৰা আৰম্ভ কৰি বলীউডলৈকে সকলোতে যুৱ প্ৰজন্মই আধিপত্য বিস্তাৰ কৰিছে। ভাৰতীয় ৰাজনীতিত এতিয়া আগবাঢ়ি আহিছে যুৱক-যুৱতীসকল। প্ৰতিটো ক্ষেত্ৰতে তেওঁলোকে পাৰদৰ্শিতা দেখুৱাইছে।
১২ জানুৱাৰী সমগ্ৰ দেশৰ বাবে এক অতি বিশেষ দিন। এয়া কেৱল এটা সাধাৰণ তাৰিখ নহয়। ১২ জানুৱাৰীত ভাৰতৰ অন্যতম শ্ৰেষ্ঠ দাৰ্শনিক, আধ্যাত্মিক নেতা, সামাজিক ব্যক্তি স্বামী বিবেকানন্দৰ জন্ম বাৰ্ষিকী। ইয়াৰ লগত সংগতি ৰাখি পালন কৰা হয় ৰাষ্ট্ৰীয় যুৱ দিৱস। স্বামী বিবেকানন্দৰ সন্মানত প্ৰতি বছৰে ১২ জানুৱাৰীৰ দিনটো ৰাষ্ট্ৰীয় যুৱ দিৱস হিচাপে পালন কৰা হয়।
আমাৰ এই দেশ যুৱক-যুৱতীৰ। দেশৰ আধাতকৈ অধিক জনসংখ্যা যুৱ প্ৰজন্ম। ক্ৰীড়াৰ পৰা আৰম্ভ কৰি বলীউডলৈকে সকলোতে যুৱ প্ৰজন্মই আধিপত্য বিস্তাৰ কৰিছে। ভাৰতীয় ৰাজনীতিত এতিয়া আগবাঢ়ি আহিছে যুৱক-যুৱতীসকল। প্ৰতিটো ক্ষেত্ৰতে তেওঁলোকে পাৰদৰ্শিতা দেখুৱাইছে। প্ৰধানমন্ত্ৰী নৰেন্দ্ৰ মোদীয়ে যুৱক-যুৱতীৰ বলত নিজৰ চৰকাৰ গঠন কৰিছিল। আজি যুৱক-যুৱতীসকল ছ’চিয়েল মিডিয়াৰ আটাইতকৈ সক্ৰিয় ব্যৱহাৰকাৰী। ফেশ্বন ট্ৰেণ্ডেই হওক বা লাইফষ্টাইল হওক, সকলোতে আছে যৌৱন।
ইতিহাস
ৰাষ্ট্ৰীয় যুৱ দিৱস উদযাপন ১৯৮৪ চনৰ পৰা আৰম্ভ হৈছিল । ভাৰত চৰকাৰে উপলব্ধি কৰিছিল যে স্বামী বিবেকানন্দৰ দৰ্শন আৰু আদৰ্শ ভাৰতীয় যুৱক-যুৱতীসকলৰ বাবে এক বৃহৎ প্ৰেৰণাৰ উৎস হ’ব পাৰে। সেয়েহে ১৯৮৪ চনত ভাৰত চৰকাৰে স্বামী বিবেকানন্দৰ জন্ম বাৰ্ষিকী ৰাষ্ট্ৰীয় যুৱ দিৱস হিচাপে পালন কৰাৰ সিদ্ধান্ত লয়। ১৯৮৫ চনৰ ১২ জানুৱাৰীত প্ৰথম ৰাষ্ট্ৰীয় যুৱ দিৱস অনুষ্ঠিত হয়।
এই দিনটোৰ তাৎপৰ্য কি?
স্বামী বিবেকানন্দই ১৮৯৩ চনত চিকাগোৰ বিশ্ব ধৰ্ম সংসদত ভাৰত আৰু আধ্যাত্মিকতাৰ প্ৰচাৰ কৰিছিল।তেওঁৰ ধাৰণা ১৯ শতিকাৰ দৰেই আজিও প্ৰাসংগিক।
২০২৬ চনৰ ৰাষ্ট্ৰীয় যুৱ দিৱসৰ বিষয়বস্তু
প্ৰতি বছৰে আজিৰ প্ৰত্যাহ্বান আৰু যুৱক-যুৱতীৰ ভূমিকাক প্ৰতিফলিত কৰা এক নিৰ্দিষ্ট বিষয়বস্তুৰে এই দিৱস পালন কৰা হয়।
২০২৬ বৰ্ষৰ দিনটোৰ থিম যুৱ শিক্ষা আৰু কৰ্মসংস্থাপনৰ ওপৰত আধাৰিত। এই বিষয়বস্তুৱে যুৱক-যুৱতীৰ উদ্ভাৱন আৰু দক্ষতা বিকাশৰ প্ৰয়োজনীয়তাৰ ওপৰত গুৰুত্ব আৰোপ কৰে যাতে ভাৰত এখন উন্নত দেশ হ’ব পাৰে।
স্বামী বিবেকানন্দৰ চিন্তা-ধাৰা
স্বামী বিবেকানন্দৰ আধ্যাত্মিকতা আৰু আধুনিকতাৰ মিশ্ৰণ আজিৰ প্ৰজন্মৰ বাবে অতি গুৰুত্বপূৰ্ণ। তেওঁ কয় যে যুৱক-যুৱতীসকলৰ “লোৰ দৰে মাংসপেশী আৰু তীখাৰ দৰে স্নায়ু” থাকিব লাগে। তেওঁৰ চিন্তাধাৰাই আমাক শিকাইছে:
আত্মবিশ্বাস – নিজৰ ওপৰত বিশ্বাস ৰখাটোৱেই হৈছে সফলতাৰ প্ৰথম পদক্ষেপ।
একাগ্ৰতা – নিজৰ লক্ষ্যৰ প্ৰতি সম্পূৰ্ণৰূপে নিষ্ঠাবান হোৱা।
চৰিত্ৰ গঠন – কেৱল শিক্ষাই যথেষ্ট নহয়; ভাল চৰিত্ৰও অতি প্ৰয়োজনীয়।
সেৱাৰ আত্মা – আনক সহায় কৰাটোৱেই হৈছে প্ৰকৃত জীৱন।
