এটা ভাল চাকৰি বিচাৰিছে নেকি? এইসমূহ দক্ষতা যদি আছে, তেন্তে টকাই টকা হ’ব আপোনাৰ

আজিৰ প্ৰতিযোগিতামূলক চাকৰিৰ বজাৰখনত কেৱল অভিযান্ত্ৰিক ডিগ্ৰী এটাই যথেষ্ট নহয় । আপোনাৰ কেৰিয়াৰত দ্ৰুতগতিত আগবাঢ়ি যাবলৈ আৰু নেতৃত্বৰ ভূমিকাত উপনীত হ’বলৈ আপুনি নতুন দক্ষতা আহৰণ কৰিব লাগিব । টাইমছ অৱ ইণ্ডিয়াত প্ৰকাশিত এক প্ৰতিবেদনত ৫টা আপস্কিলিং পাঠ্যক্ৰমৰ কথা উল্লেখ কৰা হৈছে যিয়ে অভিযন্তাৰ কেৰিয়াৰত যথেষ্ট পৰিৱৰ্তন আনিব পাৰে ।

১. মেচিন লাৰ্নিং (ML) আৰু কৃত্ৰিম বুদ্ধিমত্তা (AI)

বৰ্তমান এই দুটা ক্ষেত্ৰ প্ৰযুক্তি জগতত আগশাৰীত আছে । কম্পিউটাৰ ভিজন, নেচাৰেল লেংগুৱেজ প্ৰচেছিং, আৰু ডিপ লাৰ্ণিং আদি বিষয়ত দক্ষতা অৰ্জন কৰিলে অভিযন্তাসকলে বিভিন্ন হাই-প্ৰফাইল প্ৰকল্পত কাম কৰাৰ সুযোগ পাব ।

২. ক্লাউড কম্পিউটিং

AWS, Azure, আৰু GCPৰ দৰে ক্লাউড প্লেটফৰ্মৰ চাহিদা দিনক দিনে বৃদ্ধি পাইছে । ক্লাউড আৰ্কিটেকচাৰ, ডিপ্লয়মেণ্ট, আৰু মেনেজমেণ্টত দক্ষ অভিযন্তাসকলক বিভিন্ন সংস্থাত উচ্চ দৰমহাত নিযুক্তি দিয়া হৈছে ।

৩. ডাটা ছায়েন্স আৰু বিগ ডাটা এনালাইটিক্স

অভিযন্তাসকলে Python, R আৰু SQL-ৰ দৰে সঁজুলি ব্যৱহাৰ কৰি তথ্য বিশ্লেষণ আৰু দৃশ্যায়নৰ দক্ষতা আহৰণ কৰি এটা সংস্থাৰ সিদ্ধান্ত গ্ৰহণ প্ৰক্ৰিয়াত মূল ভূমিকা পালন কৰিব পাৰে ।

৪. চাইবাৰ নিৰাপত্তা

চাইবাৰ ভাবুকিৰ বিৰুদ্ধে যুঁজিবলৈ দক্ষ পেছাদাৰীৰ চাহিদা বৃদ্ধি পাইছে । এথিকেল হেকিং, নেটৱৰ্ক সুৰক্ষা, আৰু ইন্সিডেন্ট ৰেচপনচৰ দৰে পাঠ্যক্ৰমে এই ক্ষেত্ৰৰ বাবে অভিযন্তাসকলক প্ৰস্তুত কৰাত সহায় কৰে ।

৫. ব্লকচেইন প্ৰযুক্তি

যদিও ব্লকচেইন এতিয়াও বিকশিত হৈ আছে, ইয়াৰ সম্ভাৱনা বিশাল । হাইপাৰলেজাৰ ফেব্ৰিক বা ইথেৰিয়ামৰ দৰে প্লেটফৰ্মত দক্ষতা অৰ্জন কৰিলে ভৱিষ্যতৰ বিভিন্ন প্ৰযুক্তিৰ পদক্ষেপত অংশগ্ৰহণ কৰাৰ সুযোগ মুকলি হয় ।

লঘু দক্ষতাৰ গুৰুত্ব

কাৰিকৰী দক্ষতাৰ লগতে প্ৰকল্প পৰিচালনা, যোগাযোগ দক্ষতা, ব্যৱসায়িক বুদ্ধিমত্তাৰ দৰে দক্ষতাও কেৰিয়াৰৰ উন্নতিৰ বাবে অপৰিহাৰ্য । Agile বা PRINCE2ৰ দৰে প্ৰকল্প পৰিচালনা পাঠ্যক্ৰমৰ লগতে ফলপ্ৰসূ যোগাযোগ আৰু আলোচনাৰ প্ৰশিক্ষণে অভিযন্তাসকলক নেতৃত্বৰ ভূমিকাৰ বাবে প্ৰস্তুত কৰে ।

অভিযান্ত্ৰিক জগতখনত সফল হ’বলৈ কেৱল কাৰিকৰী দক্ষতাই নহয়, লঘু দক্ষতাৰ সংমিশ্ৰণৰ প্ৰয়োজন । ওপৰৰ পাঠ্যক্ৰমসমূহ অনুসৰণ কৰি অভিযন্তাসকলে নিজৰ কেৰিয়াৰত নতুন উচ্চতাত উপনীত হ’ব পাৰে ।