২০২৬ চনত অষ্টম দৰমহা আয়োগ কাৰ্যকৰী কৰিবনে চৰকাৰে? বিশেষজ্ঞসকলে কি কয় জানি লওক
অষ্টম দৰমহা আয়োগ কেতিয়া কাৰ্যকৰী হ’ব? শেহতীয়াকৈ এম্বিট কেপিটেলৰ এক প্ৰতিবেদন অনুসৰি অষ্টম দৰমহা আয়োগে চৰকাৰী দৰমহা আৰু পেঞ্চন ৩০-৩৪% বৃদ্ধি কৰিব পাৰে। কিন্তু, এনে লাগে যেন আমি ইয়াক বিত্তীয় বৰ্ষ ২৭ অৰ্থাৎ ২০২৭ চনৰ আগতে কাৰ্যকৰী হোৱা দেখা নাপাম।
প্ৰায় ১.১২ কোটি কেন্দ্ৰীয় চৰকাৰৰ কৰ্মচাৰী আৰু পেঞ্চনাৰে আগ্ৰহেৰে অপেক্ষা কৰি আছে অষ্টম দৰমহা আয়োগ কাৰ্যকৰী হোৱালৈ। বৰ্তমান সপ্তম দৰমহা আয়োগে কাম কৰি আছে, যিটো ২০২৫ চনৰ ডিচেম্বৰ মাহত শেষ হ’ব। তাৰ পিছত সোনকালেই অষ্টম দৰমহা আয়োগ কাৰ্যকৰী হ’ব লাগে। যিহেতু অষ্টম দৰমহা আয়োগে চৰকাৰী কৰ্মচাৰী আৰু পেঞ্চনাৰৰ মৌলিক দৰমহা, ভাট্টা, পেঞ্চন আৰু অৱসৰৰ সুবিধা বৃদ্ধি কৰাৰ সম্ভাৱনা আছে, গতিকে অহা বছৰৰ পৰা অৰ্থাৎ ২০২৬ চনৰ জানুৱাৰী মাহৰ পৰা কাৰ্যকৰী হ’ব নেকি অষ্টম দৰমহা আয়োগ, নে কিছু পলম হ’ব, কৰ্মচাৰী আৰু পেন্সনাৰসকলৰ মনত উত্থাপিত হৈছে এনেবোৰ প্ৰশ্ন।
অষ্টম দৰমহা আয়োগ কেতিয়া কাৰ্যকৰী হ’ব? শেহতীয়াকৈ এম্বিট কেপিটেলৰ এক প্ৰতিবেদন অনুসৰি অষ্টম দৰমহা আয়োগে চৰকাৰী দৰমহা আৰু পেঞ্চন ৩০-৩৪% বৃদ্ধি কৰিব পাৰে। কিন্তু, এনে লাগে যেন আমি ইয়াক বিত্তীয় বৰ্ষ ২৭ অৰ্থাৎ ২০২৭ চনৰ আগতে কাৰ্যকৰী হোৱা দেখা নাপাম। ইয়াৰ অৰ্থ হ’ল ২০২৬ চনৰ এপ্ৰিলৰ পৰা ২০২৭ চনৰ মাৰ্চৰ ভিতৰত ই কাৰ্যকৰী হোৱাৰ সম্ভাৱনা আছে। এই পলমৰ কাৰণ হ’ল কেন্দ্ৰীয় চৰকাৰে এই বছৰৰ জানুৱাৰী মাহত নিজেই অষ্টম দৰমহা আয়োগৰ কথা ঘোষণা কৰিছিল, কিন্তু ২০২৫ চনৰ জুলাইলৈকে ইয়াৰ অধ্যক্ষ, সদস্য বা কাৰ্যকালৰ বিষয়ে কোনো সবিশেষ তথ্য দিয়া নাই।
আয়োগ গঠনৰ পৰা কাৰ্যকৰী হোৱালৈকে সমগ্ৰ প্ৰক্ৰিয়াটোৱে বহু সময় লয়। উদাহৰণস্বৰূপে ২০১৪ চনৰ ফেব্ৰুৱাৰী মাহত সপ্তম দৰমহা আয়োগ গঠন কৰা হৈছিল যদিও ২০১৬ চনৰ জানুৱাৰী মাহৰ পৰা কাৰ্যকৰী হৈছিল। আয়োগৰ সদস্যসকলৰ পৰামৰ্শ আৰু প্ৰতিবেদন দাখিল কৰিবলৈ ১৮ মাহৰ সময় আছিল, যিটো কেন্দ্ৰীয় চৰকাৰে চূড়ান্ত অনুমোদন দিয়াৰ পূৰ্বে পৰ্যালোচনা কৰে।
ইকনমিক টাইমছৰ সৈতে হোৱা সাক্ষাৎ ভাৰতৰ উচ্চতম ন্যায়ালয়ৰ অধিবক্তা সন্দীপ বাজাজে কয় যে যদিও ২০২৫ চনৰ জানুৱাৰী মাহত অষ্টম দৰমহা আয়োগ আনুষ্ঠানিকভাৱে ঘোষণা কৰা হৈছিল, তথাপিও ইয়াৰ কাৰ্যকৰীকৰণ লেহেমীয়া হোৱা যেন লাগে। আয়োগৰ অধ্যক্ষ আৰু সদস্য নিযুক্তি আৰু ইয়াৰ পৰিসৰ চূড়ান্ত কৰাৰ দৰে গুৰুত্বপূৰ্ণ মাইলৰ খুঁটি এতিয়াও বাকী আছে।
বাজাজে লগতে কয় যে ঐতিহাসিকভাৱে পে কমিচন, যিবোৰৰ কাৰ্যকাল ১০ বছৰ, সাধাৰণতে গঠনৰ পৰা প্ৰকৃত কাৰ্যকৰীকৰণলৈকে প্ৰায় ২ বছৰ সময় লাগে। এই যুক্তিৰ দ্বাৰা ২০২৬ চনৰ জানুৱাৰী মাহৰ পৰা অষ্টম দৰমহা আয়োগ কাৰ্যকৰী হোৱাৰ সম্ভাৱনা অতি কম যেন লাগে, আৰু এতিয়া ই ২০২৭ চনলৈকে চলি থাকিব পাৰে বুলি প্ৰবল সম্ভাৱনা আছে।
বাজাজৰ মতে, ইয়াৰ এটা কাৰণ হ’ল ২০২৫-২৬ চনৰ কেন্দ্ৰীয় বাজেটত অষ্টম দৰমহা আয়োগৰ বাবে কোনো বাজেট আৱণ্টন ঘোষণা কৰা হোৱা নাছিল। এম্বিট কেপিটেলৰ তথ্য অনুসৰি দৰমহা আৰু পেঞ্চনৰ আনুমানিক ৩০-৩৪% বৃদ্ধি পূৰণ কৰিবলৈ চৰকাৰক অতিৰিক্ত ১.৮ লাখ কোটি টকাৰ প্ৰয়োজন হ’ব।
বাজাজে আৰু কয় যে অষ্টম দৰমহা আয়োগ ৰূপায়ণৰ ক্ষেত্ৰত প্ৰশাসনিক গতিৰ অভাৱ। যিকোনো চূড়ান্ত পুনৰীক্ষণ পুৰ্বদৃষ্টিসম্পন্ন প্ৰভাৱৰ সৈতে কাৰ্যকৰী হোৱাৰ আশা কৰা হৈছে যদিও এই পিছুৱাই যোৱাৰ ফলত বিশেষকৈ ধাৰাবাহিক মুদ্ৰাস্ফীতিৰ হেঁচাত কেন্দ্ৰীয় চৰকাৰৰ কৰ্মচাৰী আৰু পেঞ্চনাৰসকলৰ মাজত হতাশাৰ সৃষ্টি হ’ব পাৰে।
এম্বিট কেপিটেলৰ এক প্ৰতিবেদন অনুসৰি, বৰ্তমানৰ মৌলিক দৰমহা ৫০,০০০ টকা আৰু ২০২৫ চনৰ শেষৰ ফালে প্ৰকল্পিত ডি এ ৬০ শতাংশত উপনীত হোৱাৰ লগে লগে (জুলাই মাহত আন এক সম্ভাৱ্য বৃদ্ধিৰ সৈতে বৰ্তমানৰ ৫৫ শতাংশৰ তুলনাত বৃদ্ধি) দৰমহা কমেও ১৪ শতাংশ বৃদ্ধি হোৱাৰ সম্ভাৱনা আছে, আৰু সৰ্বোত্তম পৰিস্থিতিত অষ্টম দৰমহা আয়োগৰ অধীনত ৫৪ শতাংশ বৃদ্ধি পোৱাৰ সম্ভাৱনা আছে।
