Nov-Dec Rules Change: অন্তিম দিন, আজিয়েই এইবোৰ কাম নকৰিলে বন্ধ হৈ পৰিব টকা!

চাওতে চাওতে আকৌ এটা বছৰৰ অন্তিম ক্ষণত আহি পাইছোঁ। সোমবাৰৰ পৰা আৰম্ভ বছৰৰ শেষ মাহ ডিচেম্বৰ। নৱেম্বৰ মাহত যেনেকৈ একাধিক নিয়মৰ ডেডলাইন নিৰ্ধাৰণ কৰিছিল, ঠিক তেনেদৰে ১ ডিচেম্বৰৰ পৰা বহু নতুন নিয়ম কাৰ্যকৰী হ’ব, যাৰ প্ৰভাৱ জনসাধাৰণৰ ওপৰত পৰিব। কৰ দাখিলৰ পৰা আৰম্ভ কৰি পেঞ্চনলৈকে আৰু ইন্ধনৰ পৰা ৰন্ধন গেছৰ মূল্যৰ পৰিৱৰ্তনলৈকে। এই নিয়ম পৰিবৰ্তনৰ প্ৰতি সকলোৱে সচেতন হোৱাটো প্ৰয়োজন।

কি পৰিৱৰ্তন আহিব?

এল পি জিৰ মূল্য- প্ৰতি মাহৰ আৰম্ভণিতে দেশৰ অইল মাৰ্কেটিং কোম্পানীসমূহে আন্তঃৰাষ্ট্ৰীয় বজাৰত পেট্ৰলিয়ামৰ মূল্য পৰ্যালোচনা কৰে আৰু সেই অনুসৰি দেশত ৰন্ধন গেছৰ মূল্য বৃদ্ধি বা হ্ৰাস কৰা হয়। ডিচেম্বৰ মাহত পেট্ৰলিয়াম সামগ্ৰীৰ মূল্যও পুনৰীক্ষণ কৰা হ’ব আৰু সেই অনুসৰি মূল্য হ্ৰাস বা বৃদ্ধি হ’ব পাৰে। ইয়াৰ পূৰ্বে নৱেম্বৰ মাহত ১৯ কেজি ওজনৰ এটা বাণিজ্যিক চিলিণ্ডাৰৰ মূল্য কিছু হ্ৰাস কৰা হৈছিল।

ইউনিফাইড পেঞ্চন স্কিম- কেন্দ্ৰীয় চৰকাৰৰ কৰ্মচাৰীৰ পেঞ্চন আঁচনি সলনি কৰিবলৈ ৩০ নৱেম্বৰলৈকে সময় আছে। কোনোবাই ইচ্ছা কৰিলে ৰাষ্ট্ৰীয় পেঞ্চন ব্যৱস্থাৰ পৰা নতুন ইউনিফাইড পেঞ্চন আঁচনিলৈ সলনি কৰিব পাৰে। ১ ডিচেম্বৰৰ পৰা এই সুবিধা আৰু উপলব্ধ নহ’ব।

লাইফ চাৰ্টিফিকেট জমা দিয়া- যিসকল পেঞ্চনাৰ হৈছে তেওঁলোকে বছৰৰ শেষত লাইফ চাৰ্টিফিকেট জমা দিব লাগিব। এইবাৰ লাইফ চাৰ্টিফিকেট জমা দিয়াৰ অন্তিম তাৰিখ ৩০ নৱেম্বৰ হিচাপে নিৰ্ধাৰণ কৰা হৈছিল। কাইলৈ ​​১ ডিচেম্বৰৰ পৰা আৰু লাইফ চাৰ্টিফিকেট জমা দিয়া নহ’ব। কোনোবাই যদি জীৱনৰ প্ৰমাণ পত্ৰ জমা নিদিয়ে তেন্তে পেঞ্চন বন্ধ হৈ যাব। আপুনি বেংক, ডাকঘৰলৈ গৈ অথবা অনলাইন জীৱন প্ৰশান্ত ব্যৱস্থাৰ জৰিয়তে জীৱনৰ প্ৰমাণ পত্ৰ জমা দিব পাৰিব।

আয়কৰ দাখিলৰ অন্তিম তাৰিখ- টিডিএছকে ধৰি আয়কৰ সম্পৰ্কীয় কেইবাটাও বিষয় ৩০ নৱেম্বৰৰ ভিতৰত দাখিল কৰাটো বাধ্যতামূলক কৰা হৈছে। ইয়াৰ ভিতৰত আয়কৰ আইনখনৰ ১৯৪-আইএ, ১৯৪-আইবি, ১৯৪এম আৰু ১৯৪এছ ধাৰাসমূহো অন্তৰ্ভুক্ত।

বিমানৰ টিকট ব্যয়বহুল – ১ ডিচেম্বৰত বিমান টাৰবাইন ফুয়েলৰ মূল্যও পুনৰীক্ষণ কৰা হ’ব। যদি এটিএফৰ দাম বৃদ্ধি পায়, তেন্তে বিমানৰ টিকটো অধিক ব্যয়বহুল হ’ব।