Gold Rate Today: সোণ কিনিব বিচাৰিছে নেকি? জানক গুৱাহাটীত কিমান দৰত কিনিব সোণ-ৰূপ

আজি ৮ আগষ্ট শুকুৰবাৰ, পুনৰ মূল্য বৃদ্ধি হৈ পৰিছে সোণৰ। বিশ্ব বাণিজ্য শুল্কই সোণৰ মূল্যক দুগুণ কৰি দিছে। আজি সোণৰ মূল্য কালিৰ তুলনাত ২৪ কেৰেট সোণত ৫০০ টকা বৃদ্ধি পাইছে। ৰাখীবন্ধনৰ পূৰ্বে সোণৰ মূল্য শিখৰত উপনীত হৈছে।

দিল্লী, ইউ পি, ৰাজস্থান, বিহাৰৰ দৰে ৰাজ্যত ২৪ কেৰেট সোণৰ মূল্য ১,০২,৫০০ টকাৰ ওপৰত ব্যৱসায় কৰি আছে। দেশৰ প্ৰধান ৰাজ্যসমূহত ১ কেজি ৰূপৰ মূল্য ১,১৭,১০০ টকা। আজি ৰূপৰ মূল্য কালিৰ তুলনাত ১০০০ টকা বৃদ্ধি পাইছে। ইয়াৰ লগতে জানি লওক ৮ আগষ্ট ২০২৫ত গুৱাহাটীত সোণ আৰু ৰূপৰ মূল্য কিমান।

গুড ৰিটাৰ্ণছৰ তথ্যনুসৰি, আজি গুৱাহাটীত সোণৰ মূল্য ২৪ কেৰেট সোণৰ প্ৰতি গ্ৰামত ১০,২৫৬ টকা, ২২ কেৰেট সোণৰ প্ৰতি গ্ৰামত ৯,৪০১ টকা আৰু ১৮ কেৰেট সোণৰ (৯৯৯ সোণ বুলিও কোৱা হয়) প্ৰতি গ্ৰামত ৭,৬৯২ টকা হৈছে। ইফালে আজি গুৱাহাটীত ৰূপৰ মূল্য প্ৰতি গ্ৰামত ১১৭.১০ টকা আৰু প্ৰতি কিলোগ্ৰামত ১,১৭,১০০ টকা হৈছে।

সোণৰ দৰ বৃদ্ধিৰ কাৰণ

শেহতীয়াকৈ সোণৰ মূল্য বৃদ্ধিৰ আঁৰৰ মূল কাৰণ হৈছে আন্তঃৰাষ্ট্ৰীয় আৰু ঘৰুৱা পৰ্যায়ত বৃদ্ধি পোৱা বাণিজ্যিক উত্তেজনা। আমেৰিকা প্ৰশাসনে ভাৰতীয় আমদানিৰ ওপৰত ২৫% ৰ পৰা ৫০% অতিৰিক্ত শুল্ক ঘোষণা কৰাৰ ফলত বিনিয়োগকাৰীৰ মাজত অনিশ্চয়তা বৃদ্ধি পায়। এনে ক্ষেত্ৰত মানুহে সোণৰ দৰে নিৰাপদ সম্পত্তিত বিনিয়োগ কৰাটো অধিক বুলি গণ্য কৰে। যাৰ বাবে ইয়াৰ চাহিদা বৃদ্ধি পায় আৰু মূল্যই অভিলেখ গঢ়ে।

দ্বিতীয়টো ডাঙৰ কাৰণটো হ’ল ডলাৰৰ দুৰ্বলতা আৰু বিশ্বৰ অৰ্থনৈতিক অৱস্থা। কালি আন্তঃৰাষ্ট্ৰীয় বজাৰত প্ৰতি আউন্সত সোণ ৩,৩৭৫ ডলাৰৰ ওপৰত থাকে। ইয়াৰ উপৰিও নতুন ৰাছিয়াৰ নিষেধাজ্ঞা আৰু চিপ আমদানিৰ ওপৰত ১০০% শুল্ক আৰোপ কৰাৰ সতৰ্কবাণীয়েও বিনিয়োগকাৰীক সোণৰ ফালে উভতাই আনিছে। সামগ্ৰিকভাৱে বৃদ্ধি পোৱা বিশ্ব বাণিজ্য শুল্ক আৰু ভূ-ৰাজনৈতিক উত্তেজনাৰ ফলত সোণৰ মূল্য যথেষ্ঠ বৃদ্ধি হৈছে।

কেনেকৈ কৰে সোণৰ দাম নিৰ্ধাৰণ?

আন্তঃৰাষ্ট্ৰীয় বজাৰৰ মূল্য, আমদানি শুল্ক আৰু কৰ, টকা আৰু ডলাৰৰ বিনিময় হাৰ, চাহিদা আৰু যোগানৰ ভাৰসাম্যৰ ভিত্তিত সোণৰ মূল্য নিৰ্ধাৰণ কৰা হয়। ভাৰতত সোণৰ ব্যৱহাৰ কেৱল বিনিয়োগৰ বাবেই নহয় বৰঞ্চ পৰম্পৰাগতভাৱে বিয়া আৰু উৎসৱতো ব্যৱহাৰ কৰা হয়। সেয়েহে মূল্যৰ পৰিৱৰ্তনে প্ৰত্যক্ষভাৱে ৰাইজক প্ৰভাৱিত কৰে।