SBI ৰ গ্ৰাহকসকলৰ বাবে ডাঙৰ খবৰ, প্ৰতিদিনে হ’ব Net Banking ৰ সমস্যা! দিলে এই নিৰ্দেশনা

ভাৰতীয় ষ্টেট বেংকে গ্ৰাহক সকলৰ বাবে নিৰ্দেশনা জাৰি কৰিছে। য’ত কোৱা হৈছে যে, বেংকিং সুবিধা প্ৰতিদিনে ২৪ ঘণ্টাৰ ভিতৰত কিছু সময়ৰ বাবে ব্যাহত হ’ব পাৰে। যদি আপুনিও ষ্টেট বেংক অৱ ইণ্ডিয়াৰ গ্ৰাহক, তেন্তে আপুনি এই বিষয়ে জনাটো দৰকাৰ। গতিকে জানক কেতিয়া ব্যাহত হ’ব নেট বেংকিং?

কেতিয়া হ’ব?

দৈনিক পুৱা ৪:৪৫ বজাৰ পৰা ৫:৪৫ বজাৰ ভিতৰত যিকোনো সময়তে সেৱা ব্যাহত হ’ব পাৰে বুলি SBI য়ে জনাইছে। এই সমস্যা ৩ৰ পৰা ৪ মিনিটৰ বাবে নেট বেংকিং ব্যৱহাৰ কৰা গ্ৰাহকে অনুভৱ কৰিব। ইয়াৰ সমান্তৰালকৈ এছ বি আইয়ে কয় যে ৩ৰ পৰা ৪ মিনিটৰ পাছত নেট বেংকিং আগৰ দৰে সুকলমে কাম কৰিব।

এছ বি আইৰ ৱেবছাইটত কি লিখিছে?

SBI ৰ ৱেবছাইটত লিখিছে, ‘প্ৰিয় গ্ৰাহক, আমাৰ দৈনিক maintenance ৰ কামৰ বাবে প্ৰতিদিনে পুৱা ৪:৪৫ বজাৰ পৰা ৫:৪৫ বজাৰ ভিতৰত ৩ৰ পৰা ৪ মিনিটৰ বাবে নেট বেংকিং সেৱাত সামান্য ব্যাঘাত জন্মিব পাৰে। ইয়াৰ ফলত হোৱা অসুবিধাৰ বাবে আমি ক্ষমা বিচাৰিছোঁ।’ এছ বি আইৰ দৰে আন বৃহৎ বেংকসমূহেও সময়ে সময়ে কাৰিকৰী উন্নতি সাধন কৰি ব্যৱস্থাটো আপডেট কৰি সুৰক্ষা বৃদ্ধি কৰে। এই আপডেটসমূহ অফ-পিক সময়ত (কম লেনদেনৰ সময়ত) কৰা হয় যাতে গ্ৰাহকে কম অসুবিধাৰ সন্মুখীন হয় আৰু গোটেই দিনটো স্বাভাৱিক হৈ থাকে।