Silver Price Hike: ৩ লাখ অতিক্ৰম, এইবাৰ ৰূপৰ মূল্যই ৪ লাখ স্পৰ্শ কৰিব নেকি?
Investment in Silver: বিশ্ব বজাৰত নতুন শুল্ক আৰু বাণিজ্যিক উত্তেজনাৰ আশংকাই বিনিয়োগকাৰীসকলক সকীয়াই দিছে। ফলত তেওঁলোকে নিজৰ বিনিয়োগ অন্য সম্পত্তিৰ পৰা সোণ আৰু ৰূপলৈ স্থানান্তৰিত কৰিছে। একে সময়তে বিশ্বৰ শ্বেয়াৰ বজাৰ আৰু আমেৰিকান ডলাৰৰ উঠা-নমাই সোণ আৰু ৰূপৰ মূল্য বৃদ্ধি আৰু হ্ৰাসত সহায় কৰিছে।
আকাশলংঘী হৈছে ৰূপ। ১৯ জানুৱাৰীত ৩ লাখ অতিক্ৰম কৰিছে প্ৰতি কেজি ৰূপৰ মূল্যই। ২০ জানুৱাৰীত ১ কেজি ৰূপৰ মূল্যই ৩ লাখ ২০ হাজাৰ টকা স্পৰ্শ কৰিছে। আন্তঃৰাষ্ট্ৰীয় বজাৰৰ অস্থিৰ পৰিৱেশত বিনিয়োগকাৰীয়ে নিৰাপদ বিনিয়োগ হিচাপে ধাতুৰ বজাৰৰ ফালে মুখ কৰিছে। ইয়াৰ প্ৰতিফলন ঘটিছে মূল্যত।
ৰূপৰ লগত সংগতি ৰাখি সোণৰ মূল্যও বৃদ্ধি পাইছে। প্ৰতি ১০ গ্ৰাম সোণৰ দামেও ১ লাখ ৪৮ হাজাৰ টকা স্পৰ্শ কৰিছে। পূৰ্বৰ তুলনাত ২ হাজাৰ ১০০ টকা বৃদ্ধি। যোৱা কেইদিনমানৰ পৰা ধাৰাবাহিকভাৱে বৃদ্ধি পাইছে সোণৰ মূল্য।
কিয় বাঢ়িছে সোণ-ৰূপৰ দাম?
বিশ্ব বজাৰত নতুন শুল্ক আৰু বাণিজ্যিক উত্তেজনাৰ আশংকাই বিনিয়োগকাৰীসকলক সতৰ্ক কৰি ৰাখিছে। কিয়নো তেওঁলোকে নিজৰ বিনিয়োগ অন্য সম্পত্তিৰ পৰা সোণ আৰু ৰূপলৈ স্থানান্তৰিত কৰিছে। একে সময়তে বিশ্বৰ শ্বেয়াৰ বজাৰ আৰু আমেৰিকান ডলাৰৰ উঠা-নমাই সোণ আৰু ৰূপৰ মূল্য বৃদ্ধি আৰু হ্ৰাসত সহায় কৰিছে।
বিশেষজ্ঞসকলৰ মতে, ৰূপৰ মূল্যবৃদ্ধিয়ে খুচুৰা ক্ৰেতাৰ আগ্ৰহ কম কৰিছে। কিন্তু এই সময়ত ৰূপৰ অভিলেখ ভংগকাৰী বৃদ্ধিয়ে প্ৰমাণ কৰে যে বিনিয়োগকাৰীসকলে এতিয়াও ৰূপৰ ওপৰত আত্মবিশ্বাসী। যেতিয়ালৈকে বিশ্বৰ পৰিস্থিতি অস্থিৰ হৈ থাকিব, তেতিয়ালৈকে সোণ-ৰূপৰ দাম শক্তিশালী হৈ থকাৰ সম্ভাৱনা আছে। কিন্তু এইবাৰ ৰূপে ৪ লাখ স্পৰ্শ কৰিব নেকি সেয়া সময়ে ক’ব।
যদি আপুনি ক’ৰবাত বিনিয়োগ কৰিব বিচাৰে তেন্তে সেই বিষয়ত সঠিক গৱেষণা আৰু বিশ্লেষণ কৰক। এই লেখাটো কেৱল শিক্ষাৰ উদ্দেশ্যে। TV9 অসমে-এ কোনো ধৰণৰ বিনিয়োগৰ পৰামৰ্শ নিদিয়ে।
বিশেষ টোকা: যিকোনো বিনিয়োগত বজাৰৰ বিপদ জড়িত হৈ থাকে। গতিকে বিনিয়োগৰ সিদ্ধান্ত লোৱাৰ পূৰ্বে সকলো বিনিয়োগৰ নথি-পত্ৰ ভালদৰে পঢ়ক।
