ভাৰতত হ্ৰাস পাইছে দৰিদ্ৰতা, এছ বি আইৰ প্ৰতিবেদনত আশাৰ সঞ্চাৰ

ভাৰতৰ বাবে আহিছে আন এক ভাল খবৰ । ভাৰতীয় ষ্টেট বেংকে অনুমান কৰিছে যে ২০২৪ চনত দৰিদ্ৰতা হ্ৰাস পাইছে । বেংকটোৱে কয় যে দেশত দৰিদ্ৰতাৰ পৰিসংখ্যা ক্ৰমাগতভাৱে হ্ৰাস পাইছে, যাৰ বাবে ২০২৪ চনত দেশত দৰিদ্ৰতা ৪.৬ শতাংশলৈ হ্ৰাস পাইছে । যিটো ২০২৩ চনৰ বিশ্ব বেংকৰ ৫.৩ শতাংশৰ হিচাপতকৈ হ্ৰাস পোৱা দেখা গৈছে ।

প্ৰতিবেদনত কোৱা হৈছে যে ২০২৪ চনত দেশত দৰিদ্ৰতা ৪.৬ শতাংশ হৈছে । যিটো ২০২৩ চনত বিশ্ব বেংকে ৫.৩ শতাংশ বুলি অনুমান কৰাতকৈ বহু কম । দৰিদ্ৰতা হ্ৰাসৰ ক্ষেত্ৰত ভাৰতে প্ৰচণ্ড অগ্ৰগতি লাভ কৰিছে । শেহতীয়াকৈ প্ৰকাশিত এক প্ৰতিবেদন অনুসৰি দৰিদ্ৰতাৰ মাত্ৰা আৰু হ্ৰাস পাইছে, যিটো বিশ্ব বেংকৰ অনুমানতকৈও ভাল । এই হ্ৰাসৰ মূল কাৰণ হৈছে নতুন তথ্য সংগ্ৰহ পদ্ধতি আৰু উন্নত সংজ্ঞা । ভাৰতে শেহতীয়া ঘৰুৱা ব্যৱহাৰ ব্যয় জৰীপ (HCES)ত মডিফাইড মিক্সড ৰিকাল পিৰিয়ড (MMRP) পদ্ধতি গ্ৰহণ কৰিছে, যিয়ে পুৰণি ইউনিফৰ্ম ৰেফাৰেন্স পিৰিয়ড (URP)ৰ ঠাই লৈছে ।

ইউনিফৰ্ম ৰেফাৰেন্স পিৰিয়ডে নতুনকৈ ক্ৰয় কৰা সামগ্ৰীৰ বাবে কম ৰিকাল পিৰিয়ড ব্যৱহাৰ কৰে, যিয়ে ঘৰুৱা ব্যৱহাৰৰ অধিক সঠিক অনুমান প্ৰদান কৰে । ইয়াৰ ফলত ৰাষ্ট্ৰীয় জৰীপত খৰচৰ পৰিমাণ অতিমাত্ৰা বৃদ্ধি পোৱা দেখা গৈছে, যাৰ বাবে দৰিদ্ৰতা হ্ৰাস পোৱা বুলি ধাৰণা কৰা হৈছে । উদাহৰণস্বৰূপে, এমএমআৰপি পদ্ধতিয়ে ২০১১-১২ চনত দৰিদ্ৰতাৰ হাৰ ২২.৯%ৰ পৰা ১৬.২২%লৈ হ্ৰাস কৰিছিল । ২০২২-২৩ চনৰ সমীক্ষাত দৰিদ্ৰতা মাত্ৰ ৫.২৫% আছিল ।

শেহতীয়াকৈ বিশ্ব বেংকে বিশ্বৰ দৰিদ্ৰ সীমাৰেখা ২.১৫ ডলাৰ (২০১৭ পিপিপি)ৰ পৰা ৩.০০ ডলাৰ (২০২১ পিপিপি)লৈ বৃদ্ধি কৰি বিশ্বজুৰি ২২.৬ কোটি লোকক দৰিদ্ৰ সীমাৰেখাৰ তললৈ ঠেলি দিছে । কিন্তু ভাৰতে ইয়াত ইতিবাচক পৰিৱৰ্তন আনিছে । উন্নত খৰচৰ তথ্য আৰু জৰীপ পদ্ধতিৰ বাবে ভাৰতৰ নতুন তথ্যই বিশ্বৰ দৰিদ্ৰতাৰ সংখ্যা ১২.৫ কোটি লৈ হ্ৰাস কৰাত সহায় কৰিলে ।