৮ হাজাৰ টকাত অনলাইনত বেচিছিল চোফা, বিক্ৰী মূল্যতো নাপালেই, হেৰুৱালে একাউণ্টৰ ৫ লাখ জমা ধন
অভিযন্তাজনে নিজৰ পুৰণি চোফাখন বিক্ৰী কৰিবলৈ অনলাইনত এটা বিজ্ঞাপন দিলে । বিজ্ঞাপনটো দেখি চাইবাৰ অপৰাধীয়ে চোফাখনৰ প্ৰতি আগ্ৰহ প্ৰকাশ কৰি অভিযন্তাজনৰ সৈতে যোগাযোগ কৰে । পিচত তেওঁৰ একাউন্টৰ পৰা বুদ্ধিৰে সৰকাই নিয়ে ধন ।
যদি আপুনিও পুৰণি ঘৰুৱা সামগ্ৰী অনলাইনত বিক্ৰী কৰে তেন্তে সাৱধান হওক, শেহতীয়াকৈ অনলাইনত সামগ্ৰী বিক্ৰী কৰিবলৈ গৈ সৰ্বস্বান্ত হৈছে এজন যুৱক ।
ওড়িশাৰ এজন ২১ বছৰীয়া অভিযন্তা বলি হৈছে চাইবাৰ জালিয়াতিৰ । চাইবাৰ অপৰাধীয়ে কেনেকৈ এই অভিযন্তাজনক ফান্দত পেলাই একাউণ্ট খালী কৰিলে ? আমি আপোনালোকক এই বিষয়ে তথ্য দিম যাতে, গোটেই বিষয়টো গম পোৱাৰ পিছত আপোনালোকে এনে ভুল নকৰে আৰু অধিক সজাগ হয় ।
ঘটনাটো কি আচলতে?
অভিযন্তাজনে নিজৰ পুৰণি চোফাখন বিক্ৰী কৰিবলৈ অনলাইনত এটা বিজ্ঞাপন দিলে । বিজ্ঞাপনটো দেখি চাইবাৰ অপৰাধীয়ে চোফাখনৰ প্ৰতি আগ্ৰহ প্ৰকাশ কৰি অভিযন্তাজনৰ সৈতে যোগাযোগ কৰে । টাইমছ অৱ ইণ্ডিয়াত প্ৰকাশিত এক বাতৰি অনুসৰি শুভ্ৰ জেনা নামৰ এই অভিযন্তাগৰাকীয়ে যোৱা ৮ মে’ত ১০ হাজাৰ টকাত এখন চোফা বিক্ৰী কৰিবলৈ অনলাইন বিজ্ঞাপন পোষ্ট কৰিছিল ।
বিজ্ঞাপনটো পোষ্ট কৰাৰ পিছত চাইবাৰ অপৰাধীয়ে শুভ্ৰক ফোন কৰি নিজকে ফাৰ্নিচাৰ ব্যৱসায়ী ৰাকেশ কুমাৰ শৰ্মা বুলি চিনাকি দিয়ে । ফোন কৰাৰ পিছত চাইবাৰ অপৰাধীয়ে আচবাব কিনিবলৈ আগ্ৰহ প্ৰকাশ কৰে আৰু চোফাখনৰ বাবে দুয়োৰে মাজত ৮০০০ টকাত চুক্তি কৰা হয় । পেমেণ্ট কৰিবলৈ চাইবাৰ অপৰাধীয়ে শুভ্ৰক বেংকৰ তথ্য বিচাৰিছিল, প্ৰথম অৱস্থাত সকলো ঠিক যেন লাগিছিল যদিও চাইবাৰ অপৰাধীয়ে ধন প্ৰেৰণ কৰাত বিফল হোৱাৰ পিছত শুভ্ৰক মাকৰ বেংকৰ তথ্য প্ৰেৰণ কৰিবলৈ কয় ।
ইয়াত শুভ্ৰই ভুল কৰিলে, কাৰণ তেওঁ বুজিব লাগিছিল যে কিবা এটা ভুল হৈছে । কিন্তু শুভ্ৰই অপৰাধীৰ লগত সবিশেষ শ্বেয়াৰ কৰিলে । ইয়াৰ পিছতে অপৰাধীয়ে শুভ্ৰৰ মাতৃ আৰু শুভ্ৰৰ বেংক একাউণ্টৰ পৰা ধন উলিয়াবলৈ আৰম্ভ কৰে । ১০ মে’ত অপৰাধীয়ে শুভ্ৰক জনাইছিল যে তেওঁৰ একাউণ্টৰ পৰা ৫.২২ লাখ টকা ভুলকৈ ডেবিট কৰা হৈছে আৰু অপৰাধীয়ে এই ধন ঘূৰাই দিয়াৰ প্ৰতিশ্ৰুতি দিছিল ।
অপৰাধীজনে টকাখিনি ডেলিভাৰী কৰিবলৈ নাহিল আৰু তাৰ পিছত অপৰাধীৰ নম্বৰটোও চুইচ অফ পোৱা গ’ল । ইয়াৰ পিছত শুভ্ৰ আৰু শুভ্ৰৰ মাকে বেংক একাউণ্টটো চেক কৰি দেখিলে যে একাউণ্টৰ পৰা ৫ লাখ ২১ হাজাৰ ৫১৯ টকা উলিওৱা হৈছে । বেংক একাউণ্ট চেক কৰাৰ লগে লগে শুভ্ৰই থানালৈ গৈ চাইবাৰ বিভাগত এজাহাৰ দাখিল কৰে ।
চাইবাৰ কেলেংকাৰীকাৰীৰ পৰা কেনেকৈ হাত সাৰিব পাৰি?
বেংক একাউণ্টৰ সবিশেষ, UPI PIN, OTP অচিনাকি ব্যক্তিৰ সৈতে শ্বেয়াৰ নকৰিব ।
কোনো ব্যক্তিৰ সৈতে লেনদেন কৰাৰ আগতে সেই ব্যক্তিজনৰ পৰিচয় পৰীক্ষা কৰক আৰু তাৰ পিছতহে যিকোনো আৰ্থিক লেনদেন কৰক।
