ৰাছিয়াৰ তেল বন্ধ নহ’লে ২৪ ঘণ্টাৰ ভিতৰত…পুনৰ ভাৰতক উদ্দেশ্যি ট্ৰাম্পৰ ভাবুকি

২৪ ঘণ্টাৰ ভিতৰত ভাৰতক একেৰাহে দ্বিতীয়বাৰৰ বাবে ভাবুকি দিছে আমেৰিকাৰ ৰাষ্ট্ৰপতি ড’নাল্ড ট্ৰাম্পে। মঙলবাৰে ট্ৰাম্পে কয় যে ভাৰত এখন ভাল বাণিজ্যিক অংশীদাৰ হোৱা নাই। তেওঁ আৰু কয় যে ভাৰতে ধাৰাবাহিকভাৱে ৰাছিয়াৰ তেল ক্ৰয় কৰি আছে। যদি ভাৰতে তৎক্ষণাত বন্ধ নকৰে, তেন্তে অহা ২৪ ঘন্টাত তেওঁ ভাৰতৰ পৰা আমদানি কৰা সামগ্ৰীৰ ওপৰত বৰ্তমানৰ ২৫ শতাংশ কৰ বৃদ্ধি কৰিব। চিএনবিচিক দিয়া এক সাক্ষাৎকাৰত ট্ৰাম্পে কয়, “তেওঁলোকে যুদ্ধ মেচিনত ইন্ধন যোগোৱাৰ কাম কৰি আছে। যদি তেওঁলোকে এই কাম কৰিছে তেন্তে মই সুখী নহ’ম।” তেওঁ কয়, “ভাৰতৰ মূল সমস্যাটো হ’ল ইয়াৰ শুল্ক অতি বেছি।” ট্ৰাম্পে ভাৰতৰ ওপৰত আমেৰিকাৰ শুল্ক “যথেষ্ট পৰিমাণে” বৃদ্ধি কৰাৰ কথা ঘোষণা কৰাৰ এদিন পিছতে এই কথা প্ৰকাশ পাইছে। তেওঁ ভাৰতে বিপুল পৰিমাণৰ ৰাছিয়াৰ তেল ক্ৰয় কৰি অধিক লাভত বিক্ৰী কৰাৰ অভিযোগ উত্থাপন কৰিছে।

ইফালে, ভাৰতে আমেৰিকা আৰু ইউৰোপীয় সংঘক তীব্ৰ সমালোচনা কৰি কয় যে, তেওঁলোকে ৰাছিয়াৰ তেল ক্ৰয়ৰ বাবে অন্যায়ভাৱে লক্ষ্য কৰি লৈছে, আনহাতে ইউক্ৰেইনৰ যুদ্ধ চলি থকাৰ পিছতো দুয়োখন দেশে মস্কোৰ সৈতে ব্যাপক ব্যৱসায় কৰিছে। প্ৰধানমন্ত্ৰী নৰেন্দ্ৰ মোদীৰ ভাৰতীয় জনতা পাৰ্টি আৰু মূল বিৰোধী দল কংগ্ৰেছে মঙলবাৰে ঐক্যৰ বিৰল প্ৰদৰ্শনেৰে নতুন দিল্লীক ট্ৰাম্পে বাৰে বাৰে কৰা সমালোচনাক গৰিহণা দিয়ে। সোমবাৰে মাজনিশা ভাৰতৰ বৈদেশিক মন্ত্ৰালয়ে প্ৰকাশ কৰা এক বিবৃতিত কয় যে ভাৰতক সমালোচনা কৰা দেশসমূহ যে নিজেই ৰাছিয়াৰ সৈতে বাণিজ্যৰ সৈতে জড়িত হৈ আছে সেয়া স্পষ্ট হৈ পৰিছে।

মন্ত্ৰালয়ে কয় যে ভাৰতক বিচ্ছিন্ন কৰাটো অন্যায়। মন্ত্ৰালয়ে জনোৱা মতে, ২০২৪ চনত ইউৰোপীয় সংঘই ৰাছিয়াৰ সৈতে ৬৭.৫ বিলিয়ন ইউৰো (৭৮.০২ বিলিয়ন ডলাৰ) ব্যৱসায় কৰিছিল, য’ত ১৬.৫ মিলিয়ন মেট্ৰিক টন এল এন জিৰ অভিলেখ সৃষ্টি হৈছিল। বিবৃতিটোত কোৱা হৈছে যে আমেৰিকাই নিজৰ পাৰমাণৱিক শক্তি উদ্যোগ, পেলেডিয়াম, সাৰ আৰু ৰাসায়নিক পদাৰ্থত ব্যৱহাৰৰ বাবে ৰাছিয়াৰ ইউৰেনিয়াম হেক্সাফ্ল’ৰাইড আমদানি অব্যাহত ৰাখিছে।

উল্লেখ্য যে বিগত ৩১ জুলাইৰ পৰা ভাৰত আৰু আমেৰিকাৰ মাজত হঠাৎ বিভাজন গভীৰ হৈ অহা দেখা গৈছে।,যেতিয়া ট্ৰাম্পে আমেৰিকালৈ প্ৰেৰণ কৰা ভাৰতীয় সামগ্ৰীৰ ওপৰত ২৫ শতাংশ শুল্ক আৰোপ কৰাৰ কথা ঘোষণা কৰিছিল আৰু প্ৰথমবাৰৰ বাবে ৰাছিয়াৰ তেল ক্ৰয় কৰাৰ বাবে শাস্তি আৰোপ কৰাৰ ভাবুকি দিছিল। ভাৰত ৰাছিয়াৰ পৰা খাৰুৱা তেল ক্ৰেতা দেশসমূহৰ ভিতৰত অন্যতম, চলিত বৰ্ষৰ জানুৱাৰীৰ পৰা জুনলৈকে প্ৰতিদিনে প্ৰায় ১৭.৫ লাখ বেৰেল তেল আমদানি কৰিছে, যিটো এবছৰৰ আগৰ তুলনাত ১ শতাংশ বেছি।

ৰাছিয়াৰ তেলৰ এটা প্ৰধান ক্ৰেতা ভাৰতীয় শোধনাগাৰ নায়াৰা এনাৰ্জী, যিটো তেল কোম্পানী ৰছনেফ্টকে ধৰি ৰাছিয়াৰ সত্তাৰ সংখ্যাগৰিষ্ঠ মালিকানাধীন, ইউৰোপীয় সংঘই জুলাই মাহত ৰাছিয়াৰ তেল আৰু শক্তি উদ্যোগক লক্ষ্য কৰি জাৰি কৰা নিষেধাজ্ঞাৰ ফলত ক্ষতিগ্ৰস্ত হৈছিল। ইউৰোপীয় ইউনিয়নে জাৰি কৰা  এনে “একপক্ষীয় নিষেধাজ্ঞা”ক সমৰ্থন নকৰে বুলি উল্লেখ কৰিছে ভাৰতে।

বাণিজ্য বিশেষজ্ঞসকলে কয় যে ট্ৰাম্পৰ শুল্কই ভাৰতৰ অৰ্থনীতিত যথেষ্ট প্ৰভাৱ পেলাব পাৰে। নতুন দিল্লীস্থিত গ্ল’বেল ট্ৰেড ৰিচাৰ্চ ইনিচিয়েটিভৰ অজয় শ্ৰীবাস্তৱে কয় যে ২০২৫ বিত্তীয় বৰ্ষৰ ৮৬.৫ বিলিয়ন ডলাৰৰ পৰা ৩১ মাৰ্চত সমাপ্ত হোৱা চলিত বিত্তীয় বৰ্ষত আমেৰিকালৈ ভাৰতীয় সামগ্ৰীৰ ৰপ্তানি ৩০ শতাংশ হ্ৰাস পাই ৬০.৬ বিলিয়ন ডলাৰ হ’ব বুলি আশা কৰিছে।