মধ্যবিত্তৰ সাধ্যৰ বাহিৰত! সোণৰ মূল্যবৃদ্ধিয়ে চকু কপালত তুলিব আপোনাৰ…

মধ্যবিত্তৰ বাবে সোণৰ অলংকৰ পৰিধান কৰা এতিয়া যেন লাহে লাহে সপোন হৈ পৰিব। হোৰাহোৰে বৃদ্ধি পাইছে সোণৰ দাম।  বৰ্তমান ২৪ কেৰেট সোণৰ মূল্য ৯৮ হাজাৰৰ ভিতৰত। ২২ কেৰেটৰ সোণৰ দামেও অতিক্ৰম কৰিছে ৯০ হাজাৰৰ সীমা। সহজ ভাষাত ক’বলৈ হ’লে সোণ ক্ৰয় কৰা এতিয়া মধ্যবিত্ত শ্ৰেণীৰ হাতৰ মুঠিৰ বাহিৰলৈ গৈ আছে। অৱশ্যে বিশেষজ্ঞসকলে কয় যে এয়া মাত্ৰ আৰম্ভণিহে। বছৰৰ শেষলৈকে সোণৰ মূল্য আৰু অধিক বৃদ্ধি পাব পাৰে।

বিভিন্ন দেশৰ মাজত সংঘাত, ট্ৰাম্পৰ শুল্ক যুদ্ধকে ধৰি কেইবাটাও কাৰণত সোণৰ মূল্য তীব্ৰভাৱে বৃদ্ধি পাইছে। যোৱা ডেৰ বছৰত সোণৰ মূল্য যথেষ্ট বৃদ্ধি পাইছে। আইচিআইচিআই বেংক গ্ল’বেল মাৰ্কেটছৰ পূৰ্বাভাস অনুসৰি চলিত বৰ্ষৰ দ্বিতীয়াৰ্ধত সোণৰ মূল্য বৃদ্ধি পাই থাকিব। অতি শীঘ্ৰে ১ লাখৰ সীমা অতিক্ৰম কৰিব সোণৰ মূল্যই।

প্ৰতিবেদন অনুসৰি, চলিত বৰ্ষৰ প্ৰথমাৰ্ধত ১০ গ্ৰাম ২২ কেৰেট সোণৰ মূল্য ৯৬,৫০০ টকাৰ পৰা ৯৮,০০০ টকাৰ ভিতৰত উঠা-নমা কৰিছিল যদিও দ্বিতীয়াৰ্ধত ১ লাখ টকাৰ সীমা অতিক্ৰম কৰিব।

বিগত কিছুদিনত সোণৰ মূল্য কিছু হ্ৰাস পাইছিল। ২২ কেৰেট সোণৰ মূল্য ৯০ হাজাৰৰ পৰা ৯২ হাজাৰ টকাৰ ভিতৰত থকাৰ বিপৰীতে ১০ গ্ৰাম ২৪ কেৰেট সোণৰ মূল্য ৯৬ হাজাৰৰ পৰা ৯৮ হাজাৰ টকাৰ ভিতৰত। কিছুদিন পূৰ্বে বিশুদ্ধ সোণে এক লাখৰ সীমা স্পৰ্শ কৰিছিল।

সোণৰ মূল্য ধাৰাবাহিকভাৱে বৃদ্ধি পোৱাৰ বাবে সোণৰ আমদানি যথেষ্ট হ্ৰাস পাইছে। মে’ মাহত ২.৫ বিলিয়ন ডলাৰৰ সোণ আমদানি কৰা হৈছিল । ইয়াৰ পূৰ্বে এপ্ৰিল মাহত ৩.১ বিলিয়ন ডলাৰৰ সোণ আমদানি কৰা হৈছিল। ইয়াৰ মাজতে পৰৱৰ্তী সময়ত পুনৰ বৃদ্ধি পাব পাৰে সোণৰ মূল্য।

অন্য খবৰ পঢ়কঃ বয়স বিৰোধী ঔষধ! বুঢ়া নহ’বলৈ এজন ব্যক্তিয়ে কিমান টকা খৰচ কৰে? জানিলে হ’ব আচৰিত…