আপোনাৰ ইপিএফ একাউণ্টত নিয়মিত সুত লাভ কৰিবলৈ কি কৰিব? সুত অৰ্জন কিদৰে বন্ধ হ’ব পাৰে জানি লওক
যদি আপোনাৰ ইপিএফ একাউণ্ট একেৰাহে ৩৬ মাহৰ বাবে নিষ্ক্ৰিয় হৈ থাকে অৰ্থাৎ সেই সময়ছোৱাত ইয়াত কোনো জমা বা উলিওৱাৰ লেনদেন নহয়, তেন্তে সেই একাউণ্টত সুত দিয়া বন্ধ হৈ যাব। এই নিয়মটো ইপিএফঅ’ই ২০২৫ চনৰ ২৭ আগষ্টত ছ’চিয়েল মিডিয়াত স্পষ্টভাৱে উল্লেখ কৰিছে।
চৰকাৰে ২০২৪-২৫ বিত্তীয় বৰ্ষৰ বাবে কৰ্মচাৰী ভৱিষ্য নিধিৰ বাৰ্ষিক সুতৰ হাৰ ৮.২৫% নিৰ্ধাৰণ কৰিছে। কিন্তু এই সুত প্ৰতিমাহে একাউণ্টৰ ক্লজিং বেলেঞ্চৰ ওপৰত গণনা কৰা হয় আৰু বছৰত এবাৰ আপোনাৰ একাউণ্টত জমা কৰা হয়। কিন্তু, যদি আপোনাৰ ইপিএফ একাউণ্ট একেৰাহে ৩৬ মাহৰ বাবে নিষ্ক্ৰিয় হৈ থাকে অৰ্থাৎ সেই সময়ছোৱাত ইয়াত কোনো জমা বা উলিওৱাৰ লেনদেন নহয়, তেন্তে সেই একাউণ্টত সুত দিয়া বন্ধ হৈ যাব। এই নিয়মটো ইপিএফঅ’ই ২০২৫ চনৰ ২৭ আগষ্টত ছ’চিয়েল মিডিয়াত স্পষ্টভাৱে উল্লেখ কৰিছে।
নিষ্ক্ৰিয় ইপিএফ একাউণ্টৰ অৰ্থ কি?
ইপিএফঅ’ৰ মতে, এটা একাউণ্টত সুতৰ ক্ৰেডিটৰ বাহিৰে তিনি বছৰ ধৰি কোনো বিত্তীয় কাৰ্যকলাপ নাথাকিলে নিষ্ক্ৰিয় বুলি গণ্য কৰা হয়। বিশেষ কথাটো হ’ল অৱসৰৰ পিছত ইপিএফ একাউণ্টটো মাত্ৰ ৩ বছৰলৈকে সক্ৰিয় হৈ থাকে। অৰ্থাৎ ৫৫ বছৰ বয়সত অৱসৰ লোৱাৰ পিছত ৫৮ বছৰ বয়সলৈকে আপোনাৰ একাউণ্টটোৱে সুত লাভ কৰি থাকিব, তাৰ পিছত ই নিষ্ক্ৰিয় হৈ পৰিব।
এনে পৰিস্থিতিত যদি আপুনি চাকৰি সলনি কৰিছে, তেন্তে নতুন ইপিএফ একাউণ্ট খুলি পুৰণি একাউণ্টটো ট্ৰেন্সফাৰ কৰাটো প্ৰয়োজনীয়। আনহাতে, যদি আপুনি বৰ্তমান কাম কৰা নাই, তেন্তে ইপিএফৰ ধন সময়মতে উলিয়ালে ভাল হ’ব, যাতে আপোনাৰ একাউণ্ট নিষ্ক্ৰিয় নহয়।
ইপিএফ একাউণ্ট সক্ৰিয় ৰাখক
ইপিএফঅ’ই নিজৰ অফিচিয়েল ছ’চিয়েল মিডিয়া চেনেলত স্পষ্টভাৱে উল্লেখ কৰিছে যে যদি আপোনাৰ ইপিএফ একাউণ্ট ৩৬ মাহতকৈ অধিক সময় নিষ্ক্ৰিয় হৈ থাকে তেন্তে ই অকাৰ্যকৰী হৈ পৰে আৰু ইয়াৰ ওপৰত সুত নাপাব। সেয়েহে কৰ্মৰত সদস্যসকলক তেওঁলোকৰ পুৰণি ই পি এফ একাউণ্ট তৎকালীনভাৱে নতুন ই পি এফ একাউণ্টলৈ ট্ৰেন্সফাৰ কৰিবলৈ পৰামৰ্শ দিয়া হৈছে। যিসকলে বৰ্তমান কাম কৰা নাই, তেওঁলোকৰ ইপিএফৰ ধন উলিওৱাৰ প্ৰক্ৰিয়া আৰম্ভ কৰক যাতে কোনো সুতৰ ক্ষতি নহয়।
EPFO 3.0 অতি সোনকালে আহি আছে
ইপিএফঅ’ই অতি সোনকালে মুকলি কৰিবলৈ ওলাইছে নিজৰ ডিজিটেল প্লেটফৰ্ম ইপিএফঅ’ ৩.০। এই নতুন সেৱা পূৰ্বতে ২০২৫ চনৰ জুন মাহত আৰম্ভ হোৱাৰ কথা আছিল যদিও কাৰিকৰী কাৰণত পলম হৈছে। ইপিএফঅ’ ৩.০ৰ লক্ষ্য হৈছে দাবী প্ৰক্ৰিয়াকৰণ দ্ৰুত কৰা আৰু ইউপিআইৰ জৰিয়তে প্ৰত্যক্ষ ইপিএফ উলিওৱাৰ দৰে ব্যৱহাৰকাৰীসকলক নতুন ডিজিটেল সুবিধা প্ৰদান কৰা। এই প্ৰকল্পৰ বাবে ইপিএফঅ’ই তিনিটা প্ৰধান আইটি কোম্পানী ইনফ’ছিছ, টিচিএছ আৰু উইপ্ৰ’ক তালিকুভুক্ত কৰিছে যিয়ে ইয়াৰ ৰূপায়ণ, পৰিচালনা আৰু ৰক্ষণাবেক্ষণত সহায় কৰিব।
