বৃহৎ সকাহ! আজিৰ পৰা দাম কমিব গেছ চিলিণ্ডাৰৰঃ কিমান হ’ব মূল্য, চাওক…
গেছ চিলিণ্ডাৰৰ মূল্য হ্ৰাসে স্বাভাৱিকতেই বহু ব্যৱসায়ৰ ওপৰত ইতিবাচক প্ৰভাৱ পেলাব। ইয়াৰ পূৰ্বে যোৱা ১ জুলাইতো বাণিজ্যিক এল পি জি চিলিণ্ডাৰৰ মূল্য ৫৮.৫০ টকা হ্ৰাস পাইছিল। তাৰ আগতে জুন মাহত ২৪ টকা, এপ্ৰিল মাহত ৪১ টকা আৰু ফেব্ৰুৱাৰী মাহত ৭ টকা দৰ হ্ৰাস হৈছিল।
আজিৰ পৰা হ্ৰাস পাব বাণিজ্যিক এল পি জি গেছৰ মূল্য। তেল বিপণন কোম্পানীসমূহে বাণিজ্যিক এল পি জি গেছ চিলিণ্ডাৰৰ মূল্য সংশোধন কৰিছে। সেই অনুসৰি আজিৰ পৰা ১৯ কিলোগ্ৰাম ওজনৰ বাণিজ্যিক এল পি জি গেছ চিলিণ্ডাৰৰ মূল্য ৩৩.৫০ টকা হ্ৰাস কৰা হৈছে। এই নতুন দৰ অনুসৰি দিল্লীত ১৯ কিলোগ্ৰাম ওজনৰ বাণিজ্যিক এল পি জি চিলিণ্ডাৰৰ খুচুৰা বিক্ৰীৰ মূল্য ১ আগষ্টৰ পৰা ১৬৩১.৫০ টকা হ’ব। গেছ চিলিণ্ডাৰৰ মূল্য হ্ৰাসে স্বাভাৱিকতেই বহু ব্যৱসায়ৰ ওপৰত ইতিবাচক প্ৰভাৱ পেলাব।
উল্লেখ্য যে জুলাই মাহত ১৯ কিলোগ্ৰাম ওজনৰ বাণিজ্যিক এল পি জি চিলিণ্ডাৰৰ মূল্য দিল্লীত ১৬৬৫ টকা, কলকাতাত ১৭৬৯ টকা আৰু মুম্বাইত ১৬১৬.৫০ টকা আছিল। এতিয়া ৩৩.৫০ টকা হ্ৰাস পোৱাৰ লগে লগে নিশ্চিতভাৱে ক্ষুদ্ৰ ব্যৱসায়ীসকলে যথেষ্ট সকাহ লাভ কৰিব। ইয়াৰ পূৰ্বে যোৱা ১ জুলাইতো বাণিজ্যিক এল পি জি চিলিণ্ডাৰৰ মূল্য ৫৮.৫০ টকা হ্ৰাস পাইছিল। তাৰ আগতে জুন মাহত ২৪ টকা, এপ্ৰিল মাহত ৪১ টকা আৰু ফেব্ৰুৱাৰী মাহত ৭ টকা দৰ হ্ৰাস হৈছিল।
এতিয়া পুনৰ চিলিণ্ডাৰৰ দৰ হ্ৰাসৰ ফলত ৰেষ্টুৰেণ্ট, হোটেল আৰু ফুটপাথৰ খাদ্য বিক্ৰেতা আদি ক্ষুদ্ৰ ব্যৱসায়ীসকলৰ ওপৰত আৰ্থিক বোজা লাঘৱ কৰাৰ সম্ভাৱনা আছে। এই ক্ষুদ্ৰ ব্যৱসায়ীসকল দৈনন্দিন কাম-কাজৰ বাবে বাণিজ্যিক এল পি জিৰ ওপৰত বহু পৰিমাণে নিৰ্ভৰশীল। বাণিজ্যিক হাৰত সঘনাই মূল্য সংশোধন হ’লেও ঘৰুৱা এল পি জিৰ মূল্যৰ সাধাৰণতে বিশেষ পৰিৱৰ্তন নঘটে।
Oil marketing companies have revised the prices of commercial LPG gas cylinders. The rate of 19 kg commercial LPG gas cylinders has been reduced by Rs 33.50 effective from tomorrow. In Delhi, the retail sale price of a 19 kg commercial LPG cylinder will be Rs 1631.50 from August…
— ANI (@ANI) July 31, 2025
প্ৰকাশিত খবৰ অনুসৰি বাণিজ্যিক এল পি জি চিলিণ্ডাৰৰ মূল্য হ্ৰাস পোৱাৰ বিপৰীতে ১৪.২ কিলোগ্ৰাম ওজনৰ ঘৰুৱা চিলিণ্ডাৰৰ মূল্যৰ কোনো পৰিৱৰ্তন হোৱা নাই। চলিত বৰ্ষৰ ৮ এপ্ৰিলত ঘৰুৱা গেছ চিলিণ্ডাৰৰ মূল্যৰ ক্ষেত্ৰত অন্তিমবাৰ পৰিৱৰ্তন দেখা গৈছিল। তাৰ পিছৰে পৰা ঘৰুৱা চিলিণ্ডাৰৰ মূল্য অপৰিৱৰ্তিত হৈ আছে।
