FD কৰি হওক কোটিপতি! কম বয়সতে আৰম্ভ কৰিলে কি কি পাব সুবিধা?

সোনকালে ফিক্সড ডিপ’জিট আৰম্ভ কৰিলে আপুনি দীৰ্ঘম্যাদীভাৱে অধিক ৰিটাৰ্ণ, কৰ সঞ্চয় আৰু আৰ্থিক সুৰক্ষা লাভ কৰিব পাৰিব। যদি আপুনি FD কৰাৰ পৰিকল্পনা কৰিছে, তেন্তে নিশ্চিতভাৱে বজাৰত বিভিন্ন বেংকে ১-২ বছৰৰ FD ত আগবঢ়োৱা সুতৰ হাৰৰ তথ্য জানি লওক, যাতে আপুনি সঠিক সিদ্ধান্ত ল’ব পাৰে।

যদি আপুনি নিৰাপদ আৰু নিশ্চিত ৰিটাৰ্ণৰ সৈতে আপোনাৰ সঞ্চয় বৃদ্ধি কৰিব বিচাৰে তেন্তে ফিক্সড ডিপ’জিট (FD) এটা উত্তম বিকল্প হ’ব পাৰে। এফ ডিত যিমান সোনকালে বিনিয়োগ কৰিব সিমানেই বেছি লাভ পাব। এফ ডিয়ে আপোনাৰ আৰ্থিক অৱস্থা শক্তিশালী কৰাই নহয় দীৰ্ঘম্যাদীভাৱে সঞ্চয় কৰাৰ অভ্যাসও গঢ়ি তোলে। আগতীয়াকৈ FD আৰম্ভ কৰিলে কি কি লাভ হ’ব জানক।

ফিক্সড ডিপজিটত বিনিয়োগ কৰিলে আপোনাৰ উপাৰ্জনৰ এটা নিৰ্দিষ্ট অংশ আঁতৰাই জমা ৰখাৰ অভ্যাস গঢ়ি তোলাত সহায় কৰে। ইয়াৰ ফলত আপোনাৰ আৰ্থিক বিনিয়োগ শক্তিশালী হয় আৰু ভৱিষ্যতে আৰ্থিক নিৰাপত্তা লাভ কৰে। নিয়মীয়াকৈ সঞ্চয় কৰাৰ এই অভ্যাসে ভৱিষ্যতে ডাঙৰ লক্ষ্যত উপনীত হোৱাত সহায় কৰিব পাৰে।

যিমান সোনকালে বিনিয়োগ আৰম্ভ কৰিব সিমানেই সুত আদায়ৰ সময়সীমা বেছি হ’ব। উদাহৰণস্বৰূপে, যদি আপুনি আপোনাৰ কেৰিয়াৰৰ আৰম্ভণিতে FD কৰে তেন্তে মেচিউৰিটিলৈকে ভাল ৰিটাৰ্ণ পাব, আনহাতে দেৰিকৈ কৰা এফ ডিৰ সুবিধা সীমিত হ’ব।

অন্যান্য বিনিয়োগ বিকল্পৰ তুলনাত FD Marketৰ বিপদেৰে প্ৰভাৱিত নহয়। ইয়াৰ সৈতে এটা নিৰ্দিষ্ট সুতৰ হাৰে আহে যাৰ ফলত বিনিয়োগকাৰীক সুস্থিৰ আৰু নিৰ্ভৰযোগ্য ৰিটাৰ্ণ প্ৰদান কৰা হয়। সেইবাবেই যিসকলে কোনো বিপদ নোহোৱাকৈ নিজৰ মূলধন বৃদ্ধি কৰিব বিচাৰে তেওঁলোকৰ বাবে এইটো এটা উত্তম বিকল্প।

জীৱনৰ যিকোনো সময়তে আৰ্থিক জৰুৰীকালীন অৱস্থাৰ সৃষ্টি হ’ব পাৰে, তেনে ক্ষেত্ৰত FDয়ে আপোনাৰ বাবে নিৰাপদ বেকআপ হিচাপে কাম কৰিব। বেংকে FDৰ বিৰুদ্ধে ঋণৰ সুবিধা প্ৰদান কৰে যাতে আপুনি আপোনাৰ এফ ডি ভংগ নকৰাকৈ প্ৰয়োজনৰ সময়ত ধন পাব পাৰে।

কৰ সঞ্চয়ৰ FDত বিনিয়োগ কৰি আয়কৰ আইনৰ ধাৰা ৮০চিৰ অধীনত ১.৫ লাখ টকা পৰ্যন্ত কৰ ৰেহাই লাভ কৰিব পাৰিব। যদি আপুনি দীৰ্ঘ সময়ৰ বাবে FDত বিনিয়োগ কৰে তেন্তে এই সঞ্চয় ভৱিষ্যতে ডাঙৰ ধনলৈ পৰিণত হ’ব পাৰে আৰু ইয়াক অন্যান্য বিত্তীয় লক্ষ্যত ব্যৱহাৰ কৰিব পাৰি।