BTC election: বিটিচি নিৰ্বাচনৰ বাবে বিজেপিৰ ২৮ জনীয়া প্ৰাৰ্থীৰ তালিকা প্ৰকাশ…
BTC election Bjp candidate: বিজেপিয়ে ঘোষণা কৰিলে বিটিচি নিৰ্বাচনৰ বাবে প্ৰাৰ্থীৰ তালিকা। ২৮ জনীয়া প্ৰাৰ্থীৰ তালিকা প্ৰকাশ কৰে দলটোয়ে।
অৱশেষত বিটিচি নিৰ্বাচনৰ বাবে বিজেপিয়ে ঘোষণা কৰিলে ২৮ জনীয়া প্ৰাৰ্থীৰ তালিকা। দেওবাৰে এক সংবাদমেল সম্বোধন কৰি বিজেপিয়ে প্ৰাৰ্থীৰ তালিকা ঘোষণা কৰে। গতিকে কোনজন প্ৰাৰ্থীয়ে কোন সমষ্টিত টিকট লাভ কৰিলে তলত উল্লেখ কৰা হ’ল-
- পৰ্বতঝোৰা- বনেন্দ্ৰ কুমাৰ মুছাহাৰী
- গুমা – সজল সিং
- যম দুৱাৰ- ৰাহুল নাৰ্জাৰী
- চৰাইবিল- গোসাই বসুমতাৰী
- কচুগাঁও-মহেশ্বৰ বসুমতাৰী
- ফকিৰগ্ৰাম- অৰূপ কুমাৰ দে
- দতমা- মনোৰঞ্জন ব্ৰহ্ম
- বনৰগাঁও- ৰাজীৱ ব্ৰহ্ম
- চালাকাটি- কবিতা বসুমতাৰী
- চিৰাং- চৌমকৌৰ ব্ৰহ্ম
- চৰাইঝাৰ- প্ৰভাত বসুমতাৰী
- মানস চেৰফাং- সুভাষ বসুমতাৰী
- মাথানগুৰি- গৌতম দাস
- চালাবাৰী- চন্দ্ৰধৰ দাস
- ককলাবাৰী- ৰমেন মদাহী
- দিহিৰা- মানস প্ৰতীম কলিতা
- বাঙাপাৰা- ৰেখাৰাণী দাস বড়ো
- দৰঙাজুলি- বিজিত গৌৰা নাৰ্জাৰী
- নাগ্ৰীজুলি-ভজন দাস
- চুকলাই চেৰফাং- ৰনেন নাৰ্জাৰী
- গোৰেশ্বৰ- দেৰহাচৰ নাৰ্জাৰী
- কুইৰৱবাৰী- মদন ৰাভা
- ভেৰগাওঁ- জৌছৰাং বড়ো
- ননৈ ছেৰফাং- সঞ্জিত তন্তি
- খালিং দ্বাৰ- অৰ্জুন দৈমাৰী
- মৱদ্ৱিবাৰী- দিগন্ত বৰুৱা
- ভৈৰৱকুণ্ড- মিনন মুছাহাৰী
- পাছনৱী ছেৰফাং- দিপক মৌৰ
উল্লেখ্য যে, ইতিমধ্যে বি পি এ, ইউ পি পি এল, অগপ আদি দলে প্ৰাৰ্থীৰ নাম ঘোষণা কৰিছে। আজি ইউ পি পি এলে দ্বিতীয়খন প্ৰাৰ্থীৰ তালিকা ঘোষণা কৰাৰ বিপৰীতে অগপইও ৪ জনীয়া প্ৰাৰ্থীৰ তালিকা প্ৰকাশ কৰে।
অহা ২২ ছেপ্টেম্বৰত অনুষ্ঠিত হ’ব বিটিচি নিৰ্বাচন। যদি প্ৰয়োজন হয়, তেন্তে ২৪ ছেপ্টেম্বৰত অনুষ্ঠিত হ’ব পুনৰ ভোট গ্ৰহণ প্ৰক্ৰিয়া। ইয়াৰ বিপৰীতে নিৰ্বাচন ফলাফল ঘোষণা হ’ব ২৬ ছেপ্টেম্বৰত। নিৰ্বাচন আয়োগৰ তথ্য অনুসৰি, ভোট গ্ৰহণ প্ৰক্ৰিয়া পুৱা ৭ বজাৰ পৰা আৰম্ভ হৈ সন্ধিয়া ৪ বজালৈ চলিব। ইফালে ভোট গণনা আৰম্ভ হ’ব পুৱা ৮ বজাৰ পৰা।
নিৰ্বাচন আয়োগৰ তথ্য অনুসৰি, বিটিচি নিৰ্বাচনত মুঠ ভোটাৰৰ সংখ্যা ২৬,৫৭,৯২৭ গৰাকী। ইয়াৰে পুৰুষ ভোটাৰৰ সংখ্যা ১৩,২৩,৩৯৯ আৰু মহিলা ভোটাৰৰ সংখ্যা ১৩,৩৪,৫২১ গৰাকী। অন্যান্য ভোটাৰৰ সংখ্যা ১৭ গৰাকী। ইয়াৰ পৰিমাণ ২০২০ চনত আছিল ২৩,৮৭,০৪৬ গৰাকী।
ইয়াৰ লগতে মুঠ ভোটকেন্দ্ৰৰ সংখ্যা ৩৩৫৯ টা। ২০২০ চনৰ নিৰ্বাচনত এই সংখ্যা আছিল ৩১৪৬ টা। মুঠ আসন হৈছে ৪০ খন। ইয়াৰে ৩০ খন আসন অনুসূচীত জনজাতিৰ বাবে, ৫ খন আসন অনুসূচীত অ-জনজাতীয় লোকৰ বাবে আৰু ৫ খন আসন মুকলি। তথ্য অনুসৰি এইবাৰ একোজন প্ৰাৰ্থীয়ে নিৰ্বাচনৰ বাবে ব্য়য় কৰিব ১০ লাখ টকা। ষ্টাৰ কেম্পেইনাৰৰ বাবেও সংখ্যা আৰু সময় নিৰ্ধাৰণ আছে।
অন্য খবৰ পঢ়কঃ শিলচৰত নেতাজীৰ ২৪ ফুট উচ্চতাৰ প্ৰতিমূৰ্তি উন্মোচন মুখ্যমন্ত্ৰী হিমন্ত বিশ্ব শৰ্মাৰ…
