ভয়ংকৰ নাও দুৰ্ঘটনা! ২০ জনৰ মৃত্যু, কেইবাজনো লোক নিৰুদ্দেশ…

উত্তৰ-পশ্চিম কংগোত সংঘটিত হৈছে আন এখন নাও দুৰ্ঘটনা। কমেও ২০জন লোকৰ মৃত্যু হোৱাৰ লগতে আন কেইবাজনো লোক সন্ধানহীন হৈ আছে। মাই-ণ্ডোম্বে হ্ৰদত সংঘটিত হোৱা এই দুৰ্ঘটনা বুলি জানিব পৰা গৈছে। যাত্ৰীৰে ভৰপূৰ নাওখন ৰাজধানী কিনছাছা অভিমুখে গৈ থকা অৱস্থাত বাগৰি পৰাত আতংকৰ সৃষ্টি হয়।

খবৰ অনুসৰি বৃহস্পতিবাৰে নিশা কিৰি চহৰৰ পৰা কিনছাছালৈ গৈ থকা নাওখন ববেনি আৰু লোবেকে গাঁৱৰ মাজত নিশা প্ৰায় ৮ বজাত উলটি পৰে। এই দুৰ্ঘটনাত ২০ জন লোক নিহত হোৱাৰ লগতে কেইবাজনো লোক নিৰুদ্দেশ হৈ আছে আৰু এতিয়াও সন্ধান অব্যাহত আছে।

যদিও কংগো চৰকাৰে আনুষ্ঠানিকভাৱে মৃত্যুৰ সংখ্যা প্ৰকাশ কৰা নাই, তথাপিও এই দুৰ্ঘটনাত প্ৰায় ২০ জন লোকৰ মৃত্যু হোৱা বুলি অনুমান কৰা হৈছে। ইফালে, মাই-ণ্ডোম্বে প্ৰদেশৰ গৱৰ্ণৰ কেভানি এনকোছ’ই কয় যে, “আমি মৃত আৰু জীৱিত লোকৰ সংখ্যা নিৰ্ণয় কৰিবলৈ স্থানত নিয়োজিত দলসমূহৰ পৰা সবিশেষ তথ্যৰ বাবে অপেক্ষা কৰি আছো।”

মধ্য আফ্ৰিকাৰ দেশখনত নাও উলটি যোৱাৰ ঘটনা বৃদ্ধি পাইছে। ইয়াৰ কাৰণ অধিক লোকে উপলব্ধ পথ পৰিত্যাগ কৰি সস্তীয়া, কাঠৰ জাহাজ ব্যৱহাৰ কৰে। যিবোৰ যাত্ৰী আৰু তেওঁলোকৰ সা-সামগ্ৰীৰ ওজনৰ বাবে ভাঙি পৰে। এনে যাত্ৰাত লাইফ জেকেটৰ অভাৱ, আৰু জাহাজবোৰত সাধাৰণতে অতিৰিক্ত বোজা থাকে। বহুতো নাও ৰাতিৰ ভাগতো চলি থাকে, যাৰ ফলত উদ্ধাৰ অভিযান জটিল হৈ পৰে আৰু বহু মৃতদেহ প্ৰায়ে নিৰুদ্দেশ হয়।

পূৰ্বৰ দুৰ্ঘটনা

চলিত মাহৰ আৰম্ভণিতে নাও উলটি যোৱাৰ ঘটনাত নিৰুদ্দেশ হৈছিল ৬৪জন। ছেপ্টেম্বৰ মাহত উত্তৰ-পশ্চিম কংগোত সংঘটিত দুটা পৃথক নাও দুৰ্ঘটনাত কমেও ১৯৩ জন লোকৰ মৃত্যু হৈছিল। যাৰ বাবে চৰকাৰী সংবাদ মাধ্যমে অনুচিত লোডিং আৰু ৰাতিৰ জাহাজ চলোৱাৰ বাবে দোষাৰোপ কৰিছিল।

মাৰ্চ মাহত দক্ষিণ-পশ্চিম কংগোত এখন নাও বাগৰি পৰাত ২৫ জন লোকৰ মৃত্যু হৈছিল, ইয়াৰে বহুতেই ফুটবল খেলুৱৈ। মাই-নডম্বে প্ৰদেশৰ মুছি চহৰত এখন মেচৰ পৰা উভতি আহি থকা অৱস্থাত জাহাজখন কোৱা নদীত বাগৰি পৰে। এই ঘটনাৰ পৰা ৰক্ষা পৰে কমেও ৩০ জন লোক।

সবিশেষ: পুটিনৰ বিৰুদ্ধে গ্ৰেপ্তাৰৰ পৰোৱানা! ব্যৱস্থা ল’ব নেকি ভাৰতে?