আইফোন ব্যৱহাৰকাৰীয়ে নাপাব Truecaller ৰ কল ৰেকৰ্ডিং ফিচাৰ, পূৰ্বৰ ৰেকৰ্ডিংসমূহ সংৰক্ষণ কৰাৰ উপায় কি ? জানক

Truecaller এপ প্ৰায় সংখ্যক লোকে ব্যৱহাৰ কৰে। যদি আপুনি আইফোনত এই এপ ব্যৱহাৰ কৰে তেন্তে এই খবৰে আপোনাক আচৰিত কৰি তুলিব। কাৰণ কোম্পানীয়ে ৩০ ছেপ্টেম্বৰৰ পৰা কল ৰেকৰ্ডিং ফিচাৰ বন্ধ কৰাৰ সিদ্ধান্ত লৈছে। এই জনপ্ৰিয় Caller আইডি আৰু স্পেম ব্লক কৰা এপটোত এটা বা দুটা নহয় কিন্তু বহুতো ডাঙৰ ডাঙৰ ফিচাৰ আছে যিবোৰ ব্যৱহাৰকাৰীৰ বাবে উপযোগী।

টেকক্ৰাঞ্চৰ(TechCrunch) সৈতে হোৱা এক বাৰ্তালাপত Truecaller ৰ iOS ৰ মুৰব্বী নকুল কাব্ৰাই কয় যে, কোম্পানীয়ে iOS ত কল ৰেকৰ্ডিং আঁতৰোৱাৰ সিদ্ধান্ত লৈছে। ইয়াৰ কাৰণ কোম্পানীয়ে লাইভ কলাৰ আই ডি আৰু অটোমেটিক স্পেম কল ব্লকিঙৰ দৰে অন্যান্য ফিচাৰৰ ওপৰত গুৰুত্ব দিব বিচাৰে।

২০২৩ চনৰ জুন মাহৰ পৰা আৰম্ভ হোৱা Truecaller Call Recording Feature প্ৰথমে আইফোনত পেইড গ্ৰাহকৰ বাবে উপলব্ধ আছিল যদিও পিছত এণ্ড্ৰইড ব্যৱহাৰকাৰীৰ বাবে উপলব্ধ কৰা হয়। এপলে কোনো তৃতীয় পক্ষৰ এপক কল ৰেকৰ্ড কৰাৰ অনুমতি নিদিয়ে।

সামাজিক মাধ্যমত বহু Truecaller ব্যৱহাৰকাৰীয়ে এখন জাননী শ্বেয়াৰ কৰিছে, য’ত লিখা আছিল যে, আইফোনৰ বাবে Truecaller ত কল ৰেকৰ্ডিং ফিচাৰ বন্ধ কৰি দিয়া হৈছে। POP-UP বাৰ্তাটোত প্ৰায়ে এই ফিচাৰ ব্যৱহাৰ কৰা ব্যৱহাৰকাৰীসকলকো নিজৰ ৰেকৰ্ডিং ডাউনলোড কৰিবলৈ কোৱা হৈছে, কাৰণ ৩০ ছেপ্টেম্বৰৰ পিছত সকলো ডিলিট কৰা হ’ব।

আইফোনত Truecaller ৰ পৰা কল ৰেকৰ্ডিং চেভ কৰিবলৈ, ফোনত Truecaller এপ খুলি ৰেকৰ্ড টেবলৈ যাওক। ইয়াৰ পিছত ছেটিংছ আইকনত টেপ কৰক আৰু চেভ অপচনত ক্লিক কৰক আৰু ইয়াক iCloud চেভলৈ সলনি কৰক। যদি এই অপচন বন্ধ, তেন্তে আপুনি Settings >Name >iCloud>Saved in iCloud >Turn on Truecaller লৈ যাব লাগিব। এই ফিচাৰ অন কৰাৰ এইটোৱেই হৈছে উপায়।