বাবৰ-ৰিজৱানকে ধৰি কেইবাগৰাকী পাকিস্তানী ক্ৰিকেটাৰ ইনষ্টাগ্ৰাম একাউণ্টত নিষেধাজ্ঞা ভাৰতৰ
ভাৰতত পাকিস্তান ক্ৰিকেট দলৰ বহু খেলুৱৈৰ ইনষ্টাগ্ৰাম একাউণ্ট নিষিদ্ধ কৰা হৈছে । ইয়াৰ ভিতৰত আছে বাবৰ আজম, মহম্মদ ৰিজৱান। ভাৰত চৰকাৰে মেটাক অৱগত কৰি ভাৰতত পাকিস্তানী ক্ৰিকেট দলৰ ইনষ্টাগ্ৰাম একাউণ্টত নিষেধাজ্ঞা আৰোপ কৰিছে।
পহলগাম আক্ৰমণৰ পিছত পাকিস্তানৰ বিৰুদ্ধে কঠোৰ হৈছে ভাৰত চৰকাৰ । পাকিস্তানৰ বিৰুদ্ধে ভাৰতে ধাৰাবাহিকভাৱে ব্যৱস্থা গ্ৰহণ কৰি আছে। শেহতীয়াকৈ চৰকাৰে ভাৰতত হানিয়া, মহিৰা খানৰ দৰে বহু পাকিস্তানী চেলিব্ৰিটিৰ ইনষ্টাগ্ৰাম একাউণ্টত নিষেধাজ্ঞা আৰোপ কৰিছে । কেৱল এয়াই নহয়, ভাৰতত পাকিস্তান ক্ৰিকেট দলৰ বহু খেলুৱৈৰ ইনষ্টাগ্ৰাম একাউণ্টো নিষিদ্ধ কৰা হৈছে । ইয়াৰ ভিতৰত আছে বাবৰ আজম, মহম্মদ ৰিজৱান।
ভাৰত চৰকাৰে মেটাক অৱগত কৰি ভাৰতত পাকিস্তানী ক্ৰিকেট দলৰ ইনষ্টাগ্ৰাম একাউণ্টত নিষেধাজ্ঞা আৰোপ কৰিছে। এই তালিকাত বাবৰ আজম, শ্বাহীন আফ্ৰিদি, মহম্মদ আমিৰ, মহম্মদ ৰিজৱান, নছিম শ্বাহ, হৰিছ ৰৌফ আৰু ইমাম উল হকক অন্তৰ্ভুক্ত কৰা হৈছে। এতিয়া ভাৰতে এই পাকিস্তানী ক্ৰিকেটাৰসকলৰ ৰিল-পোষ্ট ইনষ্টাগ্ৰামত চাব নোৱাৰিব।
পাকিস্তানৰ অপপ্ৰচাৰ বন্ধ কৰিবলৈ ভাৰত চৰকাৰে পাকিস্তানী চেলিব্ৰিটি আৰু ক্ৰিকেটাৰৰ একাউণ্ট নিষিদ্ধ কৰিছে। ইয়াৰ প্ৰভাৱ পৰিছে অভিনেত্ৰী হানিয়া আমিৰ, আলী জাফৰ আৰু মহিৰা খান আদিৰ ওপৰত । ইয়াৰ উপৰিও পাকিস্তানী ক্ৰিকেটাৰসকলো ভাৰত চৰকাৰৰ ডিজিটেল ষ্ট্ৰাইকৰ বলি হৈছে।
পহলগাম সন্ত্ৰাসবাদী আক্ৰমণৰ পাছত পাকিস্তানৰ বিৰুদ্ধে কঠোৰ স্থিতি গ্ৰহণ কৰিছে ভাৰতে। এই নিষেধাজ্ঞা আৰোপ কৰাৰ পাছত পাকিস্তানী চেলিব্ৰিটি আৰু ক্ৰিকেটাৰে এতিয়া ভাৰতৰ পৰা কোনো ধৰণৰ সামাজিক মাধ্যমৰ প্ৰচাৰ, বিজ্ঞাপন লাভ কৰিব নোৱাৰে।
