অনলাইন ট্ৰেভেল বুকিং এপৰ দ্বাৰা ভাৰতীয় সেনাৰ ওপৰত তীক্ষ্ণ নজৰ চীনৰ
টিকট বুকিঙৰ সময়ত মেক মাই ট্ৰিপে জোৱানজনৰ পৰা তেওঁৰ ডিফেন্স আইডি, তাৰিখ আৰু পথৰ বিষয়ে তথ্য লয় । এনে পৰিস্থিতিত আমাৰ দেশৰ জোৱানে কেতিয়া আৰু ক’লৈ ভ্ৰমণ কৰিছে সেয়া শত্ৰুৱে গম পায় ।
অনলাইন ট্ৰেভেল বুকিং প’ৰ্টেল ইজ মাই ট্ৰিপৰ সহ-প্ৰতিষ্ঠাপক নিশান্ত পট্টিয়ে কয় যে মেক মাই ট্ৰিপৰ চীনৰ সৈতে সম্পৰ্ক আছে । ভাৰতীয় জোৱানক মেক মাই ট্ৰিপৰ পৰা টিকট বুকিঙৰ ক্ষেত্ৰত সুকীয়া ৰেহাই দিয়া হয়, কিন্তু ৰেহাইৰ নামত চীনে আমাৰ ভাৰতীয় সৈনিকৰ প্ৰতিটো গতিবিধিৰ ওপৰত চকু ৰাখিছে, যিটো ৰাষ্ট্ৰীয় নিৰাপত্তাৰ সৈতে জড়িত চিন্তাৰ বিষয় ।
নিশান্ত পট্টিয়ে মাইক্ৰ’ব্লগিং প্লেটফৰ্ম এক্সত পোষ্ট কৰি লিখিছে যে ভাৰতীয় জোৱানসকলে চীনৰ মালিকানাধীন কোম্পানী এটাৰ পৰা ৰেহাই মূল্যত অনলাইন টিকট বুকিং কৰি আছে । তেওঁ লগতে দাবী কৰে যে টিকট বুকিঙৰ সময়ত মেক মাই ট্ৰিপে জোৱানজনৰ পৰা তেওঁৰ ডিফেন্স আইডি, তাৰিখ আৰু পথৰ বিষয়ে তথ্য লয় । এনে পৰিস্থিতিত আমাৰ দেশৰ জোৱানে কেতিয়া আৰু ক’লৈ ভ্ৰমণ কৰিছে সেয়া শত্ৰুৱে গম পায় ।
MakeMyTrip may dismiss this as a “motivated accusation” but when national security is at stake, silence is not an option.
Board Under Influence
Half of MakeMyTrip’s board – 5 out of 10 directors have direct ties to China, including pivotal appointments by… https://t.co/hLi9KHrKKy pic.twitter.com/MiT4PucSft— Nishant Pitti (@nishantpitti) May 15, 2025
চীনৰ সৈতে ব’ৰ্ডৰ সদস্যৰ ‘সম্পৰ্ক’
ইজ মাই ট্ৰিপৰ অধ্যক্ষ নিশান্ত পট্টিয়ে নিজৰ কথা প্ৰমাণ কৰিবলৈ পোষ্টটো শ্বেয়াৰ কৰাৰ সময়ত স্ক্ৰীণশ্বট সংলগ্ন কৰিছে । এই বিষয়টো অনতিপলমে শুধৰণি কৰিব লাগে বুলিও তেওঁ কয় । নিশান্ত পট্টিয়ে লগতে দাবী কৰিছে যে মেক মাই ট্ৰিপৰ ১০ জন ব’ৰ্ডৰ সদস্যৰ ভিতৰত ৫ জনৰ চীনৰ সৈতে প্ৰত্যক্ষ সম্পৰ্ক আছে ।
মেক মাই ট্ৰিপে উত্তৰ দিলে
নিশান্ত পট্টিয়ে উত্থাপন কৰা অভিযোগ খণ্ডন কৰি মেক মাই ট্ৰিপে উত্তৰ দি কয় যে মেক মাই ট্ৰিপ হৈছে দেশৰ সকলো আইন আৰু ডাটা প্ৰাইভেচি মানি চলা ভাৰতীয় কোম্পানী । মেক মাই ট্ৰিপৰ মুখপাত্ৰৰ উদ্ধৃতি দি এক প্ৰতিবেদনত কোৱা হৈছে যে মেক মাই ট্ৰিপ কেৱল গৌৰৱান্বিত ভাৰতীয় কোম্পানী নহয় বৰঞ্চ ই ভাৰতীয়ই প্ৰতিষ্ঠা কৰা আৰু ইয়াৰ মুখ্য কাৰ্যালয় ভাৰতত আছে ।
২৫ বছৰতকৈও অধিক সময় ধৰি লাখ লাখ ভাৰতীয় ভ্ৰমণকাৰীয়ে আমাক বিশ্বাস কৰি আহিছে । নিশান্ত পট্টিয়ে কয় যে মেক মাই ট্ৰিপে অভিযোগ অস্বীকাৰ কৰিলেও ৰাষ্ট্ৰীয় নিৰাপত্তাৰ কথা আহিলে মনে মনে থকাটো বিকল্প নহয় ।
