TV9 ASSAM
শেহতীয়াকৈ ৰোহিত শৰ্মা আৰু বিৰাট কোহলীয়ে টেষ্ট ফৰ্মেটৰ পৰা অৱসৰ ঘোষণা কৰিছে। ইয়াৰ পূৰ্বে দুয়োগৰাকী খেলুৱৈয়ে টি-২০ ফৰ্মেটকো বিদায় দিছিল।
ৰোহিত শৰ্মা আৰু বিৰাট কোহলীয়ে টেষ্ট ফৰ্মেটৰ পৰা অৱসৰ লৈছে যদিও অতি সোনকালে তেওঁলোকে বৃহৎ ধনৰাশি পুৰস্কাৰ লাভ কৰিব।
আইচিচিয়ে বিশ্ব টেষ্ট চেম্পিয়নশ্বিপ ২০২৩-২৫ৰ পুৰস্কাৰৰ ধন ঘোষণা কৰিছে। ভাৰতীয় দলে ফাইনেলত উপনীত নহ’লেও কোটি কোটি টকা লাভ কৰিব৷
এইবাৰ বিজয়ী দলে প্ৰায় ৩১ কোটি টকা আৰু ৰানাৰ্ছ আপ দলে প্ৰায় ১৮.৫ কোটি টকা লাভ কৰিব। আনহাতে তৃতীয় স্থানৰ দলটোৱে লাভ কৰিব প্ৰায় ১২.৩১ কোটি টকা।
অৰ্থাৎ তৃতীয় স্থান লাভৰ সূত্ৰে ভাৰতীয় দলে আইচিচিৰ পৰা লাভ কৰিব ১২.৩১ কোটি টকা। এই ধন দলৰ খেলুৱৈসকলৰ মাজত বিতৰণ কৰা হ’ব।
বিশ্ব টেষ্ট চেম্পিয়নশ্বিপ ২০২৩-২৫ত ভাৰতীয় দলৰ অংশ আছিল ৰোহিত শৰ্মা আৰু বিৰাট কোহলী। সেয়ে তেওঁলোকেও এই ধনৰাশিৰ অংশ লাভ কৰিব।
ভাৰতে এতিয়া অহা মাহত ইংলেণ্ডৰ বিৰুদ্ধে ৫খন খেলৰ টেষ্ট শৃংখলা খেলিব। এয়া হ’ব ২০২৫-২৭ চনৰ বিশ্ব টেষ্ট চেম্পিয়নশ্বিপৰ প্ৰথমটো শৃংখলা।
পঢ়িবলৈ ক্লিক কৰক
IPL ২০২৫ৰ দ্বিতীয়াংশত এইসকল নতুন খেলুৱৈ