‘Love U’…ছ’চিয়েল মিডিয়াত কিয় এইদৰে লিখিলে আৱেগিক ছাৰা তেণ্ডুলকাৰে?

কিংবদন্তি বেটছমেন শচীন টেণ্ডুলকাৰৰ কন্যা ছাৰা টেণ্ডুলকাৰে প্ৰায়ে ছ’চিয়েল মিডিয়াত পোষ্ট দিয়ে। সাধাৰণতে তেওঁ ভ্ৰমণৰ ফটো আৰু কেতিয়াবা কামৰ আপডেট পোষ্ট কৰে। এইবাৰ ছাৰা আৱেগিক হৈ ইনষ্টাগ্ৰামত এক বিশেষ মন্তব্য কৰি অনুৰাগীৰ দৃষ্টি আকৰ্ষণ কৰিছে। ইনষ্টাগ্ৰাম পোষ্টত ছাৰাই নিজৰ আৱেগ প্ৰকাশ কৰি মন্তব্য কৰি কয় যে, “‘Love UUU।” এই মন্তব্য তেওঁৰ ভাতৃ অৰ্জুন তেণ্ডুলকাৰৰ বাবে আছিল।

উল্লেখ্য যে, অৰ্জুন তেণ্ডুলকাৰে ১৫ নৱেম্বৰ শনিবাৰে নিজৰ ইনষ্টাগ্ৰাম একাউণ্টত এটা পোষ্ট দিছিল। এই পোষ্টটো আছিল মুম্বাই ইণ্ডিয়ানসকলৰ বিষয়ে, যিয়ে অৰ্জুনক ট্ৰেড কৰাৰ সিদ্ধান্ত লৈছিল। মুম্বাই ইণ্ডিয়ানছৰ হৈ অভিষেক ঘটোৱাৰ পৰাই তেওঁ এই ফ্ৰেঞ্চাইজিৰ অংশ আছিল। অৱশ্যে এইবাৰ মুম্বাইয়ে তেওঁক ট্ৰেড কৰাৰ বিৰুদ্ধে সিদ্ধান্ত লয়, আৰু লক্ষ্ণৌ ছুপাৰ জায়েণ্টছে তেওঁক যোগ কৰাৰ সিদ্ধান্ত লয়।

 

View this post on Instagram

 

A post shared by Arjun Tendulkar (@arjuntendulkar24)

ছাৰা ভাই অৰ্জুনৰ প্ৰতি প্ৰেম প্ৰকাশ

ট্ৰেডৰ পিছত অৰ্জুনে এই ইনষ্টাগ্ৰাম পোষ্টটো পোষ্ট কৰি মুম্বাই ইণ্ডিয়ানছৰ সৈতে কৰা যাত্ৰাৰ কথা মনত পেলাই ফ্ৰেঞ্চাইজিক ধন্যবাদ জনাই আৰু লক্ষ্ণৌৰ অংশ হোৱাৰ বাবে সুখ প্ৰকাশ কৰে। অৰ্জুনৰ এই পোষ্টটোৱে তেওঁৰ অনুৰাগীৰ পৰা অতিশয় সঁহাৰি লাভ কৰিছিল, লগতে বহু কমেণ্টো লাভ কৰিছিল। কিন্তু আটাইতকৈ বিশেষ মন্তব্যটো আছিল তেওঁৰ ডাঙৰ ভগ্নী ছাৰাৰ। পিতৃ শচীন আৰু তাৰ পিছত ভাতৃ অৰ্জুনে মুম্বাইৰ হৈ খেলা চাই থকা ছাৰাৰ বাবে অৰ্জুনৰ আন এখন ফ্ৰেঞ্চাইজিলৈ যোৱাটো আৱেগিক আছিল। এই অনুভৱবোৰ তেওঁ এটা মন্তব্যত প্ৰকাশ কৰি লিখিছে, “Love UUU।”

অৰ্জুনে প্ৰথমবাৰৰ বাবে বেলেগ দলৰ হৈ খেলিব

বাওঁহাতৰ বেগী বলাৰ অৰ্জুন টেণ্ডুলকাৰক প্ৰথমবাৰৰ বাবে ২০২১ চনত মুম্বাই ইণ্ডিয়ানছে ২০ লাখ টকা মূল্যত ক্ৰয় কৰিছিল। তেতিয়াৰ পৰাই তেওঁ ফ্ৰেঞ্চাইজিৰ সৈতে নিয়মীয়াকৈ খেলিছে। ২০২৫ চনৰ মেগা নিলামত মুম্বাইয়েও অৰ্জুনক ৩০ লাখ টকাৰ ভিত্তি মূল্যত অধিগ্ৰহণ কৰিছিল যদিও বৰ্তমান তেওঁক ৩০ লাখ টকাত লক্ষ্ণৌৱে ক্ৰয় কৰিছে। আই পি এলত মুম্বাইৰ হৈ অৰ্জুনে মাত্ৰ ৫ খন মেচ খেলিছিল, মাত্ৰ ৩ টা উইকেট দখল কৰিছিল। লক্ষ্ণৌত তেওঁ কিমান সুযোগ পায় সেয়া হ’ব লক্ষ্যণীয়।