IND vs NZ: ভাৰতীয় দল ঘোষণা, শ্ৰেয়াছ আয়াৰ , শুভমন গিলৰ উভতনি, বাদ পৰিল কোন?

নিউজিলেণ্ডৰ বিৰুদ্ধে এদিনীয়া শৃংখলাৰ বাবে ঘোষণা কৰা হৈছে টীম ইণ্ডিয়াই। এক আচৰিত সিদ্ধান্তত নিৰ্বাচক দলে তিলক বৰ্মা আৰু ৰুতুৰাজ গাইকৱাদক দলৰ পৰা বাদ দিছে। ডাঙৰ খবৰটো হ’ল শ্ৰেয়াছ আয়াৰে দললৈ ঘূৰি আহিছে। আনহাতে, ফাষ্ট বলাৰ মহম্মদ ছিৰাজো দললৈ ঘূৰি আহিছে। এইবাৰ শুভমন গিল অধিনায়ক হ’ব, আৰু নীতিশ ৰেড্ডীকো দলত অন্তৰ্ভুক্ত কৰা হৈছে।

শ্ৰেয়াছ আয়াৰ সন্দৰ্ভত ডাঙৰ সিদ্ধান্ত

অষ্ট্ৰেলিয়া ভ্ৰমণৰ এদিনীয়া শৃংখলাৰ সময়ত আঘাতপ্ৰাপ্ত হৈছিল শ্ৰেয়াছ আয়াৰ। দুমাহ ধৰি খেলপথাৰৰ পৰা আঁতৰি আছে। অৱশ্যে যোৱা ১০ দিনত বি চি চি আইৰ চেণ্টাৰ অৱ এক্সেলেন্সত ফিটনেছ পুনৰ লাভ কৰিবলৈ সক্ষম হৈছে। নিউজিলেণ্ডৰ বিৰুদ্ধে খেলা এদিনীয়া শৃংখলাত আয়াৰক অন্তৰ্ভুক্ত কৰা হৈছে যদিও ৬ জানুৱাৰীত অনুষ্ঠিত হ’বলগীয়া বিজয় হাজাৰে ট্ৰফী মেচত যদি তেওঁ সম্পূৰ্ণ ফিট নহয় তেন্তে তেওঁক বাদ দিয়া হ’ব পাৰে।

শ্ৰেয়াছ আয়েৰৰ উভতি অহাৰ অৰ্থ হ’ল গাইকৱাদক বাদ দিয়া হৈছে। এইগৰাকী খেলুৱৈয়ে দক্ষিণ আফ্ৰিকাৰ বিৰুদ্ধে এদিনীয়া শৃংখলাত উজ্জ্বল বেটিং কৰিছিল। ৪ নম্বৰত বেটিং কৰি তেওঁ শতক অৰ্জন কৰে। কিন্তু শতকৰ পিছত দলৰ পৰা বাদ দিয়া হয় গাইকৱাদক। টীম ইণ্ডিয়াই দলটোত তিনিজন অল-ৰাউণ্ডাৰ, চাৰিজন ফাষ্ট বলাৰ, দুজন উইকেটকীপাৰ, ছয়জন বেটছমেনৰ নাম উল্লেখ কৰিছে।

🚨 News 🚨

India’s squad for @IDFCFIRSTBank ODI series against New Zealand announced.

Details ▶️ https://t.co/Qpn22XBAPq#TeamIndia | #INDvNZ pic.twitter.com/8Qp2WXPS5P

— BCCI (@BCCI) January 3, 2026

ভাৰতৰ এদিনীয়া দল : শুভমন গিল (অধিনায়ক), ৰোহিত শৰ্মা, বিৰাট কোহলী, কে এল ৰাহুল, শ্ৰেয়াছ আয়াৰ, ৱাশ্বিংটন সুন্দৰ, ৰবীন্দ্ৰ জাদেজা, মহম্মদ ছিৰাজ, হৰ্ষিত ৰানা, প্ৰসিদ্ধ কৃষ্ণ, কুলদীপ যাদৱ, ঋষভ পন্ত, নীতিশ কুমাৰ ৰেড্ডী, আৰ্শদীপ সিং, আৰু যশস্বী জয়ছৱাল।

IND vs NZ: এদিনীয়া শৃংখলাৰ সূচী

১১ জানুৱাৰী : প্ৰথম এদিনীয়া, বদোদৰা

১৪ জানুৱাৰী : দ্বিতীয় এদিনীয়া, ৰাজকোট

১৮ জানুৱাৰী : তৃতীয় এদিনীয়া, ইন্দোৰ