পাকিস্তানৰ স্বাধীনতা দিৱসৰ সৈতে আছে শচীন তেণ্ডুলকাৰৰ সম্পৰ্ক! কিয় মাষ্টাৰ ব্লাষ্টাৰৰ বাবে অতিকৈ বিশেষ এই দিনটো?

ভাৰতত স্বাধীনতা দিৱস উদযাপন কৰাৰ ঠিক এদিন আগতে ১৪ আগষ্টত পাকিস্তানে স্বাধীনতা দিৱস উদযাপন কৰে। সমগ্ৰ পাকিস্তানৰ বাবে বিশেষ এই দিনটো ভাৰতীয় ক্ৰিকেটৰ মাষ্টাৰ ব্লাষ্টাৰ শচীন তেণ্ডুলকাৰৰ বাবেও সমানে গুৰুত্বপূৰ্ণ।  শচীনৰ বাবে পাকিস্তানৰ স্বাধীনতা দিৱস পাহৰি যোৱাটো কঠিন। ইয়াৰ কাৰণ হৈছে  শচীন তেণ্ডুলকাৰে বিশ্ব ক্ৰিকেটত কৰা মহান অভিলেখৰ আৰম্ভণি এই বিশেষ দিনটোৰ পৰাই হৈছিল। তেওঁ পাকিস্তানৰ স্বাধীনতা দিৱসৰ দিনা সেই মহান অভিলেখৰ জখলাত বগাবলৈ আৰম্ভ কৰিছিল।

শচীন তেণ্ডুলকাৰে আন্তঃৰাষ্ট্ৰীয় ক্ৰিকেটত শতকৰ ঘৰত শতকৰ অভিলেখ গঢ়িছিল। তেওঁৰ নামত ১০০টা শতক আছে। যাৰ ভিতৰত আছে এদিনীয়াত ৪৯টা শতক আৰু টেষ্টত ৫১টা শতক। ১০০টা শতকৰ কাহিনী ৩৪ বছৰ আগতে শচীনে ১৪ আগষ্টত আৰম্ভ কৰিছিল। সেয়া ওল্ড ট্ৰেফৰ্ডত ইংলেণ্ডৰ বিৰুদ্ধে তেওঁৰ প্ৰথম টেষ্ট শতকৰ জৰিয়তে কৰিছিল। যিটো আন্তৰ্জাতিক ক্ৰিকেটত শচীনৰ প্ৰথম শতক।

শচীন তেণ্ডুলকাৰে ১৯৯০ চনৰ ১৪ আগষ্টত ইংলেণ্ডৰ বিৰুদ্ধে অল্ড ট্ৰেফৰ্ড টেষ্টত প্ৰায় চাৰে তিনি দশক আগতে পাকিস্তানৰ স্বাধীনতা দিৱসত এটা সুন্দৰ শতক অৰ্জন কৰিছিল। ইয়াৰ ফলস্বৰূপে ইংলেণ্ডে জিকাৰ সম্ভাৱনা দেখি থকা টেষ্ট মেচখন শচীনৰ প্ৰথম টেষ্ট শতকৰ বাবে ড্ৰ হৈছিল। ডাঙৰ কথাটো হ’ল যে তেতিয়া শচীন তেণ্ডুলকাৰৰ বয়স মাত্ৰ ১৭ বছৰ আছিল যেতিয়া এই কৃতিত্ব অৰ্জন কৰিছিল।

#OnThisDay in 1990, the legendary Sachin Tendulkar scored his maiden international 💯 against England at Old Trafford 🙌

He hit that magnificent knock at the age of 17 👏👏@sachin_rt | #TeamIndia pic.twitter.com/hzEY4Ed92B

— BCCI (@BCCI) August 14, 2024

ইংলেণ্ডে বান্ধি দিয়া ৪০৮ ৰানক লক্ষ্য কৰি ১৭ বছৰীয়া শচীন তেণ্ডুলকাৰে সেই খেলখনত ২২৫ মিনিট বেটিং কৰি মেচখন ড্ৰ কৰে। তেওঁ ১৮৯টা বলত ১১৯ ৰান সংগ্ৰহ কৰিছিল আৰু শেষলৈকে অপৰাজিত আছিল। অৰ্থাৎ মেচখন ড্ৰ নোহোৱালৈকে। ভাৰতে যেতিয়ালৈ পৰাজয় হৈ আছিল, যুৱ শচীন তেণ্ডুলকাৰেও খেলপথাৰ এৰি যোৱা নাছিল।

যিহেতু ১৯৯০ চনৰ ১৪ আগষ্টত ইংলেণ্ডৰ ওপৰত শচীনৰ আকৰ্ষণীয় খেলৰ এই ঐতিহাসিক ঘটনাটো সংঘটিত হৈছিল। সেয়েহে পাকিস্তানৰ স্বাধীনতা দিৱসো শচীন তেণ্ডুলকাৰৰ বাবে বিশেষ হৈ পৰে। তেওঁ এই দিনটো কেতিয়াও পাহৰিব নোৱাৰে।