Jwala Gutta: জ্বালা গুট্টাই দান কৰিলে ৩০ লিটাৰ মাতৃদুগ্ধ, এই পদক্ষেপৰ আঁৰৰ কাৰণ জানি হ’ব আচৰিত!

ভাৰতৰ বিখ্যাত বেডমিণ্টন খেলুৱৈ জ্বালা গুট্টাই আৰম্ভ কৰিছে এক প্ৰশংসনীয় পদক্ষেপ। শেহতীয়াকৈ মাতৃ হোৱা জৱালা জ্বালা গুট্টাই প্ৰতিদিনে ৬০০ মিলিলিটাৰ গাখীৰ চৰকাৰী চিকিৎসালয়ত দি আহিছে। বেডমিণ্টন ক’ৰ্টত দেশৰ হৈ বহু পদক লাভ কৰা জ্বালাই এতিয়া কণ কণ শিশুৰ জীৱন ৰক্ষা কৰিছে। মাতৃ নথকা সেই নৱজাত শিশুক সহায় কৰিবলৈ জ্বালা গুট্টাই আগবাঢ়ি আহিছে। খবৰ অনুসৰি এতিয়ালৈকে ৩০ লিটাৰ মাতৃদুগ্ধ দান কৰিছে। যোৱা চাৰিমাহ ধৰি তেওঁ শিশুৰ বাবে প্ৰতিদিনে এই কাম কৰি আছে।

জ্বালা গুট্টাৰ দান

শেহতীয়াকৈ জ্বালা গুট্টা মাতৃ হৈছে। ২০২১ চনৰ ২২ এপ্ৰিলত অভিনেতা বিষ্ণু বিনোদৰ সৈতে বিবাহপাশত আবদ্ধ হয় আৰু চাৰি বছৰৰ মূৰত মাতৃ হয়। তেওঁ নিজৰ কেঁচুৱাক খুৱাই আৰু বাকী থকা গাখীৰ দান কৰে। ভাৰতত প্ৰথমবাৰৰ বাবে এজন খেলুৱৈয়ে এনে পদক্ষেপ গ্ৰহণ কৰিছে, যিটো সঁচাকৈয়ে প্ৰেৰণাদায়ক।

মাতৃৰ দুগ্ধ সন্তানৰ বাবে অমৃতৰ দৰে। মাতৃৰ গাখীৰত শিশুৰ বিকাশৰ বাবে প্ৰয়োজনীয় সকলো পুষ্টিকৰ উপাদান থাকে। ইয়াৰ ফলত শিশুৰ এলাৰ্জী, হাঁপানী আৰু মেদবহুলতাৰ সম্ভাৱনা হ্ৰাস পায়।