Asia Cup 2025: UAEৰ বিৰুদ্ধে খেলৰ মাজতে পাকিস্তানী উইকেটকীপাৰৰ আজৱ কাণ্ড! মূৰত বল লাগি আহত আম্পায়াৰ…
লগে লগে পাকিস্তানী দলৰ ফিজিঅ’ খেলপথাৰলৈ আহি আম্পায়াৰৰ মূল্যায়ন আৰম্ভ কৰে। ইয়াৰ পিছতে তেওঁ আম্পায়াৰ ৰুচিৰাক কনকাচন টেষ্ট কৰে যদিও বিষৰ বাবে তেওঁ আম্পায়াৰ অব্যাহত ৰাখিব পৰা নাছিল। লগে লগে তেওঁক খেলপথাৰৰ পৰা উলিয়াই আনি তেওঁৰ ঠাইত চতুৰ্থ আম্পায়াৰ গাজী সোহেইলক নিযুক্তি দিয়া হয়।
২০২৫ চনৰ এছিয়া কাপত পাকিস্তানী দল আৰু মেচ অফিচিয়েলৰ মাজত বহু অনাকাংশিত ঘটনা সংঘটিত হৈছে।পাকিস্তান ক্ৰিকেট ব’ৰ্ডে উত্তেজনাময় পৰিস্থিতিৰ সৃষ্টি কৰাৰ লগতে এছিয়া কাপ বৰ্জনৰ ভাবুকি প্ৰদান কৰি মেচ ৰেফাৰী এণ্ডি পাইক্ৰফ্টক প্ৰতিযোগিতাখনৰ পৰা অপসাৰণ কৰাৰ দাবী জনায়। কিন্তু তেওঁলোকৰ সকলো প্ৰচেষ্টা বিফল হ’ল। এইবাৰ খেলৰ সময়ত পাকিস্তানী খেলুৱৈৰ কাণ্ডৰ ফলত আঘাতপ্ৰাপ্ত হয় এগৰাকী আম্পায়াৰ।
ইউ এ ইৰ বিৰুদ্ধে গ্ৰুপ পৰ্যায়ৰ অন্তিমখন খেলক লৈ পাকিস্তানী দলটোৱে যথেষ্ট হুলস্থুলৰ সৃষ্টি কৰিছিল। ভাৰতৰ বিৰুদ্ধে খেলৰ সময়ত কৰমৰ্দন নকৰা ঘটনাক লৈ বিতৰ্কৰ সৃষ্টি হোৱা পাকিস্তানী ব’ৰ্ডে মেচ ৰেফাৰী এণ্ডি পাইক্ৰফ্টক প্ৰতিযোগিতাখনৰ পৰা অপসাৰণ কৰাৰ দাবী জনাইছিল। কেইবাবাৰো চেষ্টা কৰিও যেতিয়া তেওঁৰ দাবী পূৰণ নহ’ল, তেতিয়া তেওঁ ইউ এ ইৰ বিৰুদ্ধে খেলখন এঘণ্টা পলম কৰি আন পথৰ অনুসন্ধান চলায়।
অৱশেষত মেচখন আৰম্ভ হ’ল। আকৌ এবাৰ বিফল হ’ল পাকিস্তানী বেটিং। কিন্তু যেতিয়া দলটো খেলপথাৰলৈ আহিল, তেতিয়া এনেকুৱা এটা ঘটনা সংঘটিত হ’ল যাৰ বাবে যেন কিছুসময়ৰ বাবে সকলোৰে উশাহ বন্ধ হৈ পৰিছিল। এইটো ঘটিছিল আফগানিস্তানৰ ইনিংছৰ ষষ্ঠ অভাৰত। ছাইম আয়ুবৰ অভাৰৰ পঞ্চম বলত ধ্ৰুৱ পৰাশৰে মিডউইকেটৰ ফালে খেলিও ৰান ল’ব নোৱাৰিলে। ইয়াৰ পিছতে ফিল্ডাৰজনে বলটো উইকেটকীপাৰৰ ফালে দলিয়াই দিয়ে। কিন্তু সেই সময়তে মহম্মদ হেৰিছৰ এক কাণ্ডই সকলোৰে উত্তেজনাৰ সৃষ্টি কৰিছিল।
দৰাচলতে বলটো নিজৰ বলাৰলৈ পঠিয়াওতে হেৰিছে শ্ৰীলংকাৰ আম্পায়াৰ ৰুচিৰা পল্লিয়াগুৰুগেৰ মূৰত আঘাত কৰে। হেৰিছে লক্ষ্য কৰা নাছিল যে বলাৰজনে ইতিমধ্যে ঘূৰি গৈছে। গতিকে তেওঁ বলৰ প্ৰতি গুৰুত্ব দিয়া নাছিল। আম্পায়াৰ ৰুচিৰাইও বলৰ প্ৰতি গুৰুত্ব দিয়া নাছিল। হেৰিছে বলটো নোচোৱাকৈ নিক্ষেপ কৰাৰ ভুলৰ ফলত বলটোৱে আম্পায়াৰৰ মূৰত খুন্দা মাৰে।
A Pakistani fielder hit the umpire on the head with the ball and Wasim Akram said “What a throw bull’s eye.”
This is the mentality of every Pakistani. Disgusting.pic.twitter.com/Ud3Knt4oii
— ADITYA 🇮🇹 (@Wxtreme10) September 17, 2025
আম্পায়াৰক সলনি কৰিবলগীয়া হৈছিল
লগে লগে পাকিস্তানী দলৰ ফিজিঅ’ খেলপথাৰলৈ আহি আম্পায়াৰৰ মূল্যায়ন আৰম্ভ কৰে। ইয়াৰ পিছতে তেওঁ আম্পায়াৰ ৰুচিৰাক কনকাচন টেষ্ট কৰে যদিও বিষৰ বাবে তেওঁ আম্পায়াৰ অব্যাহত ৰাখিব পৰা নাছিল। লগে লগে তেওঁক খেলপথাৰৰ পৰা উলিয়াই আনি তেওঁৰ ঠাইত চতুৰ্থ আম্পায়াৰ গাজী সোহেইলক নিযুক্তি দিয়া হয়। অৱশ্যে হেৰিছে নিজৰ ভুল স্বীকাৰ কৰি পোনে পোনে আম্পায়াৰ ৰুচিৰাৰ ওচৰলৈ গৈ ক্ষমা বিচাৰিলে।
