Asia Cup 2025 : প্ৰথমে সহজ জয়, নকৰিলে কৰমৰ্দন, যুদ্ধক্ষেত্ৰৰ পিছত খেলপথাৰত পাকিস্তানক প্ৰত্যুত্তৰ ভাৰতৰ…

ভাৰত আৰু পাকিস্তানৰ মাজত এছিয়া কাপ ২০২৫ৰ খেলখন সকলোৱে আশা কৰা ধৰণেৰে অন্ত পৰে। দুয়োখন দেশৰ মাজত উত্তেজনা আৰু প্ৰতিবাদৰ কণ্ঠৰ মাজতে ডুবাইত অনুষ্ঠিত এই মেচখন ভাৰতীয় দলে পাকিস্তানক প্ৰতিটো ফ্ৰণ্টতে লজ্জিত কৰিছিল। ভাৰতে কেৱল সামৰ্থ্যৰ ফালৰ পৰা পাকিস্তানী দলটোক বেয়াকৈ পৰাস্ত কৰাই নহয়, ইয়াৰ পিছত ভাৰতীয় অধিনায়ক সূৰ্যকুমাৰ যাদৱকে ধৰি সমগ্ৰ দলটোৱে পাকিস্তানী খেলুৱৈসকলৰ লগত কৰমৰ্দন পাকিস্তানী খেলুৱৈসকলক পাঠ শিকাইছিল, আনহাতে পাকিস্তানী দলটোৱে অপেক্ষা কৰি থাকিল।

১৪ ছেপ্টেম্বৰ দেওবাৰে ডুবাই আন্তঃৰাষ্ট্ৰীয় ষ্টেডিয়ামত অনুষ্ঠিত হোৱা এই খেলখনত টীম ইণ্ডিয়াই পাকিস্তানক ৭ উইকেটত পৰাস্ত কৰে। খেলৰ অন্তত অধিনায়ক সূৰ্যকুমাৰ যাদৱ আৰু শিৱম ডুবে পোনে পোনে ড্ৰেছিং ৰুমলৈ উভতি যায়। সাধাৰণতে যিকোনো মেচ শেষ হোৱাৰ পিছত দুয়োটা দলৰ খেলুৱৈয়ে কৰমৰ্দন কৰে, কিন্তু ভাৰত আৰু পাকিস্তানৰ মাজত বৰ্তমানৰ সম্পৰ্ক আৰু এই মেচক লৈ হোৱা হুলস্থুলৰ মাজতে ভাৰতীয় দলটোৱে পাকিস্তানৰ সৈতে এনে কোনো পৰম্পৰা পালন কৰিবলৈ স্পষ্টভাৱে অস্বীকাৰ কৰিছিল।

কেৱল এয়াই নহয়, সাধাৰণতে যিকোনো খেল শেষ হোৱাৰ পিছত ড্ৰেছিং ৰুমত বহি থকা বা ডগ আউটৰ সকলো খেলুৱৈ আৰু প্ৰশিক্ষ-কৰ্মচাৰীয়েও খেলপথাৰলৈ আহি আনটো দলৰ খেলুৱৈ আৰু কৰ্মচাৰীৰ লগত হাত মিলাই। কিন্তু এইবাৰ সেই দৃশ্য দেখা নগ’ল। পাকিস্তানী প্ৰশিক্ষক মাইক হেছনকে ধৰি সমগ্ৰ দলটোৱে খেলপথাৰত শাৰী পাতি ভাৰতীয় দলটোৱে হাত মিলাবলৈ অপেক্ষা কৰিছিল যদিও প্ৰশিক্ষক গৌতম গম্ভীৰ আৰু সহায়ক কৰ্মচাৰীকে ধৰি সমগ্ৰ দলটোৱে ডগ আউটৰ পৰা উঠি পোনে পোনে ড্ৰেছিং ৰুমলৈ উভতি গৈছিল আৰু লগতে যোৱাৰ সময়ত দুৱাৰখনো বন্ধ কৰি দিছিল।

এই পদক্ষেপ্ সমগ্ৰ ভাৰতীয় দলটোৱে পাকিস্তানক লজ্জিত কৰাই নহয়, খেলপথাৰত তেওঁলোকৰ সৈতে ক্ৰিকেট খেলিবলৈ সাজু হ’লেও,  সাধাৰণ ভাৰতীয় নাগৰিকৰ দৰে টীম ইণ্ডিয়াৰ খেলুৱৈসকলেও পাকিস্তানৰ কু-কৰ্ম পাহৰি যোৱা নাই বুলি এক শক্তিশালী বাৰ্তা দিয়ে।

ইয়াৰ পূৰ্বে সূৰ্যই টছৰ সময়ত পাকিস্তানী অধিনায়ক ছলমান আগাৰ সৈতে হাত মিলোৱা নাছিল। খেলৰ অন্তত এই বিষয়ত সংবাদমেলত সূৰ্যকুমাৰ যাদৱে কয় যে চৰকাৰ, বি চি চি আই আৰু দলৰ চিন্তাধাৰা একে আৰু গোটেই দলটোৱে একেলগে এই সিদ্ধান্ত লৈছিল। সূৰ্যই আৰু কয় যে তেওঁৰ দলটোৱে ইয়ালৈ খেলিবলৈ আহিছে আৰু ইয়াৰ সৈতে তেওঁলোকে পাকিস্তানক উপযুক্ত উত্তৰ দিলে। কেৱল এয়াই নহয়, উপস্থাপনৰ সময়ত সূৰ্যই পহলগাম সন্ত্ৰাসবাদী আক্ৰমণৰ বলি হোৱা লোকসকলক স্মৰণ কৰি এই বিজয় ভাৰতীয় সেনাৰ নাম উৎসৰ্গা কৰি দেশৰ মুখত হাঁহি বিৰিঙাবলৈ চেষ্টা কৰি যাব বুলিও কয়।