অম্বুবাচী মেলা: জানক মা কামাখ্যা আৰু তন্ত্ৰ-মন্ত্ৰৰ মহত্ব, প্ৰাসংগিকতাৰ বিষয়ে…

কামাখ্যা দেৱী মন্দিৰ দেৱী সতীৰ ৫১ টা শক্তি পীঠৰ ভিতৰত অন্যতম। এই মন্দিৰত প্ৰতি বছৰে চাৰিদিনীয়া মেলাৰ আয়োজন কৰা হয়, য’ত দেশৰ বিভিন্ন প্ৰান্তৰ ভক্তসকলে অংশগ্ৰহণ কৰে। অসমৰ গুৱাহাটীৰ ব্ৰহ্মপুত্ৰ নদীৰ পাৰৰ নীলাচল পাহৰত অৱস্থিত বিখ্যাত কামাখ্যা মন্দিৰত অনুষ্ঠিত হয় এই বিশাল মেলা। য’ত সমাগম হয় অগণন ভক্তৰ। কামাখ্যা দেৱীক লৈ বহুতো বিশ্বাস আছে। এই ঠাইতে মাতৃ সতীৰ যোনিৰ এটা অংশ পৰিছিল বুলি বিশ্বাস কৰা হয়। কামাখ্যা মন্দিৰত সতী দেৱীক যোনি ৰূপত পূজা কৰা হয়।

অম্বুবাচী মেলা হৈছে হিন্দু ধৰ্মৰ লোকসকলে অম্বুবাচীৰ সময়ত সংগতি ৰাখি শক্তিপূজাৰ স্থান সমূহ আদিত আয়োজন কৰা এক উৎসৱ। অসমৰ গুৱাহাটীৰ কামাখ্যা মন্দিৰত যথেষ্ট আড়ম্বৰপূৰ্ণভাবে অম্বুবাচীৰ সময়ত অম্বুবাচী মেলাৰ আয়োজন কৰা হয়। জনবিশ্বাস মতে আহাৰ মাহত মৃগ শিৰা নক্ষত্ৰৰ তিনি পদ শেষ হ’লে চতুৰ্থ পাদৰপৰা আৰম্ভ কৰি আদ্যা নক্ষত্ৰৰ প্ৰথম পাদৰ ভিতৰত পৃথিৱী বা মা ধৰিত্ৰী ঋতুমতী হয়। এই সময়ত সেয়ে হিন্দুসকলে অম্বুবাচী পালন কৰে।

এইবাৰ ২২ জুনৰ পৰা ২৬ জুনলৈ কামাখ্যা ধামত মহা অম্বুবাচী মেলাৰ আয়োজন কৰা হৈছে।  এইবাৰ ২২ জুনৰ দুপৰীয়া ২.৫৬ মিনিটত অম্বুবাচীৰ প্ৰবৃত্তি। আনহাতে ২৬ জুনৰ পুৱতি নিশা ৩ বজাত অম্বুবাচীৰ নিবৃত্তি। ইতিমধ্যে অম্বুবাচী মেলাৰ পূৰ্বে আগমন ঘটিছে সাধু-সন্যাসীৰ। অসম চৰকাৰে ঘোষণা কৰা নিৰ্দেশনা অনুসৰি দৰ্শনাৰ্থীসকলে মন্দিৰ চৌহদৰ ভিতৰত জোতা-চেণ্ডেল পৰিধান কৰিব নোৱাৰিব, লগতে পৰিস্কাৰ-পৰিচ্ছন্নতা বজাই ৰাখিবলৈ অনুৰোধ জনোৱা হৈছে।

অম্বুবাচী মেলাক তান্ত্ৰিক বিদ্যাৰ বাবে বিশেষ সময় বুলি কোৱা হয়। মহামভুবাচী মেলাত অংশগ্ৰহণ কৰিবলৈ দেশৰ বিভিন্ন প্ৰান্তৰ পৰা বৃহৎ সংখ্যক তান্ত্ৰিক আহে। কামাখ্যা মন্দিৰক তান্ত্ৰিক শক্তিৰ কেন্দ্ৰ হিচাপে গণ্য কৰা হয়। সাধু-সন্তসকলেও ইয়ালৈ আধ্যাত্মিক কাম-কাজ কৰিবলৈ আহে। তান্ত্ৰিকসকলৰ বাবে অম্বুবাচীৰ সময় অতি গুৰুত্বপূৰ্ণ। দেশ বিদেশৰ তান্ত্ৰিক সাধু সকলক আকৰ্ষণ কৰাৰ বাবে বিশেষভাৱে বিখ্যাত কামাখ্যাৰ অম্বুবাচী মেলা। এই মেলাৰ সময়তে দেশৰ ওপৰি বিশ্বৰ ভিন্ন প্ৰান্তৰ পৰা সাধু-সন্ন্যাসীসকলে হৈ পৰে আকৰ্ষণৰ মূল কেন্দ্ৰবিন্দূ কামাখ্যা মন্দিৰত উপস্থিত হয় আৰু ভক্তসকলে বিৰল তান্ত্ৰিক অনুষ্ঠানৰ সাক্ষী হয়।

ভাৰতৰ শ্ৰেষ্ঠ তান্ত্ৰিকৰ মতে “অম্বুবাচী”ৰ আক্ষৰিক অৰ্থ হৈছে “পানীৰ লগত কথা কোৱা”, আৰু ইয়াৰ দ্বাৰা এই মাহত হোৱা বৰষুণৰ বাবে মাটি উৰ্বৰ আৰু প্ৰজননৰ বাবে সাজু হোৱাটোও বুজা যায়। এই সময়ছোৱাত দৈনিক পূজা নহয়। এই নিয়ম অনুসৰি খন্দা, হাল বোৱা, ৰোপণ আৰু শস্য ৰোপণকে ধৰি সকলো কৃষি কৰ্ম নিষিদ্ধ। এই দিনবোৰত বিধৱা, বৈবাহিক আৰু ব্ৰাহ্মণসকলে ৰন্ধা খাদ্য খোৱাৰ পৰা বিৰত থাকে। চতুৰ্থ দিনা অম্বুবাচী শেষ হোৱাৰ পিছত ভক্তসকলে পবিত্ৰ পানী ছটিয়াই ঘৰৰ সামগ্ৰী, বাচন-বৰ্তন, কাপোৰ ধোৱা, পৰিষ্কাৰ আৰু পবিত্ৰ কৰে। এই সময় মন্দিৰত প্ৰৱেশৰ শুভ সময়।

অম্বুবাচীৰ প্ৰবৃত্তিৰ লগে লগে কামাখ্যা ধামৰ দুৱাৰ বন্ধ ৰখা হয়। সেইকেইদিন দেৱী দৰ্শন নিষিদ্ধ কৰি ৰখা হয় ৷  ভাৰতৰ ভিন্ন প্ৰান্তৰ পৰা অহা (আজিকালি বিদেশৰ পৰাও আহে)লাখ লাখ ভক্তই তিনিওদিন কামাখ্যা মন্দিৰৰ চৌপাশে থাকি নাম-কীৰ্তন কৰে৷ মন্দিৰৰ বাহিৰতে ধূপ-দীপ জ্বলাই দেৱীক প্ৰণাম জনায় ৷  চতুৰ্থ দিনত মন্দিৰ খোলাৰ লগে লগে দেৱীৰ স্নান, পূজা, প্ৰভৃতি সমাপন হোৱাৰ পৰাহে দৰ্শকে দেৱীক দৰ্শন কৰিব পাৰে ৷