গ্ৰীষ্মকালত দৈৰ সৈতে ভুলতেও নাখাব এই সামগ্ৰী, আপোনাৰ স্বাস্থ্যৰ অৱনতি ঘটিব পাৰে

দৈ গুণৰ ভঁৰাল কিন্তু ইয়াৰ পিছতো ইয়াক কিছুমান বস্তুৰ সৈতে খালে নিশ্চিতভাৱে আপোনাৰ ক্ষতি হ’ব পাৰে। আপুনি জানেনে কোনবোৰ বস্তুৰ লগত দৈ খাব নালাগে?

দৈৰ লগত গুড় নাখাব

যদি আপুনি দৈ মিহলাই গুড় খায়, তেন্তে আজি নিজেই দুয়োটা একেলগে খোৱা বন্ধ কৰিব লাগে। দৈ মিহলি গুড় খালে আপোনাৰ ওজন দ্ৰুতগতিত বৃদ্ধি পাব পাৰে। গুড় আৰু দৈৰ প্ৰকৃতি ইটোৱে সিটোৰ পৰা পৃথক। এফালে গুড় গৰম প্ৰকৃতিৰ হ’লেও দৈ ঠাণ্ডা প্ৰকৃতিৰ। এই দুটা একেলগে সেৱন কৰিলে কাহ, চৰ্দি, জ্বৰ আৰু মূৰৰ বিষ হব পাৰে।

এৱা গাখীৰ আৰু দৈ

গাখীৰ কেতিয়াও দৈৰ লগত মিহলাই খাব নালাগে। এনে কৰিলে আপুনি পেটৰ বিষৰ লগতে আন বহুতো পাচনতন্ত্ৰৰ সমস্যাও ভুগিব পাৰে।

দৈ আৰু চাহ

দৈ আৰু চাহ দুয়োটাৰে বিপৰীত প্ৰভাৱ থাকে, এই সংমিশ্ৰণে আপোনাৰ বিপাকীয় ক্ৰিয়া লেহেমীয়া কৰিব পাৰে। কেৱল এয়াই নহয়, আপোনাৰ পাচনতন্ত্ৰও ইয়াৰ দ্বাৰা প্ৰভাৱিত হয়।

দৈ আৰু আম

কিছুমানলোকে আমৰ চেকৰ লগত দৈ ব্যৱহাৰ কৰে। আচলতে এনিমেল প্ৰ’টিন দৈত পোৱা যায় যিয়ে যিকোনো ফলৰ লগত মিহলি হোৱাৰ পিছত শৰীৰত বদহজম, এচিডিটি আদি বহু সমস্যাৰ সৃষ্টি কৰিব পাৰে।

দৈ আৰু পিঁয়াজ

পিয়াঁজৰ পৰা তৈয়াৰী কোনো বস্তুৰ লগত কেতিয়াও দৈ ব্যৱহাৰ কৰিব নালাগে। বহুতে পিঁয়াজ কাটি ৰাইতাত মিহলাই লয়। পিঁয়াজ প্ৰকৃতিত গৰম হোৱাৰ বিপৰীতে ৰাইতা প্ৰকৃতিত ঠাণ্ডা। এই দুটা একেলগে খালে মুখত পিম্পল, ছালৰ বিষ, আনকি এলাৰ্জীৰ সমস্যাও হ’ব পাৰে।