শীতকালৰ পুৱা কিয় বাঢ়ে হাৰ্ট এটেক অহাৰ আশংকা? এনেদৰে লওক হৃদযন্ত্ৰৰ যত্ন…

পৰিসংখ্যা অনুসৰি শীতকালত বিশেষকৈ পুৱা হাৰ্ট এটেকৰ ৰোগী ২০-৩০% বৃদ্ধি পায়। এই ঋতুত কিয় এনেকুৱা হয় আৰু কেনেকৈ হৃদযন্ত্ৰৰ যত্ন লব লাগে জানো আহক।

শীতকালত হাৰ্ট এটেক বৃদ্ধি হোৱাৰ কাৰণবোৰ কি কি?

• ৰক্তবাহী নলী সংকোচন – ঠাণ্ডাৰ ফলত ধমনী সংকুচিত হয়, যাৰ ফলত ৰক্তচাপ বৃদ্ধি পায় আৰু হৃদযন্ত্ৰৰ ওপৰত অতিৰিক্ত টান পৰে।
• উচ্চ ৰক্তচাপ – ঠাণ্ডাত শৰীৰক গৰম কৰি ৰাখিবলৈ হৃদযন্ত্ৰই অধিক কষ্ট কৰিব লগা হয়, যাৰ ফলত ৰক্তচাপ বৃদ্ধি হোৱাৰ সম্ভাৱনা বৃদ্ধি পায়।
• বায়ু প্ৰদূষণ – শীতকালত প্ৰদূষণৰ মাত্ৰা বৃদ্ধি পায়, যিটো উশাহ-নিশাহ আৰু হৃদযন্ত্ৰ দুয়োটাৰে বাবে ক্ষতিকাৰক।
• শাৰীৰিক ক্ৰিয়া-কলাপ হ্ৰাস – ঠাণ্ডাৰ বাবে মানুহে ব্যায়াম আৰু শাৰীৰিক ক্ৰিয়া-কলাপ কমি যায়, যাৰ ফলত হৃদযন্ত্ৰৰ স্বাস্থ্যৰ ওপৰত প্ৰভাৱ পৰে।
• অতিমাত্ৰা খাদ্যাভ্যাস – এই ঋতুত উচ্চ চৰ্বিযুক্ত আৰু চেনিযুক্ত খাদ্য খালে কলেষ্টেৰলৰ সম্ভাৱনা বৃদ্ধি পায়।

শীতকালত নিজৰ হৃদয়ৰ যত্ন কেনেকৈ ল’ব?

• শৰীৰটো গৰম কৰি ৰাখক – ঠাণ্ডাৰ পৰা নিজকে ৰক্ষা কৰক। বিশেষকৈ মূৰ, কাণ, হাত ঢাকি গৰম কাপোৰ পিন্ধক।
• নিয়মিত ব্যায়াম – দৈনিক কমেও ৩০ মিনিট ঘৰৰ ভিতৰত ব্যায়াম কৰক। যোগ, প্ৰাণায়াম, আৰু ষ্ট্ৰেচিং লাভজনক হ’ব।
• স্বাস্থ্যসন্মত খাদ্য – লঘু, উষ্ণ, আৰু পুষ্টিকৰ খাদ্য খাব লাগে। সেউজীয়া শাক-পাচলি, বতৰৰ ফল-মূল, আদা, নহৰু, হালধি আদি উপকাৰী। গধুৰ, ভজা খাদ্য আৰু অতিৰিক্ত নিমখ পৰিহাৰ কৰক।
• সূৰ্যৰ পোহৰ – দুপৰীয়াৰ ৰ’দত কমেও ১৫-২০ মিনিট সময় কটাব লাগে যাতে আপোনাৰ শৰীৰে পৰ্যাপ্ত পৰিমাণৰ ভিটামিন ডি লাভ কৰে।
• ঔষধ এৰিব নালাগে – হৃদৰোগীয়ে নিয়মিতভাৱে ঔষধ সেৱন কৰিব লাগে আৰু চিকিৎসকৰ সৈতে যোগাযোগত থাকিব লাগে।
• মানসিক চাপ ব্যৱস্থাপনা – প্ৰচুৰ টোপনি লওক, ধ্যান কৰক, আৰু প্ৰিয় কাৰ্য্যকলাপৰ বাবে সময় উলিয়াওক।
• লক্ষণসমূহ নিৰীক্ষণ কৰক – যদি আপুনি বুকুৰ বিষ, উশাহ লোৱাত কষ্ট, হঠাতে মূৰ ঘূৰোৱা, বা ভাগৰুৱা হোৱা আদি লক্ষণ অনুভৱ কৰে, তেন্তে লগে লগে চিকিৎসকৰ পৰামৰ্শ লওক।
• ধূমপান আৰু মদ্যপানৰ পৰা আঁতৰি থাকক – এইবোৰে হৃদৰোগৰ সম্ভাৱনা বৃদ্ধি কৰে, গতিকে ইয়াক পৰিহাৰ কৰক।
  পৰ্যাপ্ত পৰিমাণে পানী খাওক – শীতকালত পিয়াহ কম হয়, কিন্তু শৰীৰত জলসিঞ্চিত কৰি ৰাখিবলৈ পানীৰ খাই থাকিব।

লগতে পঢ়ক: লিভাৰ দুৰ্বল হোৱাৰ আৰম্ভণিতে ছালত দেখা দিয়ে এইসমূহ লক্ষণ, জানক…