সপ্তাহৰ এই দিনটোত গাখীৰ উতলোৱাৰ সময়ত সাৱধান! বাগৰি পৰিলেই জীৱনলৈ নামিব পাৰে বিপদ

গাখীৰ এক অত্যন্ত পুষ্টিকৰ খাদ্য। সেয়া আমি সকলোৱে জানো। কেৱল পুষ্টিকৰ খাদ্য হিচাপেই নহয়, হিন্দু ধৰ্মৰ লগতে আন বহু ধৰ্মত গাখীৰক অতি পবিত্ৰ হিচাপে গণ্য কৰা হয়। হিন্দু ধৰ্মত গাখীৰ অবিহনে যিকোনো শুভ কামক অসম্পূৰ্ণ হিচাপে গণ্য কৰা হয়। বাস্তু শাস্ত্ৰয়ো গাখীৰ সন্দৰ্ভত বহু নীতি-নিয়মৰ কথা উল্লেখ কৰিছে। গাখীৰ উতলোৱা আৰু গাখীৰ জ্বলি যোৱা অৱস্থাক লৈ বাস্তু শাস্ত্ৰই কিছু বাখ্যা আগবঢ়াইছে। জানো আহক এই বিষয়ে।

বাস্তু শাস্ত্ৰৰ মতে, আমাৰ দৈনন্দিন জীৱনত ঘটা বিভিন্ন অত্যাৱশ্যকীয় ঘটনাৰ শুভ আৰু অশুভ প্ৰভাৱ পৰে। সপ্তাহৰ প্ৰতিটো দিনৰ বাবে বাস্তু শাস্ত্ৰই শুভ তথা অশুভ এনে কেইবাটাও বিধানৰ কথা উল্লেখ আছে। গাখীৰ উতলি বাগৰি পৰা বা জ্বলি যোৱাটো অত্যন্ত অশুভ বুলি সততে কোৱা হয়।

কিন্তু সপ্তাহৰ বুধবাৰে যদি বাৰে বাৰে গাখীৰ উতলি বাগৰি পৰে, তেতিয়া এয়া অত্যন্ত এক অশুভ লক্ষণ বুলি বাস্তু শাস্ত্ৰই উল্লেখ কৰিছে। বুধবাৰৰ দিনটোত এনে হ’লে দেৱী লক্ষ্মীয়ে ঘৰ এৰি যায় আৰু ইয়াৰ ফলত বৃহৎ আৰ্থিক লোকচানৰ আশংকা থাকে বুলি বাস্তু শাস্ত্ৰই কয়।

বাস্তু মতে, বুধবাৰে গাখীৰ উতলি বাগৰি পৰাটো দৰিদ্ৰতাৰ ইংগিত। একেদৰে গাখীৰ উতলি জ্বলিলেও ভাল লক্ষণ নহয়। বাস্তু শাস্ত্ৰত ইয়াক অশুভ চিন হিচাপে চিনাক্ত কৰা হৈছে। মাজে মাজে এনে ঘটনা সংঘটিত হ’লে কোনো সমস্যা নাই। কিন্তু যদি গাখীৰ বাৰে বাৰে উতলি বাগৰি পৰে বা জ্বলি যায়, তেতিয়া সাৱধান হোৱা উচিত।

ইফালে জ্যোতিষ মতে বুধবাৰে গাখীৰ জ্বলোৱাটো অতিশয় অশুভ। তেনে হ’লে চাকৰি বা ব্যৱসায়ত বৃহৎ লোকচানৰ সম্ভাৱনা আছে বুলি বিশ্বাস কৰা হয়। লগতে আৰ্থিক অগ্ৰগতি পথো ৰুদ্ধ হৈ পৰে। গতিকে বুধবাৰে গাখীৰ উতলোৱাৰ সময়ত বিশেষ সাৱধানতা অৱলম্বন কৰক।

এই দিনটোত ক্ষীৰ, পায়স বা গাখীৰ ভিত্তিক সামগ্ৰী নৰন্ধাই উচিত। কাৰণ এই সময়ত গাখীৰ জ্বলোৱাৰ সম্ভাৱনা বাঢ়ি যায়। ইফালে বাস্তুৱে বুধবাৰে লেনদেন বা ধন ঋণ লোৱাৰ পৰা বিৰত থাকিবলৈ উপদেশ দিয়ে। যদি পৰিস্থিতি অত্যন্ত অনুকূল হয়, তেতিয়া ভালদৰে বিবেচনা কৰিহে লেনদেন কৰিবলৈ বাস্তুৱে উপদেশ আগবঢ়াইছে।