Urine infection cause: মহিলাসকলৰ এই ৫টা অভ্যাস হ’ব পাৰে প্ৰস্ৰাৱ সংক্ৰমণৰ মূল কাৰণ! জানক সকলো…

প্ৰস্ৰাৱ সংক্ৰমণে বহুতকে অশান্তি দিয়ে। বিশেষকৈ মহিলাসকলে ইয়াৰ দ্বাৰা ডাঙৰ সমস্যাৰ সন্মুখীন হয়। প্ৰস্ৰাৱ সংক্ৰমণ লগতে ইয়াক প্ৰস্ৰাৱ নলীৰ সংক্ৰমণ বুলিও কোৱা হয়। ইয়াৰ ফলত মূত্ৰনলীত প্ৰভাৱ পৰে। বিশেষজ্ঞসকলৰ মতে, বেক্টেৰিয়া বা অন্য সংক্ৰমণৰ বাবে এই সমস্যা হ’ব পাৰে। গতিকে সময়মতে ইয়াৰ ওপৰত ব্যৱস্থা গ্ৰহণ কৰিব লাগে।

যদি প্ৰস্ৰাৱ সংক্ৰমণৰ সময়মতে চিকিৎসা কৰা নহয় তেন্তে ই বহু ৰোগৰ সৃষ্টি কৰিব পাৰে। যেতিয়া প্ৰস্ৰাৱ সংক্ৰমণ হয় তেতিয়া কিছুমান লক্ষণে দেখা দিয়ে। তাৰ ভিতৰত প্ৰস্ৰাৱ জলা-পোৰা তলপেটৰ বিষ, খজুৱতি আৰু প্ৰস্ৰাৱৰ ৰং সলনি আদি। গৰ্ভৱতী মহিলাসকলে ইয়াৰ ক্ষেত্ৰত বিশেষ গুৰুত্ব দিব লাগে। কোৱা হয়, গৰ্ভৱতী মহিলাৰ কোনো ভুলৰ প্ৰভাৱ শিশুটিৰ ওপৰত পৰিব পাৰে।

মহিলাসকলে কিছুমান ভুল কৰে যি প্ৰস্ৰাৱ সংক্ৰমণৰ কাৰণ হৈ পৰে। কিন্তু বহুতে ইয়াৰ বিষয়ে নাজানে। গতিকে এই দিশসমূহৰ বিষয়ে জানি এনে কামসমূহৰ পৰা আঁতৰি থকা ভাল। প্ৰস্ৰাৱ সংক্ৰমণ কৰিব পৰা মহিলাৰ কেইটামান অভ্যাস তলত উল্লেখ কৰা হ’ল-

পানীঃ সুস্থ হৈ থাকিবলৈ প্ৰতিদিনে পৰ্যাপ্ত পৰিমাণৰ পানী খাব লাগে। কিন্তু বহু লোকৰ কম পানী খোৱাৰ অভ্যাস আছে। যদি কোনো মহিলাই কমকৈ পানী খাই তেওঁলোকৰ এই সংক্ৰমণৰ সম্ভাৱনা বৃদ্ধি পায়। পানী কমকৈ খোৱাৰ ফলত মূত্ৰাশয় প্ৰভাৱিত হয়। যাৰ ফলত প্ৰস্ৰাৱ সংক্ৰমণ কৰিব পাৰে। ই বৃক্কৰ সমস্যাও কৰিব পাৰে।

কাপোৰঃ বহু সময়ত কিছুমান মহিলাই আণ্ডাৰৱেৰ সলনি নকৰে। বিশেষজ্ঞসকলৰ মতে, এটা আণ্ডাৰৱেৰ দীৰ্ঘসময় পৰিধান কৰি থকা প্ৰস্ৰাৱ সংক্ৰমণৰ কাৰণ হ’ব পাৰে। কিয়নো এটা আণ্ডাৰৱেৰ বেছিসময় পৰিধান কৰি থাকিলে বেক্টেৰিয়া জমা হয় যাৰ ফলত সমস্যা হব পাৰে। গতিকে প্ৰতিদিনে কাপোৰ সলনি কৰিব লাগে।

প্ৰস্ৰাৱ ধৰি ৰখাঃ বহু সময়ত কিছুমান মহিলাই বিভিন্ন কাৰণত প্ৰস্ৰাৱ ধৰি ৰাথে। প্ৰস্ৰাৱ ধৰি ৰখা মহিলা আৰু পুৰুষৰ কাৰো বাবেই ভাল নহয়। এনে পৰিস্থিতি প্ৰস্ৰাৱ সংক্ৰমণ হব পাৰে। ইয়াৰোপৰি ই বৃক্কৰ সমস্যা সৃষ্টি কৰিব পাৰে।

পাব্লিক টয়লেটঃ ৰাজহুৱা শৌচাগাৰ ব্যৱহাৰ কৰাটোও প্ৰস্ৰাৱৰ সংক্ৰমণৰ কাৰণ হ’ব পাৰে। এনে শৌচাগাৰসমূহ পৰিস্কাৰ নাথাকে, বা মানুহে সঠিকভাৱে ব্যৱহাৰ নকৰে। যাৰ প্ৰভাৱ আপোনাৰ শৰীৰত পৰিব পাৰে। গতিকে বিশেষ কোনো প্ৰয়োজন নহ’লে ৰাজহুৱা শৌচাগাৰ ব্যৱহাৰ কৰাৰ পৰা আঁতৰি থাকিব লাগে।

পৰিস্কাৰঃ ইয়াৰোপৰি সুস্থ শৰীৰৰ বাবে সদায় পৰিস্কাৰকৈ থকা প্ৰয়োজন। বহু সময়ত কিছুমান মহিলাই গুপ্তাংগৰ ভালদৰে যত্ন লোৱা দেখা নাযায়। যাৰ ফলত এই সমস্যা হ’ব পাৰে।

অন্য খবৰ পঢ়কঃ তীব্ৰ পেটৰ বিষ, বমি…পিত্তথলীৰ কৰ্কট ৰোগৰ লক্ষণ, কাৰণসমূহ কি কি জানক…