Travel Guide: কম মূল্যতে ঋষিকেশ আৰু বদ্ৰীনাথ ধাম কৰক দৰ্শন, মাত্ৰ এইদৰে কৰক পৰিকল্পনা

বৰ্তমান শীতৰ বাবে বদ্ৰীনাথ ধামৰ মূল দ্বাৰ বন্ধ হৈ আছে। বসন্ত পঞ্চমীৰ পিছত কেতিয়া এই দ্বাৰ মুকলি হ’ব সেই বিষয়ে জনাব। জগন্নাথ, ৰামেশ্বৰম, দ্বাৰকা, আৰু বদ্ৰীনাথ ভাৰতৰ চাৰি ধাম। এই ধাম দৰ্শন কৰিলে জীৱনৰ সকলো দুখ দূৰ হয় বুলি বিশ্বাস কৰা হয়। যদি আপুনি গুৱাহাটীৰ পৰা তীৰ্থ ভ্ৰমণ কৰিবলৈ যাম বুলি ভাবিছে, তেন্তে উত্তৰাখণ্ডৰ বদ্ৰীনাথ ধাম আৰু ঋষিকেশ একেলগে কম মূল্যত দৰ্শন কৰিব পাৰিব। মাথোঁ আপুনি সঠিক পৰিকল্পনা কৰিব জানিব লাগিব। আজি সেই বিষয়ে এই লেখাটোত উল্লেখ কৰিম…

যদি আপুনি কম মূল্যত বদ্ৰীনাথ আৰু ঋষিকেশ ভ্ৰমণৰ কথা ভাবিছে তেন্তে গুৱাহাটীৰ পৰা ৰে’লেৰে প্ৰথম হৰিদ্বাৰ বা ঋষিকেশলৈ যাওক। ভাৰতৰ উত্তৰাখণ্ড ৰাজ্যৰ গংগা নদীৰ পাৰত অৱস্থিত এখন সুন্দৰ আৰু বিখ্যাত চহৰ ঋষিকেশ। ই আধ্যাত্মিকতা, দুঃসাহসিক ক্ৰীড়া, প্ৰাকৃতিক সৌন্দৰ্য্যৰ বাবে জনাজাত।

আপুনি প্ৰতি নিশা ৫০০ৰ পৰা ১৫০০ টকাত হোষ্টেল, বা গেষ্ট হাউছত থাকিব পাৰে। তাত নিৰামিষ খাদ্য খোৱাটো আপোনাৰ বাবে অন্যতম শ্ৰেষ্ঠ সিদ্ধান্ত। প্ৰথম দিনা ৰাম ঝুলাত যাওক। এই ওলমি থকা দলঙৰ পৰা গংগা নদীৰ সুন্দৰ দৃশ্য দেখা যায়। ইয়াৰ পিছত পাৰমাৰ্থ নিকেতন আৰু যোগ নিকেতনলৈ যাওক, য’ত আপুনি যোগ আৰু ধ্যানত অংশগ্ৰহণ কৰিব পাৰে। ইয়াৰ পিছত দুঃসাহসিক কাৰ্য্যকলাপ উপভোগ কৰক। ৰিভাৰ ৰাফটিং, বাঞ্জি জাম্পিং, ক্লিফ জাম্পিং, ট্ৰেকিং আদিৰ ব্যৱস্থা আছে। ৰিভাৰ ৰাফটিঙত প্ৰতিজন ব্যক্তিৰ বাবে ৫০০ৰ পৰা ১৫০০ টকা খৰচ হ’ব পাৰে। সেয়া আপোনাৰ নিজৰ সিদ্ধান্ত। সন্ধিয়া গংগা আৰতিৰ সাক্ষী হ’বলৈ ত্ৰিবেণী ঘাটলৈ যাওক। চাকি আৰু ভজন সংগীতৰ পৰিৱেশে মনোমোহা।

ইয়াৰ পিছত দ্বিতীয় দিনা বাছেৰে বদ্ৰীনাথলৈ আহক। যদি পৰিয়ালৰ সৈতে গৈছে তেন্তে শ্বেয়াৰিং টেক্সিও ল’ব পাৰে। মূল পথটোৱে দেৱপ্ৰয়াগ, ৰুদ্ৰপ্ৰয়াগ, কৰ্ণপ্ৰয়াগ, নন্দপ্ৰয়াগ আৰু যোশীমঠৰ দৰে গুৰুত্বপূৰ্ণ স্থানসমূহ সামৰি লৈছে। যাৰ ফলত ভগৱান বদ্ৰিনাথ দৰ্শন কৰিবলৈ প্ৰায় ২৯৭-৩২০ কিলোমিটাৰ পথ যাত্ৰা কৰিব লাগে। বাছেৰে প্ৰায় ১১-১২ ঘণ্টা সময় লাগে। এই যাত্ৰাৰ সময়ত বহুতো মনোমোহা দৃশ্য আৰু ধৰ্মীয় স্থান দেখিবলৈ পোৱা যাব। বিশেষকৈ দুৱাৰ খোলাৰ সময় এপ্ৰিল/মে’। ভ্ৰমণৰ সময়ত বতৰৰ কথা মনত ৰাখিব।

বদ্ৰীনাথত প্ৰথম দিনা বদ্ৰীনাথত এখন হোটেল বিচাৰি উলিয়াওক, জিৰণি লওক। লংগাৰৰ সুবিধাও আছে য’ত খাব পাৰি। দ্বিতীয় দিনা ৰাতিপুৱাই মন্দিৰলৈ গৈ তপ্ত কুণ্ডত গা স্নান কৰক, তাৰ পিছত ওচৰৰ মানা গাঁও, ব্যাস গুহা, ভীমা দলং আৰু বসুধৰা জলপ্ৰপাতৰ দৰে আকৰ্ষণীয় স্থানসমূহ পৰিদৰ্শন কৰি সন্ধিয়াৰ ভিতৰত উভতি আহিব। যাৰ ফলত গুৰুত্বপূৰ্ণ স্থানসমূহ কম সময়তে আৱৰি ল’ব পাৰিব।

উল্লেখ্য যে, বতৰ ঠাণ্ডা হৈ থকাৰ বাবে গৰম কাপোৰ, জেকেট, টুপী, ছানস্ক্ৰীণ লৈ যাব লাগে। ইয়াৰোপৰি আৰামদায়ক আৰু ট্ৰেকিং কৰিব পৰা জোতা পিন্ধিব। আপোনাৰ ওচৰত ঔষধ আৰু প্ৰাথমিক চিকিৎসাৰ সামগ্ৰী আপোনাৰ লগত ৰাখক। এই ভ্ৰমণৰ বাবে এপ্ৰিলৰ পৰা জুন আৰু ছেপ্টেম্বৰ-অক্টোবৰলৈকে ভ্ৰমণৰ বাবে উত্তম সময়, আনহাতে বাৰিষাত (জুলাই-আগষ্ট) ভূমিস্খলনৰ প্ৰৱণতা থাকে।