যক্ষ্মা ৰোগৰ প্ৰাৰম্ভিক লক্ষণসমূহ কি কি জানেনে? জানক চিকিৎসকৰ পৰা…
মানুহৰ কাহ আৰু জ্বৰ হোৱা সাধাৰণ কথা। কিন্তু সঘনাই যদি এই সমস্যা হয় আৰু ইয়াৰ লগতে অন্য় কিছুমান লক্ষণে দেখা দিয়ে তেন্তে ই কোনো গুৰুতৰ ৰোগৰ লক্ষণ হ'ব পাৰে।
যদি আপোনাৰ কেইবা সপ্তাহ ধৰি অবিৰতভাৱে কাহ, ৰাতি ঘাম ওলোৱা, হঠাতে ওজন কমি যোৱা আদি সমস্যাৰ সৃষ্টি হৈছে তেন্তে ই বতৰ বা দুৰ্বলতাৰ লক্ষণ নহয়। এইবোৰ টিবি (TB) বা যক্ষ্মা ৰোগৰ আৰম্ভণিৰ লক্ষণ হ’ব পাৰে। টিবি এবিধ সংক্ৰামক ৰোগ, যি প্ৰধানকৈ হাওঁফাওঁত আক্ৰান্ত হয়।এই ৰোগৰ সময়মতে চিকিৎসা নকৰিলে শৰীৰৰ আন অংশলৈও বিয়পিব পাৰে। এই ৰোগ Mycobacterium tuberculosis নামৰ বেক্টেৰিয়াৰ দ্বাৰা হয় আৰু কাহ বা হাঁচিৰ দ্বাৰা আন এজন ব্যক্তিলৈ বিয়পিব পাৰে। এই ৰোগৰ লক্ষণসমূহ আওকান কৰা উচিত নহয়।
যক্ষ্মা কেৱল হাওঁফাওঁতে সীমাবদ্ধ নহয়। সময়ত চিকিৎসা নকৰিলে শৰীৰৰ আন আন অংশ যেনে হাড়, মগজু, বৃক্ক আৰু মেৰুদণ্ডলৈ বিয়পিব পাৰে। ইয়াৰ কিছুমান লক্ষণ যেনে-
- কোনো ব্যক্তিৰ হাওঁফাওঁত টিবি হ’লে তেওঁৰ উশাহ-নিশাহ লোৱাত অসুবিধা, বুকুৰ বিষ, কাহৰ লগত তেজ ওলোৱা আদি গুৰুতৰ সমস্যা হ’ব পাৰে।
- টিবি হাড়ৰ ওচৰ পালে হাড় ফুলি উঠে আৰু খোজ কঢ়াত অসুবিধা হয়।
- মগজুত টিবি মাৰাত্মক বুলি প্ৰমাণিত হ’ব পাৰে।
- এই ৰোগে শৰীৰৰ ৰোগ প্ৰতিৰোধ ক্ষমতা দুৰ্বল কৰি পেলায় আৰু ৰোগী ক্ৰমান্বয়ে অতি দুৰ্বল হৈ পৰে।
- চিকিৎসাৰ অভাৱত ঔষধ প্ৰতিৰোধী টিবি ৰোগ হ’ব পাৰে, যি নিৰাময় কৰাটো আৰু অধিক কঠিন হৈ পৰে।
টিবিৰ লক্ষণ
জিটিবি হাস্পতালৰ চিকিৎসা বিভাগৰ ডাঃ অজিত কুমাৰে টিবিৰ লক্ষণৰ বিষয়ে জনাইছে। তেওঁ কয় যে, টিবিৰ লক্ষণবোৰ প্ৰথমতে সাধাৰণ হয়। চৰ্দি বা দুৰ্বলতাৰ দৰে প্ৰথমে সাধাৰণ লক্ষণ দেখা দিয়ে। পাছত ই গুৰুতৰ হৈ পৰে। ইয়াৰ কিছুমান লক্ষণ যেনে-
- স্থায়ী কাহ, যি দুসপ্তাহতকৈ অধিক সময় থাকে আৰু চিকিৎসাৰ দ্বাৰা আৰোগ্য নহয়।
- কাহৰ লগত শ্লেষ্মা আহে।
- কাহৰ লগত কেতিয়াবা তেজ আহে।
- ৰোগীৰ ওজন হঠাৎ কমিবলৈ আৰম্ভ কৰে, ই আভ্যন্তৰীণ সংক্ৰমণ আৰু শৰীৰৰ দুৰ্বলতাৰ লক্ষণ।
- নিশা ঘাম ওলোৱা (গৰম নলগাকৈ)।
- ৰোগীয়ে অত্যন্ত ভাগৰুৱা অনুভৱ কৰা।
- শৰীৰ দুৰ্বল হৈ পৰা আৰু জিৰণিৰ পাছতো সকাহ লাভ নকৰা।
- বিশেষকৈ সন্ধিয়া বা ৰাতি অবিৰতভাৱে মৃদু জ্বৰ হোৱা।
- ভোকহীনতা আৰু এলাহ ভাব।
যদি এই লক্ষণ সমূহে দেখা দিয়ে তেন্তে চিকিৎসকৰ পৰামৰ্শ লোৱা দৰকাৰ।
পৰিত্ৰাণ
- সৰুতে বিচিজিৰ ভেকচিন লোৱা
- টিবি ৰোগীৰ সংস্পৰ্শলৈ অহাৰ পৰা বিৰত থাকক।
- সদায় মুকলি আৰু বায়ুমণ্ডলীয় ঠাইত থাকিবলৈ চেষ্টা কৰক।
- ভিৰৰ মাজত বা কাহ জ্বৰ থকা লোকৰ ওচৰত মাস্ক পৰিধান কৰিব লাগে।
- স্বাস্থ্যসন্মত খাদ্য গ্ৰহণ কৰক।
অন্য খবৰ পঢ়কঃ ছাল হৈ পৰিব ধুনীয়া আৰু উজ্বল! মাত্ৰ সপ্তাহত ২বাৰ ব্যৱহাৰ কৰক এই বস্তু…
