উজ্জ্বল হৈ পৰিব আপোনাৰ ছাল, এইদৰে মুখত লগাওক তৰমুজৰ ৰস…

গ্ৰীষ্মকালত বজাৰত মিঠা আৰু ৰসাল ফল যেনে  তৰমুজ, খৰমুজ আদি  প্ৰচুৰ পৰিমাণে পোৱা যায়। যিবোৰ খাবলৈ মানুহে ভাল পায়। ইয়াত পটাছিয়াম, লাইকোপিন, এন্টিঅক্সিডেন্ট, ভিটামিন চি আৰু এ আদি বহুতো পুষ্টিকৰ উপাদান থাকে।গৰমৰ দিনত ডিহাইড্ৰেচনৰ বাবে বহু ৰোগৰ সৃষ্টি হয় আৰু ইয়াৰ স্বাস্থ্যৰ ওপৰতো বেয়া প্ৰভাৱ পৰে। তৰমুজত পৰ্যাপ্ত পৰিমাণৰ পানী থাকে যাৰ বাবে ই গ্ৰীষ্মকালত শৰীৰক জলসিঞ্চিত কৰি ৰখাত সহায় কৰে। স্বাস্থ্যৰ লগতে ইয়াক খালে ছালৰ লগত জড়িত সমস্যা যেনে পিম্পল, ৰেখা, দাগ আদিৰ পৰাও সকাহ পোৱা যায়।কিন্তু আপুনি জানেনে যে তৰমুজৰ ৰস মুখত লগালে ছালখন জিলিকি উঠিব পাৰি।

গ্ল’য়িং ছালৰ বাবে আমি মুখত বহুতো প্ৰাকৃতিক সামগ্ৰী যেনে মুলতানি মিট্টি, আলুৰ ৰস, এলোভেৰা, গোলাপ জল লগাও। কিন্তু কেতিয়াবা মুখত তৰমুজৰ ৰস লগোৱাৰ কথা শুনিছেনে? শুনিবলৈ অদ্ভুত যেন লাগে কিন্তু তৰমুজৰ ৰস মুখত লগাব পাৰে আৰু ইয়াৰ বহু উপকাৰ আছে।

তৰমুজৰ ৰস মুখত লগোৱাৰ উপকাৰিতা

ছাল হাইড্ৰেটেড কৰি ৰাখে

তৰমুজত প্ৰচুৰ পৰিমাণে পানী থাকে যাৰ বাবে ই ছালখনক জলসিঞ্চিত কৰি ৰখাত সহায় কৰে আৰু ছালৰ প্ৰাকৃতিক জিলিকনি বজাই ৰাখে। ইয়াৰ হাইড্ৰেটিং গুণ আছে যিয়ে মুখৰ শুকান হোৱাটো হ্ৰাস কৰাত সহায় কৰে।

পিম্পল কমায়

তৰমুজত এন্টিঅক্সিডেন্ট গুণ আছে, গতিকে ইয়াৰ ৰস মুখত লগালে পিম্পলৰ সমস্যা নাইকিয়া হয় আৰু ই মুখমণ্ডল ঠাণ্ডা কৰি ব্ৰণ কম কৰিব পাৰে।

দাগ কমায়

তৰমুজ খোৱাৰ লগতে ইয়াৰ ৰস মুখত লগাব পাৰে কাৰণ ইয়াত ভিটামিন চি প্ৰচুৰ পৰিমাণে থাকে, সেয়েহে ই মুখৰ দাগ কমোৱাত সহায় কৰে আৰু ছালখন উজ্জ্বল কৰি তোলে।

গ্লয়িং স্কিন

গ্লোয়িং ছাল পাবলৈ তৰমুজৰ ৰসত অলপ গাখীৰ মিহলাই মুখত লগাব পাৰে আৰু শুকোৱাৰ পিছত ঠাণ্ডা পানীৰে মুখখন ধুব পাৰে। ই আপোনাৰ মুখত প্ৰাকৃতিক গ্লো অনাত সহায় কৰে। গ্ল’য়িং ছাল পাবলৈ আপুনি তৰমুজৰ ৰসৰ পৰা তৈয়াৰী এই ঘৰুৱা উপায় ব্যৱহাৰ কৰিব পাৰে, ইয়াৰ ফলত আপোনাৰ ছালৰ প্ৰাকৃতিক গ্লো থাকিব।